ಪಾಕಿಸ್ತಾನ ಭಯೋತ್ಪಾದನೆಯ ಕೇಂದ್ರ ಬಿಂದು: ಜೈಶಂಕರ್

ಪಾಕಿಸ್ತಾನವು ತನ್ನ ಎಲ್ಲ ಕೆಟ್ಟ ಕೆಲಸಗಳನ್ನು ನಿಲ್ಲಿಸಬೇಕು ಮತ್ತು ಉತ್ತಮ ನೆರೆಹೊರೆಯವರಾಗಲು ಪ್ರಯತ್ನಿಸಬೇಕು ಎಂದು ಎಸ್ ಜೈಶಂಕರ್ ಸಲಹೆ ನೀಡಿದ್ದಾರೆ.

ನ್ಯೂಯಾರ್ಕ್: ಜಗತ್ತು ಪಾಕಿಸ್ತಾನವನ್ನು ಭಯೋತ್ಪಾದನೆಯ ಕೇಂದ್ರಬಿಂದುವಾಗಿ ನೋಡುತ್ತಿದೆ. ಎರಡು ವರ್ಷಗಳಲ್ಲಿ ಕೋವಿಡ್-19ರಿಂದ ಉಂಟಾದ ಮೆದುಳಿನ ಮಂಜಿನ ಹೊರತಾಗಿಯೂ ಬೆದರಿಕೆ ಎಲ್ಲಿಂದ ಉದ್ಭವಿಸುತ್ತದೆ ಎಂಬುದನ್ನು ಅಂತಾರಾಷ್ಟ್ರೀಯ ಸಮುದಾಯವು ಮರೆತಿಲ್ಲ ಎಂದು ವಿದೇಶಾಂಗ ವ್ಯವಹಾರಗಳ ಸಚಿವ ಎಸ್ ಜೈಶಂಕರ್ ಹೇಳಿದ್ದಾರೆ.

ಜಾಗತಿಕ ಭಯೋತ್ಪಾದನೆ ನಿಗ್ರಹ ವಿಧಾನ ಸವಾಲುಗಳು ಮತ್ತು ಮುಂದುವರಿಕೆಯ ಕೌನ್ಸಿಲ್‌ ಸಭೆಯ ನಂತರ ಜೈಶಂಕರ್ ಈ ಹೇಳಿಕೆ ನೀಡಿದ್ದಾರೆ. ಯಾವುದೇ ದೇಶವು ಭಾರತಕ್ಕಿಂತ ಉತ್ತಮವಾಗಿ ಭಯೋತ್ಪಾದನೆ ನಿಗ್ರಹಿಸುತ್ತಿಲ್ಲ ಎಂದು ಇದೇ ಸಮಯದಲ್ಲಿ ನಿಲುವನ್ನು ವ್ಯಕ್ತ ಪಡಿಸಿದ್ದಾರೆ.

ಹಿತ್ತಲಿನ ಹಾವು ನೆರೆಯವರನ್ನು ಮಾತ್ರ ಕಚ್ಚುವುದಿಲ್ಲ: ವರ್ಷಗಳ ಹಿಂದೆ ಹಿಲರಿ ಕ್ಲಿಂಟನ್ ಪಾಕಿಸ್ತಾನಕ್ಕೆ ಭೇಟಿ ನೀಡಿದ್ದರು. ಆ ವೇಳೆ, ಸಚಿವ ಹೀನಾ ರಬ್ಬಾನಿ ಖಾರ್ ಭಾರತದ ವಿರುದ್ಧ ದಸ್ತಾವೇಜಿನ ಬಗ್ಗೆ ಖರ್ ಅವರಿಗೆ ವರದಿ ನೀಡಿದ್ದರು. ಈ ಬಗ್ಗೆ ಪ್ರತಿಕ್ರಿಯಿಸಿದ ಜೈಶಂಕರ್, ನಿಮ್ಮ ಹಿತ್ತಲಿನಲ್ಲಿ ಹಾವುಗಳನ್ನು ಇಟ್ಟುಕೊಂಡು ಅವು ನಿಮ್ಮ ನೆರೆಹೊರೆಯವರನ್ನು ಮಾತ್ರ ಕಚ್ಚುತ್ತವೆ ಎಂದು ನಿರೀಕ್ಷಿಸಲು ಸಾಧ್ಯವಿಲ್ಲ. ಕೊನೆಗೆ ಹಿತ್ತಲಲ್ಲಿ ಸಾಕಿದವರನ್ನು ಕಚ್ಚುತ್ತವೆ. ಪಾಕಿಸ್ತಾನ ಉತ್ತಮ ಸಲಹೆಗಳನ್ನು ಸ್ವೀಕರಿಸುವುದಿಲ್ಲ ಎಂದಿದ್ದಾರೆ.

ಉತ್ತಮ ನೆರೆಯ ರಾಷ್ಟ್ರವಾಗಲು ಪ್ರಯತ್ನಿಸಲಿ: ಜಗತ್ತಿನ ತುಂಬಾ ಮೂರ್ಖರಿಲ್ಲ. ಭಯೋತ್ಪಾದನೆಯಲ್ಲಿ ತೊಡಗಿರುವ, ಸಂಘಟನೆಗಳು ಮತ್ತು ಜನರಿಗೆ ಬೆಂಬಲಿಸುವ ದೇಶಗಳು ಯಾವುದು ಎಂದು ಎಲ್ಲರಿಗೂ ತಿಳಿದಿದೆ. ಪಾಕಿಸ್ತಾನವು ತನ್ನ ಕೃತ್ಯವನ್ನು ಸ್ವಚ್ಛಗೊಳಿಸಬೇಕು ಮತ್ತು ಉತ್ತಮ ನೆರೆಹೊರೆಯವರಾಗಲು ಪ್ರಯತ್ನಿಸಬೇಕು ಎಂದು ಸಲಹೆ ನೀಡಿದ್ದಾರೆ.

ಇದನ್ನೂ ಓದಿ: ಜೈಶಂಕರ್​ ಭೇಟಿ ಮಾಡಿದ ಅಮೆರಿಕ ವಿದೇಶಾಂಗ ಕಾರ್ಯದರ್ಶಿ.. ಜಿ20 ಯಶಸ್ಸಿನ ಬಗ್ಗೆ ಸಮಾಲೋಚನೆ