ತೆಹ್ರಾನ್(ಇರಾನ್): ಬುಧವಾರದಂದು ಉಕ್ರೇನಿಯನ್ ಬೋಯಿಂಗ್ 737 ವಿಮಾನ ಅಪಘಾತದಿಂದ 176 ಪ್ರಯಾಣಿಕರು ಮೃತಪಟ್ಟಿದ್ದು, ಈ ಅಪಘಾತಕ್ಕೆ ಕಾರಣಗಳೇನು ಎಂಬುದಾಗಿ ತಿಳಿಸುವುದಾಗಿ ಅಧಿಕಾರಿಗಳು ಮಾಹಿತಿ ನೀಡಿದ್ದರು. ಇದರ ಬೆನ್ನಲ್ಲೇ ಇರಾನ್ ಅಧ್ಯಕ್ಷ ಹಸನ್ ರೌಹಾನಿ ಈ ಕುರಿತು ಮಾಹಿತಿ ನೀಡಿದ್ದಾರೆ.
ರೌಹಾನಿ, ಈ ಅಪಘಾತದ ಬಗ್ಗೆ ಮಾಹಿತಿ ನೀಡಿದ್ದು, ಉಕ್ರೇನಿಯನ್ ಬೋಯಿಂಗ್ ವಿಮಾನದ ಅಪಘಾತ ಸಂಭವಿಸಲು ತಾಂತ್ರಿಕ ದೋಷ ಹಾಗೂ ಪೈಲಟ್ನ ಅಜಾಗರೂಕತೆಯೇ ಕಾರಣ ಎಂದು ಇರಾನಿನ ಸಶಸ್ತ್ರ ಪಡೆಗಳ ಆಂತರಿಕ ತನಿಖೆಯು ತಿಳಿಸಿದೆ. ಈ ಬಗ್ಗೆ ಕಾನೂನು ಕ್ರಮ ಕೈಗೊಳ್ಳಲಾಗುವುದು ಹಾಗೂ ಈ ಭೀಕರ ದುರಂತದ ಬಗ್ಗೆ ವಿಷಾದ ವ್ಯಕ್ತಪಡಿಸುತ್ತೇನೆ ಎಂದಿದ್ದಾರೆ.
ಉಕ್ರೇನಿಯನ್ ಬೋಯಿಂಗ್ 737 ವಿಮಾನ ತೆಹ್ರಾನ್‌ನ ಇಮಾಮ್ ಖೊಮೇನಿ ವಿಮಾನ ನಿಲ್ದಾಣದಿಂದ ಟೇಕಾಫ್ ಆಗಿ ಕೆಲವೇ ನಿಮಿಷಗಳಲ್ಲಿ ಅಪಘಾತಕ್ಕೊಳಗಾಗಿದ್ದು, ಇರಾನ್, ಉಕ್ರೇನಿಯನ್, ಅಫ್ಘಾನಿಸ್ತಾನ್, ಕೆನಡಾ, ಜೆರ್ಮನಿ, ಸ್ವೀಡನ್ ಸೇರಿದಂತೆ ಇನ್ನಿತರ ದೇಶದ 176 ಪ್ರಯಾಣಿಕರು ಈ ಅಪಘಾತದಲ್ಲಿ ಪ್ರಾಣ ತೆತ್ತಿದ್ದರು.
ಇರಾಕ್ನಲ್ಲಿರುವ ಅಮೆರಿಕದ ಸೇನಾನೆಲಗಳ ಮೇಲೆ ಇರಾನ್ ಕ್ಷಿಪಣಿ ದಾಳಿ ನಡೆಸಿದ ಬೆನ್ನಲ್ಲೇ ಈ ವಿಮಾನ ದುರಾಂತ ಸಂಭವಿಸಿದ್ದು, ಉಕ್ರೇನಿಯನ್ ವಿಮಾನ ಅಪಘಾತಕ್ಕೆ ಇರಾನ್ ಸಿಡಿಸಿದ ಕ್ಷಿಪಣಿಗಳೆ ಕಾರಣ ಎಂದು ಅಮೆರಿಕ ಕಿಡಿಕಾರಿತ್ತು.
