ಬಾಗ್ದಾದ್(ಇರಾಕ್): ಸ್ಫೋಟಕಗಳನ್ನು ತುಂಬಿದ ಡ್ರೋನ್ಗಳು ಉತ್ತರ ಇರಾಕ್‌ನಲ್ಲಿರುವ ಇರ್ಬಿಲ್ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದ ಮೇಲೆ ದಾಳಿ ಮಾಡಿದ್ದು, ಯಾವುದೇ ಸಾವು-ನೋವು, ನಷ್ಟ ಉಂಟಾಗಿಲ್ಲ ಎಂದು ಭದ್ರತಾ ಪಡೆಗಳು ಮತ್ತು ಅಧಿಕಾರಿಗಳು ಮಾಹಿತಿ ನೀಡಿವೆ.
ಅಮೆರಿಕ ನೇತೃತ್ವದ ಒಕ್ಕೂಟ ಪಡೆಗಳು ಇಲ್ಲಿದ್ದು, ಸ್ಫೋಟಕಗಳನ್ನು ಹೊತ್ತ ಎರಡು ಡ್ರೋನ್ಗಳು ಕುರ್ದಿಷ್ ಅರೆಸ್ವಾಯುತ್ತ ಪ್ರದೇಶದಲ್ಲಿದ್ದ ವಿಮಾನ ನಿಲ್ದಾಣದ ಮೇಲೆ ದಾಳಿ ಮಾಡಿವೆ ಎಂದು ಕುರ್ದಿಷ್ನ ಭಯೋತ್ಪಾದನಾ ನಿಗ್ರಹ ದಳ ಮಾಹಿತಿ ನೀಡಿದೆ.
ದಾಳಿಯು ವಿಮಾನ ನಿಲ್ದಾಣದ ಹೊರಗೆ ಸಂಭವಿಸಿದೆ. ಇದರಿಂದ ಯಾವುದೇ ವಿಮಾನಕ್ಕೂ ಹಾನಿಯಾಗಿಲ್ಲ. ಈಗಲೂ ವಿಮಾನ ನಿಲ್ದಾಣ ತೆರೆದಿದ್ದು, ಕುರ್ದಿಷ್ ಅಧಿಕಾರಿಗಳಿಂದ ತನಿಖೆ ನಡೆಯುತ್ತಿದೆ ಎಂದು ಅಧಿಕಾರಿಯಾ ಲಾಕ್ ಘಪುರಿ ತಿಳಿಸಿದ್ದಾರೆ.
ಇರಾಕ್‌ನಾದ್ಯಂತ ಸೇನಾ ನೆಲೆಗಳನ್ನು ಗುರಿಯಾಗಿಸಿಕೊಂಡು ಡ್ರೋನ್ ಮತ್ತು ರಾಕೆಟ್ ದಾಳಿ ನಡೆದು ಸುಮಾರು ಎರಡು ತಿಂಗಳಾಗಿತ್ತು. ಜುಲೈ 8ರಂದು, ಇರಾಕ್ನ ರಾಜಧಾನಿ ಬಾಗ್ದಾದ್‌ನಲ್ಲಿ ರಾಕೆಟ್ ದಾಳಿ ನಡೆದಿತ್ತು. ಈಗ ಎರಡು ತಿಂಗಳ ನಂತರ ಮತ್ತೊಂದು ದಾಳಿ ನಡೆದಿದೆ.
ಇರಾಕ್ ಮೇಲೆ ನಡೆಯುತ್ತಿರುವ ದಾಳಿಗೆ ಇರಾನ್ ನೇರ ಕಾರಣ ಎಂದು ಅಮೆರಿಕ ಆರೋಪಿಸಿದೆ. ಇತ್ತೀಚೆಗೆ ಉಗ್ರರು ಕತ್ಯುಷಾ ರಾಕೆಟ್‌ಗಳ ಬದಲು ಡ್ರೋನ್‌ಗಳನ್ನು ಬಳಸುತ್ತಿದ್ದಾರೆ ಎಂದು ಇರಾಕ್ಗೆ ಮಿಲಿಟರಿ ತರಬೇತಿ ಮತ್ತು ಸಲಹೆ ನೀಡುವುದನ್ನು ಮುಂದುವರೆಸುವುದಾಗಿ ಅಮೆರಿಕ ಅಭಯ ನೀಡಿದೆ.
ಇದನ್ನೂ ಓದಿ: ಪ್ರಾದೇಶಿಕ ಮಿತ್ರನಾಗಿ ಭಾರತದ ಪಾತ್ರವು ಅಫ್ಘಾನಿಸ್ತಾನದಲ್ಲಿ ಸಕಾರಾತ್ಮಕ ಪರಿಣಾಮ ಬೀರುತ್ತದೆ : ಯುಎಸ್ ಅಧಿಕಾರಿ
