ಲಂಡನ್: ಇಂಗ್ಲೆಂಡ್ ಹಣಕಾಸು ಸಚಿವ ಹಾಗೂ ಇನ್ಫೋಸಿಸ್ ಸಹ ಸಂಸ್ಥಾಪಕ ನಾರಾಯಣಮೂರ್ತಿ ಅಳಿಯ ರಿಷಿ ಸುನಾಕ್ ಮೇಲೆ ಪಬ್ವೊಂದು ಆಜೀವ ನಿಷೇಧ ಹೇರಿದೆ.
ರಿಷಿ ಜೊತೆಗೆ ಆಡಳಿತರೂಢ ಕನ್ಸರ್ವೇಟಿವ್ ಪಕ್ಷದ ಇತರೆ ಮೂವರು ಸಂಸದರ ಮೇಲೂ ಇದೇ ಕ್ರಮವನ್ನು ತೆಗೆದುಕೊಂಡಿದೆ. ವರ್ಷದ ಆರಂಭದಲ್ಲಿ ಯುಕೆ ಸರ್ಕಾರವು ಬೇಸಿಗೆ ರಜೆಯಲ್ಲಿ ಶಾಲಾ ಮಕ್ಕಳಿಗೆ ಉಚಿತ ಊಟ ನೀಡುವ ತಾತ್ಕಾಲಿಕ ಯೋಜನೆ ಅನುಷ್ಠಾನಗೊಳಿಸಿತ್ತು.
ಈ ಯೋಜನೆ ಮುಂದುವರಿಸಬೇಕೆ ಅಥವಾ ಬೇಡವೇ ಎಂಬುದರ ಬಗ್ಗೆ ಸಂಸತ್ತಿನಲ್ಲಿ ಇತ್ತೀಚೆಗೆ ಸುದೀರ್ಘ ಚರ್ಚೆ, ಸಂವಾದ, ವಾದ- ಪ್ರತಿವಾದ ನಡೆದಿತ್ತು.
ರಿಷಿ ಸುನಾಕ್, ಸಂಸದರಾದ ಮ್ಯಾಟ್ ವಿಕರ್ಸ್, ಸಿಮನ್ ಕ್ಲಾರ್ಕ್ ಹಾಗೂ ಜೇಕಬ್ ಯಂಗ್ ಅವರು ಈ ಯೋಜನೆ ಮುಂದುವರಿಸುವುದರ ವಿರುದ್ಧ ಮತ ಚಲಾಯಿಸಿದ್ದರು. ಇದಕ್ಕೆ ಪ್ರತಿಯಾಗಿ ಯಾರ್ಕ್ಶೈರ್ನ ಸ್ಟೋಕ್ಸ್ಲಿಯಲ್ಲಿ ಇರುವ ದಿ ಮಿಲ್ ಪಬ್ನ ಮಾಲೀಕ, ಈ ನಾಲ್ವರಿಗೆ ನಿಷೇಧ ಹೇರಿದ್ದಾರೆ.
ಬ್ರಿಟನ್ ಸರ್ಕಾರ ಶಾಲಾ ಮಕ್ಕಳಿಗೆ ಉಚಿತ ಊಟ ನೀಡುವ ಯೋಜನೆಯನ್ನು ಸ್ಥಗಿತಗೊಳಿಸುವುದರ ಪರ ಮತ ಚಲಾಯಿಸಿದ್ದು ವಿಪರ್ಯಾಸ ಎಂದು ಕುಕ್ ಅಸಮಾಧಾನ ಹೊರಹಾಕಿ, ಹೀಗಾಗಿ ಈ ನಾಲ್ವರ ವಿರುದ್ಧ ಪಬ್ ಪ್ರವೇಶಕ್ಕೆ ನಿಷೇಧ ಹೇರಿದೆ ಎಂದರು.
