ಲಂಡನ್: ಮಹಾಮಾರಿ ಕೊರೊನಾ ವೈರಸ್ ದಿನದಿಂದ ದಿನಕ್ಕೆ ಹೆಚ್ಚಾಗುತ್ತಿರುವ ಕಾರಣ ಇಂಗ್ಲೆಂಡ್ನಲ್ಲಿ ಡಿಸೆಂಬರ್ 2ರವರೆಗೆ ಕಠಿಣ ಲಾಕ್ಡೌನ್ ಜಾರಿ ಮಾಡಿ ಮಹತ್ವದ ಆದೇಶ ಹೊರಡಿಸಲಾಗಿದೆ.
ಬ್ರಿಟನ್ ಪ್ರಧಾನಿ ಬೋರಿಸ್ ಜಾನ್ಸನ್ ಇದರ ಬಗ್ಗೆ ಮಾಹಿತಿ ನೀಡಿದ್ದು, ಬರುವ ಗುರುವಾರದಿಂದ ಮುಂದಿನ ಒಂದು ತಿಂಗಳ ಕಾಲ ದೇಶಾದ್ಯಂತ ಲಾಕ್ಡೌನ್ 2 ಜಾರಿಗೊಳ್ಳಲಿದೆ. ಲಂಡನ್ನಲ್ಲಿ ಈಗಾಗಲೇ ಕೋವಿಡ್ ಕೇಸ್ 1 ಲಕ್ಷ ಗಡಿ ದಾಟಿರುವ ಕಾರಣ ಈ ನಿರ್ಧಾರ ಕೈಗೊಳ್ಳಲಾಗಿದೆ. ದೇಶದಲ್ಲಿ ಪ್ರತಿದಿನ ಕೋವಿಡ್ ಸಂಖ್ಯೆ ಏರಿಕೆಯಾಗುತ್ತಿರುವ ಕಾರಣ ಡಿಸೆಂಬರ್ ವೇಳೆಗೆ ಸಾವಿನಲ್ಲಿ ತೀವ್ರತೆ ಕಂಡು ಬರುವ ಸಾಧ್ಯತೆ ಇದೆ.
ಕಠಿಣ ಲಾಕ್ಡೌನ್ ಜಾರಿ
- ದೇಶದಲ್ಲಿ ಅಗತ್ಯ ಆಹಾರ ಪದಾರ್ಥಗಳ ಅಂಗಡಿ ಮಾತ್ರ ತೆರೆಯಲಿದ್ದು, ಉಳಿದಂತೆ ಎಲ್ಲವೂ ಬಂದ್ ಆಗಲಿದೆ.
- ವಿಶೇಷವೆಂದರೆ ಶಾಲೆಗಳು, ವಿಶ್ವವಿದ್ಯಾಲಯಗಳು ಹಾಗೂ ಕೋರ್ಟ್ಗಳು ಕಾರ್ಯ ನಿರ್ವಹಿಸಲಿವೆ.
- ಚಿಲ್ಲರೆ ವ್ಯಾಪಾರ, ರೆಸ್ಟೋರೆಂಟ್,ಪಬ್ಗಳು ಹಾಗೂ ಇತರೆ ಸ್ಥಳಗಳು ಬಂದ್ ಆಗಲಿವೆ.
- ಜನರು ತಮ್ಮ ಮನೆಯಿಂದ ಹೊರಬರುವುದು ಸಂಪೂರ್ಣ ನಿಷೇಧ, ವ್ಯಾಪಾರಿಗಳಿಗೆ ನಿರ್ಬಂಧ.
ಈಗಾಗಲೇ ಲಂಡನ್ನ ಗ್ರೇಟರ್ ಮ್ಯಾಂಚೆಸ್ಟರ್, ವೇಲ್ಸ್, ದಕ್ಷಿಣ ಯಾರ್ಕ್ಷೈರ್ನಲ್ಲಿ ಕಠಿಣ ಲಾಕ್ಡೌನ್ ಜಾರಿಯಲ್ಲಿದ್ದು, ಇದೀಗ ಸಂಪೂರ್ಣ ಲಂಡನ್ನಲ್ಲಿ ಇದನ್ನ ಜಾರಿಗೊಳಿಸಲಾಗಿದೆ.
