ಅರಬ್​ ದೇಶದಲ್ಲಿ ತಲೆ ಎತ್ತಲಿದೆ ಮೊದಲ ಹಿಂದೂ ದೇಗುಲ... 13.5 ಎಕರೆ ಜಾಗದಲ್ಲಿ ದೇವಸ್ಥಾನ!

ಮುಸ್ಲಿಂ ರಾಷ್ಟ್ರದಲ್ಲಿ ಹಿಂದೂ ದೇವಾಲಯ ತಲೆ ಎತ್ತಲಿದ್ದು, ಅರಬ್‌ ಸಂಯುಕ್ತ ಸಂಸ್ಥಾನಗಳ ರಾಜಧಾನಿ ಅಬುದಾಬಿಯಲ್ಲಿ ನಿರ್ಮಾಣಗೊಳ್ಳಲಿರುವ ಈ ದೇವಾಲಯದ ಕಾರ್ಯ ಇದೀಗ ಆರಂಭಗೊಂಡಿದೆ.

ದುಬೈ: ಅರಬ್​ ಸಂಯುಕ್ತ ರಾಷ್ಟ್ರದಲ್ಲಿ ಮೊದಲ ಹಿಂದೂ ದೇಗುಲ ತಲೆ ಎತ್ತಲಿದ್ದು, ಸರಿಮಾರು 13.5 ಎಕರೆ ಜಮೀನಿನಲ್ಲಿ ನಿರ್ಮಾಣಗೊಳ್ಳಲಿರುವ ಈ ದೇವಸ್ಥಾನದ ಶಂಕುಸ್ಥಾಪನೆ 2018ರಲ್ಲೇ ನಡೆದಿದೆ. ಇದೀಗ ಅದರ ಅಡಿಪಾಯ ಹಾಕುವ ಕೆಲಸ ಆರಂಭಗೊಂಡಿದೆ.

• Concrete laid for Swami Narayan Temple in UAE @Dr_BR_Shetty @BAPS_PubAffairs pic.twitter.com/CpXgNsWadI

  — Bhaskar Gogoi (@BhaskarGogoi) February 13, 2020 " class="align-text-top noRightClick twitterSection" data="

  Concrete laid for Swami Narayan Temple in UAE @Dr_BR_Shetty @BAPS_PubAffairs pic.twitter.com/CpXgNsWadI

  — Bhaskar Gogoi (@BhaskarGogoi) February 13, 2020

  ">

  Concrete laid for Swami Narayan Temple in UAE @Dr_BR_Shetty @BAPS_PubAffairs pic.twitter.com/CpXgNsWadI

  — Bhaskar Gogoi (@BhaskarGogoi) February 13, 2020

ಯುಎಇ ಭಾರತೀಯ ರಾಯಭಾರಿ ಪವನ್​ ಕಪೂರ್​ ಮತ್ತು ದುಬೈನ್​ ಭಾರತದ ಕಾನ್ಸುಲ್​ ಜನರಲ್​​ ಹಾಗೂ ದೇವಾಲಯ ಅಭಿವೃದ್ಧಿ ಪ್ರಾಧಿಕಾರದ ಸಿಇಒ ಓಮರ್​ ಅಲ್​ ಮಥನ್ನಾ ಉಪಸ್ಥಿತಿಯಲ್ಲಿ ಈ ಕೆಲಸ ನಡೆದಿದೆ.

ವಿಡಿಯೋ ಕಾನ್ಫರೆನ್ಸ್​ ಮೂಲಕ 2018ರಲ್ಲಿ ಪ್ರಧಾನಿ ನರೇಂದ್ರ ಮೋದಿ ಶ್ರೀ ಅಕ್ಷರ್​ ಪುರುಷೋತ್ತಮ್​ ಸ್ವಾಮಿನಾರಾಯಣ್​ ಸಂತ್​ ದೇವಾಲಯದ ಉದ್ಘಾಟನಾ ಕಾರ್ಯ ನಡೆಸಿದ್ದರು. ಇದಾದ ಬಳಿಕ ಕಳೆದ ವರ್ಷ ಫೆಬ್ರವರಿಯಲ್ಲಿ ಯುಎಇಗೆ ಭೇಟಿ ನೀಡಿದ ಸಂದರ್ಭದಲ್ಲಿ ಮೋದಿ ದೇವಾಲಯದ ಪ್ರತಿಕೃತಿ ಅನಾವರಣಗೊಳಿಸಿದ್ದರು. 2018ರ ಫೆ. 11ರಂದು ಭೂಮಿ ಶುದ್ಧೀಕರಣ ಕಾರ್ಯ ನಡೆದಿತ್ತು. 13.5 ಎಕರೆ ಪ್ರದೇಶದಲ್ಲಿ ನಿರ್ಮಾಣವಾಗುವ ಈ ದೇವಾಲಯ ಸಂಕೀರ್ಣಕ್ಕೆ ಅಬುದಾಬಿ ದೊರೆ ಭೂಮಿ ನೀಡಿದ್ದಾರೆ.

ರಾಜಸ್ಥಾನದಿಂದ ಕೆಂಪು ಕಲ್ಲು ಮತ್ತು ಮೆಸಡೋನಿಯಾದಿಂದ ಅಮೃತಶಿಲೆಯನ್ನು ದೇವಾಲಯ ನಿರ್ಮಾಣಕ್ಕೆ ಬಳಸಲಾಗುತ್ತದೆ. ಯುಎಇಯ ಏಳು ರಾಜ್ಯಗಳ ಸಂಕೇತವಾಗಿ ಏಳು ಗೋಪುರಗಳ ಇದು ಹೊಂದಿರಲಿದೆ.