ಡಮಾಸ್ಕಸ್: ಸಿರಿಯಾ ರಾಜಧಾನಿ ಡಮಾಸ್ಕಸ್ ಮತ್ತು ದಕ್ಷಿಣ ಉಪನಗರಗಳ ಸಮೀಪ ಇಸ್ರೇಲ್ ಇಂದು ಕ್ಷಿಪಣಿ ದಾಳಿ ನಡೆಸಿದ ಪರಿಣಾಮ ನಾಲ್ವರು ಸೈನಿಕರು ಗಾಯಗೊಂಡಿದ್ದಾರೆ.
ಡಮಾಸ್ಕಸ್ನ ದಕ್ಷಿಣ ಭಾಗದಲ್ಲಿರುವ ಬ್ರಿಟನ್ ಮೂಲದ ಸಿರಿಯನ್ ಅಬ್ಸರ್ವೇಟರಿ ಫಾರ್ ಹ್ಯೂಮನ್ ರೈಟ್ಸ್ ಮತ್ತು ಮಿಲಿಟರಿ ಪೋಸ್ಟ್ಗಳನ್ನು ಇಸ್ರೇಲ್ ಕ್ಷಿಪಣಿಗಳು ಗುರಿಯಾಗಿಸಿಕೊಂಡು ಈ ದಾಳಿ ನಡೆಸಲಾಗಿದೆ ಎನ್ನಲಾಗ್ತಿದೆ.
ಸಿರಿಯಾದ ಲೆಬನಾನಿನ ಗಡಿ ಗ್ರಾಮವಾದ ಹೌಲಾ ಪ್ರದೇಶದಿಂದ ಕ್ಷಿಪಣಿಗಳನ್ನು ಗುರಿಯಾಗಿಸಿ ದಾಳಿ ನಡೆದಿದ್ದು, ನಂತರ ಸ್ಫೋಟದ ಸದ್ದು ದಕ್ಷಿಣ ಲೆಬನಾನ್‌ನ ಕೆಲವು ಭಾಗಗಳಿಗೆ ಕೇಳಿಸಿದೆ ಎಂದು ಸ್ಥಳೀಯರು ತಿಳಿಸಿದ್ದಾರೆ.
ಇರಾನ್ ಸಿರಿಯಾಗೆ ಮಿತ್ರ ರಾಷ್ಟ್ರವಾಗಿದ್ದು, ಇದು ಪಕ್ಕದ ಇಸ್ರೇಲ್ಗೆ ಭೀತಿಯನ್ನುಂಟು ಮಾಡಿದೆ. ಇದರಿಂದಾಗಿ ಆಗಾಗ್ಗೆ ಸಿರಿಯಾ ಸೇನೆಯ ಮೇಲೆ ಇಸ್ರೇಲ್ ದಾಳಿ ಮಾಡುತ್ತದೆ.
