ಕಾಬೂಲ್: ಅಫ್ಘಾನಿಸ್ತಾನದಿಂದ ಅಮೆರಿಕ ಸೇನೆ ಹಿಂತಿರುಗಿ ಆರು ದಿನ ಕಳೆದರೂ ಅಲ್ಲಿನ್ನೂ ತಾಲಿಬಾನಿಗಳ ಸರ್ಕಾರ ರಚನೆಯಾಗಿಲ್ಲ. ಪಂಜಶೀರ್ ಕಣಿವೆಯಲ್ಲಿ ಸಂಘರ್ಷಗಳು ಮುಂದುವರಿಯುತ್ತಲೇ ಇವೆ.
ಈ ಮಧ್ಯೆ ಪಾಕಿಸ್ತಾನ ಗುಪ್ತಚರ ಇಲಾಖೆ (ISI)ಯ ಮುಖ್ಯಸ್ಥ ಲೆಫ್ಟಿನೆಂಟ್ ಜನರಲ್ ಫೈಜ್ ಹಮೀದ್ ಶನಿವಾರ ಕಾಬೂಲ್ಗೆ ತೆರಳಿದ್ದು, ಆಫ್ಘನ್ ರಾಯಭಾರಿ ಮನ್ಸೂರ್ ಅಹ್ಮದ್ ಖಾನ್ ಅವರನ್ನು ಸ್ವಾಗತಿಸಿದರು.
ಅವರು ಕಾಬೂಲ್ಗೆ ಯಾಕೆ ಭೇಟಿ ನೀಡಿದ್ದಾರೆ ಅನ್ನೋದ್ರ ಬಗ್ಗೆ ಸ್ಪಷ್ಟತೆ ಇಲ್ಲ. ಆದರೂ, ಅಫ್ಘಾನಿಸ್ತಾನ ಡೆಮಾಕ್ರಟಿಕ್ ಪೀಪಲ್ಸ್ ಪಾರ್ಟಿಯ ನಾಯಕ ನಿಸಾರ್ ಅಹ್ಮದ್ ಶೆರ್ಜೈ ಪ್ರಕಾರ, ಪಂಜ್ಶೀರ್ ಕಣಿವೆಯ ಒಕ್ಕೂಟದೊಂದಿಗೆ ಐಎಸ್ಐ ನಿರಂತರ ಸಂಪರ್ಕದಲ್ಲಿದೆ. ಎರಡೂ ಗುಂಪುಗಳ ಮಧ್ಯೆ ಮಧ್ಯಸ್ಥಿಕೆ ವಹಿಸಲು ಹಾಗೂ ತಾಲಿಬಾನ್ ಸರ್ಕಾರ ರಚನೆ ಪರಿಶೀಲಿಸಲು ಫೈಜ್ ಇಲ್ಲಿಗೆ ಬಂದಿದ್ದಾರೆ. ಆಫ್ಘನ್ ಸೇನೆಯನ್ನು ಮರು ಸಂಘಟಿಸಲು ಅವರೇ ಸಹಾಯ ಮಾಡುತ್ತಾರೆ ಎಂದು ಅಹ್ಮದ್ ಹೇಳಿದ್ದಾರೆ.
‘ನಾನು ಯಾವುದೇ ಸಭೆಗಳನ್ನು ನಡೆಸಿದರೂ, ನನ್ನ ರಾಯಭಾರಿ ಮನ್ಸೂರ್ಖಾನ್ ಅದರ ಮೇಲ್ವಿಚಾರಣೆ ನೋಡಿಕೊಳ್ಳಲಿದ್ದಾರೆ. ನಾವು ಆಫ್ಘನ್ನಲ್ಲಿ ಶಾಂತಿ ಮತ್ತು ಸ್ಥಿರತೆಗಾಗಿ ಕೆಲಸ ಮಾಡುತ್ತೇವೆ’ ಎಂದು ಹಮೀದ್ ಅಲ್ಲಿನ ಸ್ಥಳೀಯ ಮಾಧ್ಯಮಗಳಿಗೆ ತಿಳಿಸಿದ್ದಾರೆಂದು ಪಾಕ್ ಪತ್ರಕರ್ತರೊಬ್ಬರು ಟ್ವೀಟ್ ಮಾಡಿದ್ದಾರೆ.
ಪಾಕಿಸ್ತಾನವು ತಾಲಿಬಾನ್ಗೆ ಮಿಲಿಟರಿ ನೆರವು ಮತ್ತು ಇತರೆ ನೆರವುಗಳನ್ನು ನೀಡಲು ನಿರಾಕರಿಸಿದೆ. ಆದರೂ, ಅಂತಾರಾಷ್ಟ್ರೀಯ ಸಮಯದಾಯವು ಪಾಕ್, ಅಫ್ಘಾನಿಸ್ತಾನದಲ್ಲಿ ನಡೆಯುತ್ತಿರುವ ಚಟುವಟಿಕೆಗಳ ಮೇಲೆ ಪ್ರಭಾವ ಬೀರಿದೆ ಎಂದು ಆರೋಪಿಸಿದೆ. ತಾಲಿಬಾನ್ ನಾಯಕರು ಐಎಸ್ಐನೊಂದಿಗೆ ನೇರ ಸಂಪರ್ಕ ಹೊಂದಿದ್ದಾರೆ ಎನ್ನಲಾಗುತ್ತಿದೆ.
ಇದನ್ನೂ ಓದಿ: ಅಫ್ಘನ್ನಲ್ಲಿ ಮಹಿಳೆಯರಿಂದ ಹಕ್ಕುಗಳಿಗಾಗಿ ಪ್ರತಿಭಟನೆ : ತಾಲಿಬಾನಿಗಳಿಂದ ಅಶ್ರುವಾಯು ಪ್ರಯೋಗ
ಇತ್ತೀಚೆಗಷ್ಟೇ, ಭಾರತದ ವಿದೇಶಾಂಗ ಕಾರ್ಯದರ್ಶಿ ಹರ್ಷ ವಿ ಶೃಂಗ್ಲಾ, ಪಾಕಿಸ್ತಾನವು ತಾಲಿಬಾನ್‌ಗಳನ್ನು ಪೋಷಿಸಿದೆ ಮತ್ತು ಬೆಂಬಲಿಸಿದೆ ಎಂದು ಹೇಳಿದ್ದರು.
