ಜೈಪುರ, ರಾಜಸ್ಥಾನ: ರಾಜಧಾನಿಯ ಸಿವಿಲ್ ಲೈನ್ಸ್ ಪ್ರದೇಶದ ಹರಿಮಲ್ ಪ್ಯಾಲೇಸ್‌ನಲ್ಲಿ ಬೆಲಾರಸ್‌ನ ದಂಪತಿಗಳು ಹಿಂದೂ ಸಂಪ್ರದಾಯದಂತೆ ಸೋಮವಾರ ವಿವಾಹವಾದರು. ಡಿಮಿಟ್ರಿ ಮತ್ತು ಲಿಜಿಯಾ ಟ್ರೆಸೆವಿಚ್ ಹಿಂದೂ ಸಂಪ್ರದಾಯಗಳ ಪ್ರಕಾರ ವಿವಾಹವಾದರು. ಪ್ರವಾಸೋದ್ಯಮ ಉದ್ಯಮಿ ಸುರೇಶ್ ಸರ್ವಾನಿ ಮಾತನಾಡಿ, ಬೆಲಾರಸ್ ಪ್ರಜೆಗಳಾದ ಲಿಡ್ಜಿಯಾ ತ್ಸಾರೆಸೆವಿಚ್ ಮತ್ತು ಡಿಮಿಟ್ರಿ ಖ್ಲೆಬೆಸ್ಟ್ ವಿವಾಹದ ಪವಿತ್ರ ಬಂಧಕ್ಕೊಳಗಾಗುವ ಮೂಲಕ ತಮ್ಮ ಹೊಸ ಜೀವನ ಪ್ರಾರಂಭಿಸಿದರು. ಭಾರತದ ಶ್ರೀಮಂತ ಸಾಂಸ್ಕೃತಿಕ ಪರಂಪರೆ ಮತ್ತು ಸಾಂಪ್ರದಾಯಿಕ ಪದ್ಧತಿಗಳನ್ನು ಅಳವಡಿಸಿಕೊಂಡು ಈ ವಿದೇಶಿ ಜೋಡಿಯು ಮದುವೆಯ ಎಲ್ಲಾ ವಿಧಿವಿಧಾನಗಳನ್ನು ತುಂಬಾ ಉತ್ಸಾಹದಿಂದಲೇ ನೆರವೇರಿಸಿ ಗಮನ ಸೆಳೆಯಿತು.
ರಾಜಸ್ಥಾನಿ ಸಂಪ್ರದಾಯದಂತೆ ಮದುವೆ: ಮುಂದೊಂದು ದಿನ ಹಿಂದೂ ಪದ್ಧತಿಯಂತೆ ಮದುವೆ ಆಗಬೇಕು ಎಂಬುದು ನಮ್ಮ ಕನಸಾಗಿತ್ತು ಎಂದು ಡಿಮಿಟ್ರಿ ಮತ್ತು ಲಿಜಿಯಾ ಟ್ರೆಸೆವಿಚ್ ಹೇಳಿದ್ದಾರೆ. ಇಂದು ಆ ನಮ್ಮ ಕನಸು ನನಸಾಗಿದೆ, ನಾವಿಬ್ಬರೂ ತುಂಬಾ ಸಂತಸಗೊಂಡಿದ್ದೇವೆ. ಜೈಪುರದ ಅದ್ಧೂರಿ ವಿವಾಹ ಸ್ಥಳದಲ್ಲಿ ಆಯೋಜಿಸಲಾದ ಈ ವಿವಾಹ ಸಮಾರಂಭದಲ್ಲಿ ಭಾರತೀಯ ಮತ್ತು ವಿಶೇಷವಾಗಿ ರಾಜಸ್ಥಾನಿ ಸಂಪ್ರದಾಯಗಳ ಸಮೃದ್ಧ ಸಮ್ಮಿಳನ ಕಂಡು ಬಂತು.
ವಧು - ವರರು ಭಾರತೀಯ ಉಡುಗೆ ತೊಟ್ಟಿದ್ದು, ಸ್ಥಳೀಯ ಪದ್ಧತಿಯಂತೆ ಪ್ರದಕ್ಷಿಣೆ ಹಾಕಿದರು. ವರ ಡಿಮಿಟ್ರಿ ಸಾಂಪ್ರದಾಯಿಕ ಶೇರ್ವಾನಿ ತೊಟ್ಟಿದ್ದರೆ, ವಧು ಲಿಡ್ಜಿಯಾ ಸುಂದರ ಕೆಂಪು ಬಣ್ಣದ ಲೆಹೆಂಗಾ ಧರಿಸಿ ಎಲ್ಲರ ಗಮನ ಸೆಳೆದರು. ಈ ದಂಪತಿಗೆ ಭಾರತ ಮತ್ತು ಅದರ ಸಾಂಸ್ಕೃತಿಕ ಪರಂಪರೆಯ ಬಗ್ಗೆ ನಮಗೆ ವಿಶೇಷವಾದ ಬಾಂಧವ್ಯವಿದೆ ಎಂದು ಸುರೇಶ್ ಸರ್ವಾನಿ ಹೇಳಿದರು. ಇದೇ ಕಾರಣಕ್ಕೆ ಅವರು ತಮ್ಮ ಮದುವೆಗೆ ಜೈಪುರವನ್ನೇ ಆಯ್ಕೆ ಮಾಡಿಕೊಂಡಿದ್ದಾಗಿ ಈ ದಂಪತಿ ತಿಳಿಸಿದ್ದಾರೆ.
ಅಣಕು ವಿವಾಹದ ಟ್ರೆಂಡ್ ಹೆಚ್ಚುತ್ತಿದೆ: ಪ್ರವಾಸೋದ್ಯಮ ತಜ್ಞ ಸಂಜಯ್ ಕೌಶಿಕ್ ಪ್ರಕಾರ, ಅಣಕು ವಿವಾಹದ ಟ್ರೆಂಡ್ ಹೆಚ್ಚಾಗತೊಡಗಿದೆ. ಇದಕ್ಕಾಗಿ ಫ್ರಾನ್ಸ್, ಇಟಲಿ, ಜರ್ಮನಿ ಸೇರಿದಂತೆ ಇತರ ದೇಶಗಳಿಂದ ಪ್ರತಿದಿನ ಹಲವು ಜೋಡಿಗಳು ಬರುತ್ತಿವೆ. ವಧುವಿನ ಆಭರಣಗಳು, ಲೆಹೆಂಗಾ, ಮೇಕಪ್, ವರನ ಶೆರ್ವಾನಿ, ಕಾರು, ದೇವಸ್ಥಾನದಲ್ಲಿ ಮದುವೆಗೆ ಸಂಪೂರ್ಣ ವ್ಯವಸ್ಥೆ ಮತ್ತು ಅರ್ಚಕರ ವೆಚ್ಚವನ್ನು ಒಳಗೊಂಡಂತೆ ಅಂತಹ ಮದುವೆಯ ವೆಚ್ಚವು ಸುಮಾರು 70 ಸಾವಿರದಿಂದ ಪ್ರಾರಂಭವಾಗುತ್ತದೆ ಅಂತಾ ಅವರು ಮಾಹಿತಿ ನೀಡಿದರು.
ಕಳೆದ ಕೆಲವು ವರ್ಷಗಳಲ್ಲಿ ಜೈಪುರವು ವಿದೇಶಿ ಜೋಡಿಗಳಿಗೆ ಡೆಸ್ಟಿನೇಶನ್ ವೆಡ್ಡಿಂಗ್‌ಗಳ ಪ್ರಮುಖ ಕೇಂದ್ರವಾಗಿ ಅಭಿವೃದ್ಧಿ ಕಾಣುತ್ತಿದೆ. ಇಲ್ಲಿನ ಐತಿಹಾಸಿಕ ಮಹಲುಗಳು, ಅರಮನೆಗಳು, ಸಾಂಸ್ಕೃತಿಕ ಪರಂಪರೆ ವಿದೇಶಿ ಪ್ರಜೆಗಳನ್ನು ಆಕರ್ಷಿಸುತ್ತಿವೆ. ಭಾರತದ ಶ್ರೀಮಂತ ಸಂಪ್ರದಾಯಗಳು ಮತ್ತು ಪದ್ಧತಿಗಳು ಜಾಗತಿಕವಾಗಿ ಜನಪ್ರಿಯವಾಗುತ್ತಿವೆ ಎಂಬುದಕ್ಕೆ ಲಿಡ್ಜಿಯಾ ಮತ್ತು ಡಿಮಿಟ್ರಿಯ ಈ ವಿವಾಹವು ಸಾಕ್ಷಿಯಾಗಿದೆ.
ವಿವಾಹ ಸಂಭ್ರಮದ ವೇದಿಕೆ ಮೇಲೆ ಕುಣಿಯುತ್ತಿರುವಾಗ ಕುಸಿದು ಬಿದ್ದು ಯುವತಿ ಹಠಾತ್ ಸಾವು
