ವಿಶ್ವಾಸಮತ ಯಾಚನೆಯಲ್ಲಿ ಗೆದ್ದು ಬೀಗಿದ ದೇವೊಬಾ: ನೇಪಾಳದ ಹೊಸ ಪ್ರಧಾನಿಯ ಕುರ್ಚಿ ಭದ್ರ

ನೇಪಾಳದ ಸಂಸತ್​ನಲ್ಲಿ ನಡೆದ ವಿಶ್ವಾಸಮತ ಯಾಚನೆಯಲ್ಲಿ ದೇಶದ ನೂತನ ಪ್ರಧಾನಿ ಶೇರ್​ ಬಹದ್ದೂರ್​​ ದೇವೊಬಾ ಗೆಲುವು ಸಾಧಿಸಿದ್ದಾರೆ.

ಕಠ್ಮಂಡು : ಪುನರ್​ ರಚನೆಗೊಂಡ ನೇಪಾಳ ಸಂಸತ್​ನ ಕೆಳ ಮನೆಯಲ್ಲಿ ವಿಶ್ವಾಸಮತಗಳಿಸುವ ಮೂಲಕ ನೂತನ ಪ್ರಧಾನಿ ಶೇರ್​ ಬಹದ್ದೂರ್​​ ದೇವೊಬಾ ಅಚ್ಚರಿ ಮೂಡಿಸಿದರು. ಈ ಮೂಲಕ ದೇಶದಲ್ಲಿ ಕೋವಿಡ್ ನಡುವೆ ನಡೆಯಬೇಕಿದ್ದ ಸಾರ್ವತ್ರಿಕ ಚುನಾವಣೆಯನ್ನು ತಪ್ಪಿಸಿದರು.

ನೇಪಾಳದಲ್ಲಿ ರಾಜಕೀಯ ಅಸ್ಥಿತರತೆ ಉಂಟಾದ ಬಳಿಕ ಸುಪ್ರೀಂ ಕೋರ್ಟ್​ನ ಮಧ್ಯಸ್ಥಿಕೆಯಲ್ಲಿ ಸಂವಿಧಾನದ ವಿಧಿ 76 (5) ಅಡಿ ಜುಲೈ 12 ರಂದು ನೂತನ ಪ್ರಧಾನಿಯನ್ನು ನೇಮಕ ಮಾಡಲಾಗಿದೆ.

• Congratulations Prime Minister @DeubaSherbdr and best wishes for a successful tenure. I look forward to working with you to further enhance our unique partnership in all sectors, and strengthen our deep-rooted people-to-people ties.

  — Narendra Modi (@narendramodi) July 18, 2021 " class="align-text-top noRightClick twitterSection" data="

  Congratulations Prime Minister @DeubaSherbdr and best wishes for a successful tenure. I look forward to working with you to further enhance our unique partnership in all sectors, and strengthen our deep-rooted people-to-people ties.

  — Narendra Modi (@narendramodi) July 18, 2021

  ">

  Congratulations Prime Minister @DeubaSherbdr and best wishes for a successful tenure. I look forward to working with you to further enhance our unique partnership in all sectors, and strengthen our deep-rooted people-to-people ties.

  — Narendra Modi (@narendramodi) July 18, 2021

ಹೊಸ ಅಧ್ಯಕ್ಷರಾಗಿ ಆಯ್ಕೆಯಾದ 75 ವರ್ಷದ ಶೇರ್​ ಬಹದ್ದೂರ್​​ ದೇವೊಬಾ ಅವರಿಗೆ ಸಂಸತ್​ನ ಕೆಳ ಮನೆಯಲ್ಲಿ ವಿಶ್ವಾಸ ಮತ ಗೆಲ್ಲುವ ಸವಾಲು ಎದುರಾಗಿತ್ತು. ಆದರೆ, ಸಂಸತ್​ನ 275 ಸದಸ್ಯರ ಪೈಕಿ 165 ಮತಗಳನ್ನು ಪಡೆಯುವ ಮೂಲಕ ದೇವೊಬಾ ಸುಲಭವಾಗಿ ತಮ್ಮ ಖುರ್ಚಿ ಭದ್ರಪಡಿಸಿಕೊಂಡಿದ್ದಾರೆ.

ವಿಶ್ವಾಸ ಮತ ಗೆಲ್ಲಲು ಡಿಯುಬಾ ಅವರಿಗೆ 136 ಮತಗಳ ಅಗತ್ಯವಿತ್ತು. ಪ್ರಧಾನಿಯಾಗಿ ಆಯ್ಕೆಯಾದವರು ಒಂದು ತಿಂಗಳ ಒಳಗಾಗಿ ವಿಶ್ವಾಸಮತ ಯಾಚನೆ ಮಾಡಬೇಕು.

ಆದರೆ, ಸುಪ್ರೀಂಕೋರ್ಟ್​ನ ಮಧ್ಯ ಪ್ರವೇಶದ ಹಿನ್ನೆಲೆ ಪುನರ್​ ರಚನೆಗೊಂಡ ಕೆಳಮನೆಯಲ್ಲಿ ಮೊದಲ ದಿನವೇ ವಿಶ್ವಾಸಮತ ಯಾಚನೆ ನಡೆದಿದೆ. ದೇವೊಬಾ ವಿಶ್ವಾಸ ಮತದಲ್ಲಿ ಸೋತಿದ್ದರೆ, ಸಂಸತ್ ವಿಸರ್ಜನೆ ಮಾಡಿ 6 ತಿಂಗಳ ಒಳಗೆ ಚುನಾವಣೆ ನಡೆಯಬೇಕಿತ್ತು. ಕೋವಿಡ್ ಸಂದಿಗ್ದತೆಯ ನಡುವೆ ಸಾರ್ವತ್ರಿಕ ಚುನಾವಣೆ ನಡೆಸುವುದು ಸವಾಲಿನ ಕೆಲಸವಾಗಿತ್ತು.

ವಿಶ್ವಾಸಮತ ಯಾಚನೆಯಲ್ಲಿ ಗೆದ್ದಿರುವ ಶೇರ್​ ಬಹದ್ದೂರ್​​ ದೇವೊಬಾ ಮುಂದಿನ ಒಂದೂವರೆ ವರ್ಷದ ತನಕ ನೇಪಾಳದ ಪ್ರಧಾನ ಮಂತ್ರಿಯಾಗಿ ಇರಲಿದ್ದಾರೆ. ಬಳಿಕ ಹೊಸದಾಗಿ ಚುನಾವಣೆಯ ನಡೆಯಲಿದೆ.

ಸಂಸತ್​ನ ಕೆಳಮನೆಯ ವಿಶ್ವಾಸಮತ ಯಾಚನೆಯಲ್ಲಿ ಒಟ್ಟು 249 ಸದಸ್ಯರು ಪಾಲ್ಗೊಂಡಿದ್ದರು. ಈ ಪೈಕಿ 165 ಜನ ದೇವೊಬಾ ಪರ ಮತ ಚಲಾಯಿಸಿದರೆ, 83 ಮಂದಿ ವಿರುದ್ಧ ಮತ ಹಾಕಿದ್ದರು. ಓರ್ವ ಸದಸ್ಯ ತಟಸ್ಥವಾಗಿದ್ದರು.

ದೇವೊಬಾ ಗೆಲುವಿಗೆ ಪ್ರಧಾನಿ ನರೇಂದ್ರ ಮೋದಿ ಟ್ವೀಟ್ ಮೂಲಕ ಅಭಿನಂದನೆ ಸಲ್ಲಿಸಿದ್ದಾರೆ.