ಟೋಕಿಯೋ: ಜಪಾನ್ನಲ್ಲಿ ಈ ಬಾರಿ ನಡೆಯಲಿರುವ ಒಲಿಂಪಿಕ್ಗೆ ಎಲ್ಲಾ ರೀತಿಯ ಸಿದ್ಧತೆಗಳು ಪೂರ್ಣಗೊಂಡಿದ್ದು, ಜಪಾನ್ನಾದ್ಯಂತ ಕ್ರೀಡಾ ಜ್ಯೋತಿ ಸಂಚರಿಸುತ್ತಿದೆ. ಕಳೆದ 13 ದಿನಗಳಿಂದ ಕ್ರೀಡಾ ಜ್ಯೋತಿ ಸಂಚಾರ ನಡೆಸುತ್ತಿದ್ದು, ಇದೀಗ ಐಚಿ ಪ್ರಾಂತ್ಯದಲ್ಲಿ ತನ್ನ ಓಟ ಮುಂದುವರೆಸಿದೆ.
ಜಪಾನಿನ ಸ್ಕೇಟರ್ ಮತ್ತು ಒಲಿಂಪಿಯನ್ ಅಕಿಕೊ ಸುಜುಕಿ ಕ್ರೀಡಾ ಜ್ಯೋತಿ ಹಿಡಿಯುವ ಮೂಲಕ ಒಲಿಂಪಿಕ್ಗೆ ತಮ್ಮ ಕೊಡುಗೆ ನೀಡಿದ್ದಾರೆ. ಅವರು ತಮ್ಮ ನೆಲೆಯಾದ ಟೊಯೊಹಾಶಿ ನಗರದಲ್ಲಿ ಕ್ರೀಡಾ ಜ್ಯೋತಿ ಹಿಡಿದು ಓಡಿದರು. ಕಪ್ಪು ಫಲಕಗಳಿಂದ ತಯಾರಿಸಿದ ಮದ್ಯ-ದಂಗಡಿಗಳನ್ನು ಹೊಂದಿರುವ ಹಂಡಾ ಕಾಲುವೆಯಲ್ಲಿ ಒಲಿಂಪಿಕ್ ಜ್ವಾಲೆಯನ್ನು ಹೊತ್ತೊಯ್ಯಲಾಯಿತು. ಅಂಜೊ ನಗರದಲ್ಲಿ ಟಾರ್ಚ್‌ಬಿಯರ್ ಅಕಿಹಿಟೊ ಗೊಟೊ ಒಲಿಂಪಿಕ್ ಟಾರ್ಚ್ ಒಟ್ಟಿಗೆ ಹಿಡಿದಿಟ್ಟುಕೊಂಡರು ಹಾಗೂ ರೋಬೋಟ್‌ನೊಂದಿಗೆ ಬ್ಯಾಟನ್ ಹಿಡಿದು ಗಮನ ಸೆಳೆದರು.
ಬಳಿಕ ಒಲಿಂಪಿಕ್ ಜ್ಯೋತಿ ಸಂಜೆ ಒಕಾಜಾಕಿ ಕ್ಯಾಸಲ್‌ಗೆ ತಲುಪಿತು. ಟೋಕಿಯೋ ಒಲಿಂಪಿಕ್ ಕ್ರೀಡಾ ಜ್ಯೋತಿ ಜಪಾನ್‌ನ ಎಲ್ಲಾ 47 ಪ್ರಾಂತ್ಯಗಳಲ್ಲಿ 121 ದಿನಗಳ ಕಾಲ ಸಂಚರಿಸಲಿದೆ. ಇದೇ ಜುಲೈ 23ರಂದು ಟೋಕಿಯೋದಲ್ಲಿ ಉದ್ಘಾಟನಾ ಸಮಾರಂಭ ನಡೆಯಲಿದೆ.
