ಕಾಬೂಲ್(ಆಫ್ಘಾನಿಸ್ತಾನ): ಪೂರ್ವ ಆಫ್ಘಾನಿಸ್ತಾನದಲ್ಲಿ ನಡೆದ ಏರ್ಸ್ಟ್ರೈಕ್‌ನಲ್ಲಿ 18 ತಾಲಿಬಾನ್ ಭಯೋತ್ಪಾದಕರು ಹತರಾಗಿದ್ದಾರೆ. ಆಫ್ಘಾನ್ ಭದ್ರತಾ ಪಡೆ ಈ ದಾಳಿ ನಡೆಸಿದ್ದಾಗಿ ಅಲ್ಲಿನ ಗವರ್ನರ್ ಜಿಯಾಲ್ಹಾಕ್ ಅಮರ್ಖಿಲ್ ತಿಳಿಸಿದ್ದಾರೆ.
ಆಫ್ಘಾನ್ ಪ್ರಾಂತ್ಯದ ನಂಗರ್ಹಾರ್ನಲ್ಲಿ ಗುರುವಾರ ತಡರಾತ್ರಿ ಈ ವೈಮಾನಿಕ ದಾಳಿ ನಡೆಸಲಾಗಿದೆ. ಭದ್ರತಾ ಪಡೆಗಳ ಮೇಲೆ ತಾಲಿಬಾನ್ ಉಗ್ರರು ದಾಳಿ ನಡೆಸಲು ಯೋಜನೆ ಹಾಕಿಕೊಂಡಿದ್ದ ಮಾಹಿತಿ ಲಭ್ಯವಾಗುತ್ತಿದ್ದಂತೆ ಈ ದಾಳಿ ಮಾಡಲಾಗಿದೆ.
ಓದಿ: ಕೈದಿಗಳ ಪಟ್ಟಿ ವಿನಿಮಯ ಮಾಡಿಕೊಂಡ ಭಾರತ-ಪಾಕಿಸ್ತಾನ
ಘಟನೆಯಲ್ಲಿ ಯಾವುದೇ ನಾಗರಿಕರಿಗೆ ತೊಂದರೆಯಾಗಿಲ್ಲ ಎಂದು ರಾಜ್ಯಪಾಲರು ಮಾಹಿತಿ ನೀಡಿದ್ದಾರೆ. ಕತಾರ್ ರಾಜಧಾನಿ ದೋಹಾದಲ್ಲಿ ಸರ್ಕಾರ ಮತ್ತು ತಾಲಿಬಾನ್ ನಡುವೆ ಶಾಂತಿ ಮಾತುಕತೆ ನಡೆಯುತ್ತಿದ್ದರೂ ಉಗ್ರರು ಹಿಂಸಾಚಾರದಲ್ಲಿ ನಿರಂತರಾಗಿದ್ದಾರೆ ಎಂಬ ಮಾಹಿತಿ ತಿಳಿದು ಬಂದಿದೆ. ಸಪ್ಟೆಂಬರ್ನಿಂದ ಆರಂಭಗೊಂಡಿರುವ ಶಾಂತಿ ಮಾತುಕತೆಯಲ್ಲಿ ಇಲ್ಲಿಯವರೆಗೆ ಯಾವುದೇ ಮಹತ್ವದ ಮುನ್ನಡೆ ದೊರೆತಿಲ್ಲ.
