ಬೀಜಿಂಗ್: ಚೀನಾದಲ್ಲಿ ಹೊಸದಾಗಿ ಪತ್ತೆಯಾಗಿರುವ ಕೊರೊನಾ ವೈರಸ್ನ 830 ಪ್ರಕರಣಗಳಲ್ಲಿ ಸಾವಿನ ಸಂಖ್ಯೆ ಇದೀಗ 25ಕ್ಕೆ ಏರಿದೆ. ಇನ್ನೂ ಸೋಂಕು ಹರಡುವ ಸಾಧ್ಯತೆ ಇದ್ದು, ವುಹಾನ್ ಸೇರಿದಂತೆ ಐದು ನಗರಗಳಲ್ಲಿ ಜನರ ಓಡಾಟ ಹಾಗೂ ವಾಹನ ಸಂಚಾರಕ್ಕೆ ನಿರ್ಬಂಧ ಹೇರಲಾಗಿದೆ.
-
Death toll rises to 25 in 830 reported cases of the new coronavirus in China: The Associated Press
— ANI (@ANI) January 24, 2020 " class="align-text-top noRightClick twitterSection" data="
">Death toll rises to 25 in 830 reported cases of the new coronavirus in China: The Associated Press
— ANI (@ANI) January 24, 2020Death toll rises to 25 in 830 reported cases of the new coronavirus in China: The Associated Press
— ANI (@ANI) January 24, 2020
ಗುರುವಾರ ಸಂಜೆ ಚೀನಾದ ಅಧಿಕಾರಿಗಳು ಹುಬೈ ಪ್ರಾಂತ್ಯದ ಐದು ನಗರಗಳಾದ ಹುವಾಂಗ್‌ಗ್ಯಾಂಗ್, ಅಜೋ, ಜಿಜಿಯಾಂಗ್, ಕಿಯಾಂಜಿಯಾಂಗ್ ಹಾಗೂ ವುಹಾನ್ನಲ್ಲಿ ಸಾರ್ವಜನಿಕ ಸಾರಿಗೆ ಸ್ಥಗಿತಗೊಳಿಸುವುದಾಗಿ ಘೋಷಿಸಿದ್ದಾರೆ. ಈ ನಗರಗಳಲ್ಲಿ ಬಸ್, ರೈಲು ಸಂಚಾರ, ವಿಮಾನ ಸೇವೆ, ಸುರಂಗ ಮಾರ್ಗಗಳು ಹಾಗೂ ದೋಣಿ ಸಂಚಾರ ನಿಷೇಧಿಸಲಾಗಿದ್ದು, ಜನರು ಒಂದೇ ಕಡೆ ಸೇರುವಂತಿಲ್ಲ.
- 11 ಮಿಲಿಯನ್ ಜನಸಂಖ್ಯೆ ಹೊಂದಿರುವ ವುಹಾನ್ನಲ್ಲಿ ಮೊದಲು ಕೊರೊನಾ ವೈರಸ್ ಪತ್ತೆಯಾಗಿದೆ. ವಿಶ್ವವಿದ್ಯಾಲಗಳನ್ನು ಹೊಂದಿರುವ, ಪ್ರಮುಖ ಸಾರಿಗೆ ಕೇಂದ್ರವಾದ ವುಹಾನ್ನಲ್ಲಿ ಇದೀಗ ಸಂಚಾರ ವ್ಯವಸ್ಥೆಗೆ ನಿರ್ಬಂಧ ಹೇರಿರುವುದು ನಗರ ಸ್ಥಬ್ಧವಾದಂತಾಗಿದೆ.
- ಇನ್ನು ವೈರಸ್ಗೆ ಬಲಿಯಾಗುತ್ತಿರುವವರ ಸರಾಸರಿ ವಯಸ್ಸು 73 ಆಗಿದ್ದು, ಅತಿ ಹಿರಿಯರ ವಯಸ್ಸು 89 ಹಾಗೂ ಕಿರಿಯರ ವಯಸ್ಸು 48 ಆಗಿದೆ. ಈ ವೈರಸ್ ಅಪಾಯಕಾರಿ ಪ್ರಮಾಣದಲ್ಲಿ ಹರಡುತ್ತಿದೆ ಎಂದು ವುಹಾನ್‌ನ ವೈದ್ಯರು ತಿಳಿಸಿದ್ದಾರೆ.
- ಚೀನಾದಲ್ಲಿ ಭಾರತದ ಸುಮಾರು 700 ವಿದ್ಯಾರ್ಥಿಗಳು ವ್ಯಾಸಂಗ ಮಾಡುತ್ತಿದ್ದು, ಅವರು ಭಾರತಕ್ಕೆ ಬಂದರೆ ವೈರಸ್ ಹರಡುವ ಭೀತಿ ಎದುರಾಗಿದ್ದು, ಅಲ್ಲಿಯೇ ಉಳಿದಿದ್ದಾರೆ. ಆದಾಗ್ಯೂ ಕೆಲವರು ರಜಾ ದಿನಗಳಿರುವ ಕಾರಣ ತಮ್ಮ ಮನೆಗಳಿಗೆ ತೆರಳಿದ್ದಾರೆ.
- ವೈರಸ್ ಹರಡುವ ಭೀತಿಯಿಂದ ಬೀಜಿಂಗ್ ಸೇರಿದಂತೆ ಹಲವಾರು ನಗರಗಳು, ಅಲ್ಲಿ ನಡೆಯಬೇಕಿದ್ದ ಸ್ಪ್ರಿಂಗ್ ಫೆಸ್ಟಿವಲ್ ಸೇರಿದಂತೆ ವಿಶೇಷ ಕಾರ್ಯಕ್ರಮಗಳನ್ನು ರದ್ದುಗೊಳಿಸಿವೆ.
- ಪ್ರಾಂತ್ಯದ ಎಲ್ಲಾ ನಿವಾಸಿಗಳಿಗೆ ಮಾಸ್ಕ್ ಧರಿಸಲು ಆದೇಶಿಸಲಾಗಿದೆ.
