ಹಾಂಕಾಂಗ್​​​​​​ ಸ್ವಾಯತ್ತತೆ ಮಸೂದೆ ಅಂಗೀಕರಿಸಿದ ಅಮೆರಿಕ​ ಸೆನೆಟ್​​

ಯುಎಸ್​ ಸೆನೆಟ್​ ಹಾಂಕಾಂಗ್​​​​​​ ಸ್ವಾಯತ್ತತೆ ಮಸೂದೆ ಅಂಗೀಕರಿಸಿದೆ. ಇದರ ಪ್ರಕಾರ ಹಾಂಕಾಂಗ್​​​​​​ ಸ್ವಾಯತ್ತತೆ ಕಿತ್ತುಕೊಳ್ಳಲು ಚೀನಾಕ್ಕೆ ಸಹಾಯ ಮಾಡುವ ವ್ಯಕ್ತಿಗಳು ಮತ್ತು ವ್ಯವಹಾರಗಳ ಮೇಲೆ ನಿರ್ಬಂಧ ವಿಧಿಸಲಾಗುತ್ತದೆ.

ವಾಷಿಂಗ್ಟನ್ : ಹಾಂಕಾಂಗ್​​ನಲ್ಲಿ ವಿವಾದಾತ್ಮಕ ರಾಷ್ಟ್ರೀಯ ಭದ್ರತಾ ಕಾನೂನು ಜಾರಿಗೆ ತರುವ ಚೀನಾದ ನಿರ್ಧಾರದ ವಿರುದ್ಧ ಮಸೂದೆಯನ್ನು ಯುಎಸ್ ಸೆನೆಟ್ ಗುರುವಾರ ಅಂಗೀಕರಿಸಿದೆ. ಚೀನಾದ ಕಾನೂನು ಹಾಂಕಾಂಗ್​​​​ ಪ್ರಜಾಪ್ರಭುತ್ವ, ಸ್ವಾತಂತ್ರ್ಯ ಹಾಳು ಮಾಡುತ್ತದೆ ಎಂದು ವಿಮರ್ಶಕರು ಹೇಳಿದ್ದಾರೆ.

ಯುಎಸ್​ ಸೆನೆಟ್​ ಹಾಂಕಾಂಗ್ ಸ್ವಾಯತ್ತತೆ ಮಸೂದೆಯನ್ನು ಆಂಗೀಕರಿಸಿದೆ. ಇದರ ಪ್ರಕಾರ ಹಾಂಕಾಂಗ್​ ಸ್ವಾಯತ್ತತೆಯನ್ನು ಕಿತ್ತುಕೊಳ್ಳಲು ಚೀನಾಕ್ಕೆ ಸಹಾಯ ಮಾಡುವ ವ್ಯಕ್ತಿಗಳು ಮತ್ತು ವ್ಯವಹಾರಗಳ ಮೇಲೆ ನಿರ್ಬಂಧ ವಿಧಿಸಲಾಗುತ್ತದೆ. ಈ ಮಸೂದೆಯನ್ನು ಪೆನ್ಸಿಲ್ವೇನಿಯಾದ ರಿಪಬ್ಲಿಕನ್ ಸೆನೆಟರ್ ಪ್ಯಾಟ್ ಟೂಮಿ ಮತ್ತು ಮೇರಿಲ್ಯಾಂಡ್‌ನ ಡೆಮಾಕ್ರಟಿಕ್ ಸೆನೆಟರ್ ಕ್ರಿಸ್ ವ್ಯಾನ್ ಹೊಲೆನ್ ಮಂಡಿಸಿದ್ದಾರೆ.

ಹಾಂಕಾಂಗ್​​ನಲ್ಲಿ ಚೀನಾ ಸರ್ಕಾರ ಮಾಡುತ್ತಿರುವುದು ಸ್ವೀಕಾರಾರ್ಹವಲ್ಲ. ಅವರು ಹಾಂಕಾಂಗ್​​ ಜನರ ಹಕ್ಕುಗಳನ್ನು ಮತ್ತು ಅಲ್ಲಿನ ಸ್ವಾತಂತ್ರ್ಯವನ್ನು ಕಸಿದುಕೊಳ್ಳುತ್ತಿದ್ದಾರೆ ಎಂದು ವ್ಯಾನ್ ಹೊಲೆನ್ ಹೇಳಿದ್ದಾರೆ. ಹಾಂಕಾಂಗ್‌ಗೆ ಸ್ವಾಯತ್ತತೆಯನ್ನು ಖಾತರಿಪಡಿಸಿಕೊಳ್ಳಲು 1984ರಲ್ಲಿ ಸಹಿ ಮಾಡಿದ ಚೀನಾ -ಬ್ರಿಟಿಷ್ ಜಂಟಿ ಘೋಷಣೆಯನ್ನು ಉಲ್ಲಂಘಿಸಿದ್ದಕ್ಕಾಗಿ ಚೀನಾದ ನಿರ್ಧಾರವನ್ನು ವಿರೋಧಿಸುವ ಮಸೂದೆ ಮಂಡಿಸಲಾಗಿದೆ ಎಂದು ಮಿಸ್ಸೌರಿಯ ರಿಪಬ್ಲಿಕನ್ ಸೆನೆಟರ್ ಜೋಶ್ ಹಾಲೆ ಹೇಳಿದ್ದಾರೆ.