ನೆರೆಹೊರೆಯವರ ವಿರುದ್ಧ ಚೀನಾ ಆಕ್ರಮಣ: ಟ್ರಂಪ್ ಆಡಳಿತ ದೂಷಿಸಿದ ಹಿಲರಿ ಕ್ಲಿಂಟನ್

ರಷ್ಯಾ ಮತ್ತು ಚೀನಾ ಎರಡೂ ದೇಶಗಳು ಅಮೆರಿಕದ ದುರ್ಬಲ ವಿದೇಶಾಂಗ ನೀತಿಯಿಂದ ಲಾಭ ಪಡೆಯುತ್ತಿವೆ ಎಂದು ಹಿಲರಿ ಕ್ಲಿಂಟನ್ ಆರೋಪಿಸಿದ್ದಾರೆ. ಈ ಹಿಂದಿನ ಯಾವುದೇ ಆಡಳಿತವು ಟ್ರಂಪ್‌ ಆಡಳಿತದಂತೆ ಚೀನಾದ ಮೇಲೆ ಕಠಿಣವಾಗಿರಲಿಲ್ಲ ಎಂದು ಡೊನಾಲ್ಡ್ ಟ್ರಂಪ್ ಆಡಳಿತ ಪ್ರತಿಪಾದಿಸಿದೆ.

ವಾಷಿಂಗ್ಟನ್: ಭಾರತ ಸೇರಿದಂತೆ ನೆರೆಹೊರೆಯವರ ವಿರುದ್ಧ ಚೀನಾ ನಡೆಸುತ್ತಿರುವ ಆಕ್ರಮಣಕ್ಕೆ ಟ್ರಂಪ್ ಆಡಳಿತದ ಅಸಂಗತ ವಿದೇಶಾಂಗ ನೀತಿಯನ್ನು ಅಮೆರಿಕದ ಮಾಜಿ ವಿದೇಶಾಂಗ ಕಾರ್ಯದರ್ಶಿ ಹಿಲರಿ ಕ್ಲಿಂಟನ್ ಆರೋಪಿಸಿದ್ದಾರೆ.

2016ರ ಚುನಾವಣೆಯಲ್ಲಿ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ವಿರುದ್ಧ ಸೋತಿದ್ದ ಹಿಲರಿ ಕ್ಲಿಂಟನ್, ರಷ್ಯಾ ಮತ್ತು ಚೀನಾ ಎರಡೂ ದೇಶಗಳು ಅಮೆರಿಕದ ದುರ್ಬಲ ವಿದೇಶಾಂಗ ನೀತಿಯಿಂದ ಲಾಭ ಪಡೆಯುತ್ತಿವೆ ಎಂದು ಹೇಳಿದ್ದಾರೆ.

ಆದರೆ, ಅಮೆರಿಕದ ಈ ಹಿಂದಿನ ಯಾವುದೇ ಆಡಳಿತವು ಟ್ರಂಪ್‌ ಆಡಳಿತದಂತೆ ಚೀನಾದ ಮೇಲೆ ಕಠಿಣವಾಗಿರಲಿಲ್ಲ ಎಂದು ಡೊನಾಲ್ಡ್ ಟ್ರಂಪ್ ಆಡಳಿತ ಪ್ರತಿಪಾದಿಸಿದೆ.

ಟ್ರಂಪ್ ಆಡಳಿತವು ಇಡೀ ಜಗತ್ತಿನಲ್ಲಿ ಅವ್ಯವಸ್ಥೆಯನ್ನು ಸೃಷ್ಟಿಸಿದೆ. ಅವರ ಅಸಮಂಜಸ ವಿದೇಶಾಂಗ ನೀತಿಯಿಂದ ಹಲವಾರು ಸಮಸ್ಯೆಗಳು ಎದುರಾಗುತ್ತಿವೆ ಎಂದು ಹಿಲರಿ ಕ್ಲಿಂಟನ್ ನೇರ ಆರೋಪ ಮಾಡಿದ್ದಾರೆ.