ಸ್ಯಾನ್ ಫ್ರಾನ್ಸಿಸ್ಕೋ: ಡಿಜಿಟಲ್ ಅಸಿಸ್ಟೆಂಟ್‌ಗಳ ನಡುವಿನ ಜಿದ್ದಾಜಿದ್ದಿಯಲ್ಲಿ ಗೂಗಲ್ ಅಸಿಸ್ಟೆಂಟ್, ಅಮೆಜಾನ್ ನ ಅಲೆಕ್ಸಾ ಎಕೋವನ್ನು ಮತ್ತೊಮ್ಮೆ ಹಿಂದಿಕ್ಕಿದೆ. ಆದರೆ, ಸ್ಮಾರ್ಟ್ಫೋನ್ ಐಕ್ಯೂ ಪರೀಕ್ಷೆಯಲ್ಲಿ ಸಿರಿ ತನ್ನ ಮುನ್ನಡೆಯನ್ನು ಕಾಯ್ದುಕೊಂಡಿದೆ
ರಿಸರ್ಚ್-ಲಿಂಕ್ಡ್ ವೆಂಚರ್ ಕ್ಯಾಪಿಟಲ್ ಸಂಸ್ಥೆ ಲೂಪ್ ವೆಂಚರ್‌ನ ವಾರ್ಷಿಕ ಪ್ರಯೋಗದಲ್ಲಿ ಲಭಿಸಿರುವ ಮಾಹಿತಿಯ ಪ್ರಕಾರ, ಸಂಶೋಧನಾ ತಂಡವು ಪ್ರಮುಖ ಡಿಜಿಟಲ್ ಅಸಿಸ್ಟಂಟ್ಗಳಾದ- ಗೂಗಲ್ ಅಸಿಸ್ಟಂಟ್, ಅಲೆಕ್ಸಾ, ಸಿರಿಗೆ ತಲಾ 800 ಪ್ರಶ್ನೆಗಳನ್ನು ಕೇಳಿತ್ತು. ಅದರಲ್ಲಿ ಗೂಗಲ್ ಅಸಿಸ್ಟಂಟ್ ಪ್ರತಿಯೊಂದು ಪ್ರಶ್ನೆಯನ್ನು ಅರ್ಥೈಸಿಕೊಳ್ಳುವಲ್ಲಿ ಗೆದ್ದಿದ್ದು, ಶೇ. 92.3ರಷ್ಟು ಸರಿಯಾದ ಉತ್ತರ ನೀಡಿದೆ. ಸಿರಿ ಎರಡು ಪ್ರಶ್ನೆಗಳನ್ನು ಅರ್ಥಮಾಡಿಕೊಳ್ಳಲು ವಿಫಲವಾದರೆ, ಅಲೆಕ್ಸಾ ಕೇವಲ ಒಂದು ಪ್ರಶ್ನೆಯನ್ನು ಅರ್ಥಮಾಡಿಕೊಳ್ಳಲು ವಿಫಲವಾಗಿದೆ.
ಉತ್ಪನ್ನ ವಿಭಾಗದಲ್ಲಿ ಗೂಗಲ್ ಅಸಿಸ್ಟೆಂಟ್ ಹಾಗೂ ಅಲೆಕ್ಸಾ ನಡುವೆ ಸ್ಪರ್ಧೆ ಇದ್ದರೆ ಇತ್ತ ಸಿರಿ ಮೊಬೈಲ್, ಟ್ಯಾಬ್ಲೆಟ್ ಆ್ಯಪ್ಗಳಲ್ಲಿ ಬೆಸ್ಟ್ ಎನ್ನುವ ಕೀರ್ತಿಗೆ ಪಾತ್ರವಾಗಿದೆ.
2018ರಲ್ಲಿ ಕೇಳಿದ್ದ ಒಟ್ಟು ಪ್ರಶ್ನೆಗಳಿಗೆ ಗೂಗಲ್ ಅಸಿಸ್ಟಂಟ್ ಶೇ. 86 ರಷ್ಟು, ಸಿರಿ ಶೇ.79 ಮತ್ತು ಅಲೆಕ್ಸಾ ಶೇ. 61 ರಷ್ಟು ನಿಖರವಾಗಿ ಉತ್ತರಿಸಿದ್ದವು. ಇನ್ನೂ ಈ ಬಾರಿ ಗೂಗಲ್ ಅಸಿಸ್ಟಂಟ್ ಶೇ. 93 ರಷ್ಟು ಸರಿ ಉತ್ತರ ನೀಡಿದರೆ, ಸಿರಿ ಶೇ.83 ಮತ್ತು ಎಲೆಕ್ಸಾ ಶೇ. 80ರಷ್ಟು ನಿಖರವಾಗಿ ಉತ್ತರಿಸಿವೆ.
ಇನ್ನೂ, ಸ್ಮಾರ್ಟ್ಫೋನ್ ಮತ್ತು ಸ್ಮಾರ್ಟ್ ಸ್ಪೀಕರ್ ಗಳನ್ನು ಪ್ರತ್ಯೇಕವಾಗಿ ಪರಿಶೀಲಿಸಿದ್ದು, ಎರಡರ ತಂತ್ರಜ್ಞಾನವು ಒಂದೇ ಆಗಿದ್ದರೂ, ಎರಡನ್ನೂ ವಿಭಿನ್ನವಾಗಿ ಬಳಸಲಾಗುತ್ತದೆ ಎಂದು ವರದಿ ತಿಳಿಸಿದೆ.
ಏನೀ ಉತ್ಪನ್ನಗಳು?: ಗೂಗಲ್ ಅಸಿಸ್ಟೆಂಟ್ ಹಾಗೂ ಅಲೆಕ್ಸಾ ಪ್ರತ್ಯೇಕ ಉತ್ಪನ್ನಗಳು. ಇವನ್ನು ವೈಫೈ ನೆಟ್ವರ್ಕ್ಗೆ ಅಳವಡಿಸಿದರೆ ನಾವು ಕೇಳಿದ ಪ್ರಶ್ನೆಗೆ ಇದು ಉತ್ತರಿಸುತ್ತದೆ. ಬೆಂಗಳೂರಿನಲ್ಲಿ ಸದ್ಯ ಉಷ್ಣಾಂಶ ಎಷ್ಟಿದೆ ಎಂದರೆ ಲಭ್ಯವಿರುವ ಮಾಹಿತಿಗಳನ್ನು ಹುಡುಕಿ ನಿಖರವಾಗಿ ಉತ್ತರಿಸುತ್ತದೆ. ಇನ್ನು ಸಿರಿ ಆ್ಯಪ್ಲ್ನ ಉತ್ಪನ್ನಗಳಲ್ಲಿರುವ ಶ್ರೇಷ್ಟ ಸೇವೆಯಾಗಿದೆ. ಇದೂ ಕೂಡ ಬಳಕೆದಾರರು ಕೇಳುವ ಪ್ರಶ್ನೆಗಳಿಗೆ ತನ್ನಲ್ಲಿರುವ ಉತ್ತರವನ್ನು ನೀಡುತ್ತದೆ. ಉತ್ತರಗಳು ಫೋನ್ನಲ್ಲ ಲಭ್ಯವಿರುವ ಅಪ್ಡೇಟ್ಗಳು ಹಾಗೂ ಇಂಟರ್ನೆಟ್ನಲ್ಲಿರುವ ಮಾಹಿತಿಗಳನ್ನು ಆಧರಿಸಿರುತ್ತವೆ.
