ವಾಷಿಂಗ್ಟನ್ (ಅಮೆರಿಕ) : ಡೆಮಾಕ್ರಟಿಕ್ ಪಕ್ಷ ತನ್ನ ಅಧ್ಯಕ್ಷೀಯ ಅಭ್ಯರ್ಥಿ ಚುನಾವಣೆಗೆ ಅಭ್ಯರ್ಥಿಗಳ ಆಯ್ಕೆ ಪ್ರಕ್ರಿಯೆ ಆರಂಭಿಸಿದೆ. ಇದೀಗ ಈ ಸೂಪರ್ ಮಂಗಳವಾರದ ಹಣಾಹಣಿ ಎಂದೇ ಬಿಂಬಿತವಾದ ಲೋವಾ ಕಾಕಸ್ ಚುನಾವಣೆಯಲ್ಲಿ ತ್ರಿಕೋನ ಸ್ಪರ್ಧೆ ಏರ್ಪಟ್ಟಿದೆ.
ರಿಪಬ್ಲಿಕನ್ ಪಕ್ಷದ ಅಭ್ಯರ್ಥಿ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರ ಎದುರಾಳಿಯಾಗಲು, ಡೆಮಾಕ್ರಟಿಕ್ ಪಕ್ಷದ ಮಾಜಿ ಉಪಾಧ್ಯಕ್ಷ ಜೋ ಬಿಡನ್, ಸೆನೆಟರ್ ಬರ್ನಿ ಸ್ಯಾಂಡರ್ಸ್ ಮತ್ತು ನ್ಯೂಯಾರ್ಕ್ ಮಾಜಿ ಮೇಯರ್ ಮೈಕೆಲ್ ಬ್ಲೂಮ್ಬರ್ಗ್ ಅವರ ಮಧ್ಯೆ ತ್ರಿಕೋನ ಹಣಾಹಣಿ ಏರ್ಪಟ್ಟಿದೆ. ಈ ಚುನಾವಣೆಯಿಂದ ಭಾರತೀಯ ಮೂಲದ ಮಾಜಿ ಮೇಯರ್ ಪೀಟೆ ಬುಟ್ಟಿಗೇಗ್ ಹಿಂದೆ ಸರಿದಿದ್ದು, ಮೂವರ ನಡುವೆ ಆಯ್ಕೆಗೆ ಹಣಾಹಣಿ ನಡೆಯುತ್ತಿದೆ.
ಈ ಬಾರಿ ಅಧ್ಯಕ್ಷ ಗಾದಿಗೆ ಏರಲು ಹವಣಿಸುತ್ತಿರುವ 78 ವರ್ಷದ ಬಿಲಿಯನೇರ್ ಉದ್ಯಮಿ ಬ್ಲೂಮ್ಬರ್ಗ್ ಭಾರಿ ಪ್ರಚಾರದಲ್ಲಿ ತೊಡಗಿಸಿಕೊಂಡಿದ್ದಾರೆ. ಈ ಹಿನ್ನೆಯಲ್ಲಿ ಅವರು, ಲಕ್ಷಾಂತರ ಡಾಲರ್ ಖರ್ಚು ಮಾಡಿ ಜಾಹೀರಾತು ನೀಡಿ ಮತದಾರರನ್ನು ಸೆಳೆಯುತ್ತಿದ್ದಾರೆ.
ಅಲಬಾಮಾ, ಅರ್ಕಾನ್ಸಾಸ್, ಕ್ಯಾಲಿಫೋರ್ನಿಯಾ, ಕೊಲೊರಾಡೋ, ಮೈನೆ, ಮ್ಯಾಸಚೂಸೆಟ್ಸ್, ಮಿನ್ನೇಸೋಟ, ನಾರ್ತ್ ಕೆರೊಲಿನಾ, ಒಕ್ಲಹೋಮ, ಟೆನ್ನೆಸ್ಸೀ, ಟೆಕ್ಸಾಸ್, ಉತಾಹ್, ವರ್ಮೊಂಟ್ ಮತ್ತು ವರ್ಜೀನಿಯಾ ರಾಜ್ಯಗಳಲ್ಲಿ ಈ ಚುನಾವಣೆಗೆ ಮತದಾನ ನಡೆಯಲಿದೆ. ದೇಶದ 50 ರಾಜ್ಯಗಳ ಪೈಕಿ ನಾಲ್ಕು ರಾಜ್ಯಗಳು ಈಗಾಗಲೇ ಮತ ಚಲಾಯಿಸಿವೆ. ಮಾರ್ಚ್ 3 ಇಡೀ ಅಧ್ಯಕ್ಷೀಯ ಚುನಾವಣೆ ಪ್ರಾಥಮಿಕ ಪ್ರಕ್ರಿಯೆಯ ಅತಿದೊಡ್ಡ ದಿನವಾಗಿದ್ದು, ಹತ್ತು ಲಕ್ಷ ಅಮೆರಿಕನ್ನರು ತಮ್ಮ ಹಕ್ಕು ಚಲಾಯಿಸಲು ಅರ್ಹರಾಗಿದ್ದಾರೆ.
ಇದೇ ಮೊದಲ ಬಾರಿಗೆ ಶ್ವೇತಭವನದ ಸ್ಪರ್ಧೆಗೆ ಅಡಿ ಇಟ್ಟಿರುವ ಬ್ಲೂಮ್ಬರ್ಗ್, 78 ವರ್ಷದ ಸ್ಯಾಂಡರ್ಸ್ ಸತತ ಎರಡನೇ ಬಾರಿಗೆ ತಮ್ಮ ಅದೃಷ್ಟ ಪರೀಕ್ಷೆಗೆ ಇಳಿದಿದ್ದಾರೆ. ಇನ್ನು 77 ವರ್ಷದ ಬಿಡೆನ್ ತಮ್ಮ ಮೂರನೇ ಬಾರಿ ತಮ್ಮ ಲಕ್ ಪರೀಕ್ಷಿಸಿಕೊಳ್ಳುತ್ತಿದ್ದಾರೆ. ಈ ವರೆಗೆ ನಡೆದ ಚುನಾವಣೆಯಲ್ಲಿ ದಕ್ಷಿಣ ಕೆರೊಲಿನಾದಲ್ಲಿ ಗೆಲುವು ಸಾಧಿಸಿರುವ ಬಿಡೆನ್, ತಮ್ಮ ಬಳಿ 54 ಪ್ರತಿನಿಧಿಗಳನ್ನು ಹೊಂದಿದ್ದಾರೆ.
ಸ್ಯಾಂಡರ್ಸ್ ನ್ಯೂ ಹ್ಯಾಂಪ್‌ಶೈರ್ ಮತ್ತು ನೆವಾಡಾದಲ್ಲಿ ನಡೆದ ಪ್ರಾಥಮಿಕ ಸ್ಪರ್ಧೆ ಗೆದ್ದು ಮುನ್ನಡೆ ಪಡೆದುಕೊಂಡಿದ್ದಾರೆ. ಸ್ಯಾಂಡರ್ ಬಳಿ 58 ಡೆಲಿಗೆಟ್ಸ್ ಮತಗಳು ಇವೆ. ಅಧ್ಯಕ್ಷೀಯ ಸ್ಪರ್ಧೆಯಿಂದ ಹಿಂದೆ ಸರಿದ ಬುಟ್ಟಿಗೇಗ್ 26 ಜನಪ್ರಿಯ ಮತಗಳನ್ನ ಪಡೆದಿದ್ದರು.
ಹೌಸ್ ಆಫ್ ರೆಪ್ರೆಸೆಂಟೇಟಿವ್ಸ್ಗೆ ಆಯ್ಕೆಯಾದ ಹಿಂದೂ ಸೆನೆಟರ್ ತುಳಸಿ ಗಬ್ಬಾರ್ಡ್ ಸಹ ಸ್ಪರ್ಧೆಯಲ್ಲಿದ್ದರೂ ಅವರ ಹೋರಾಟ ಅಂತ್ಯಗೊಂಡಿದೆ ಎಂದು ಹೇಳಲಾಗುತ್ತಿದೆ.
