“ರೆಡಿ, ಸೆಟ್, ಗೋ”... ಕೊರೊನಾ ಲಸಿಕೆ ಹಾಕಿಸಿಕೊಂಡ ಬಿಡೆನ್​

ತಮ್ಮ ಜಾಕೆಟ್ ಬಿಚ್ಚಿ “ರೆಡಿ, ಸೆಟ್, ಗೋ” ಎಂದು ಹೇಳಿದ ಬಿಡೆನ್​, ದಾದಿಯ ಮೂಲಕ ಲಸಿಕೆಯನ್ನು ಪಡೆದಿದ್ದಾರೆ.

ವಾಷಿಂಗ್ಟನ್: ಅಮೆರಿಕಾದ ನಾಗರಿಕರಿಗೆ ಧೈರ್ಯ ತುಂಬುವ ಪ್ರಯತ್ನದಲ್ಲಿ ಜೋ ಬಿಡೆನ್ ಎರಡನೇ ಲಸಿಕೆಯನ್ನು ಪಡೆದುಕೊಂಡಿದ್ದಾರೆ.

ತಮ್ಮ ಜಾಕೆಟ್ ಬಿಚ್ಚಿ “ರೆಡಿ, ಸೆಟ್, ಗೋ” ಎಂದು ಹೇಳಿದ ಬಿಡೆನ್​, ದಾದಿಯ ಮೂಲಕ ಲಸಿಕೆಯನ್ನು ಪಡೆದಿದ್ದಾರೆ. ಇನ್ನು ಡಿಸೆಂಬರ್ 21 ರಂದು ಬಿಡೆನ್ ಮೊದಲ ಲಸಿಕೆ ಪಡೆದುಕೊಂಡಿದ್ದರು. ಯುನೈಟೆಡ್ ಸ್ಟೇಟ್ಸ್ನಲ್ಲಿ ಈವರೆಗೆ 375,000 ಕ್ಕೂ ಹೆಚ್ಚು ಜನರು ಕೊರೊನಾಗೆ ಬಲಿಯಾಗಿದ್ದಾರೆ.

ಲಸಿಕೆ ಪಡೆದ ನಂತರ ಮಾತನಾಡಿದ ಬಿಡೆನ್​, ಕೊರೊನಾವನ್ನು ವ್ಯವಸ್ಥಿತವಾಗಿ ನಿರ್ಮೂಲನೆ ಮಾಡುತ್ತಾರೆ ಎಂಬ ವಿಶ್ವಾಸ ನಮ್ಮ ವೈದ್ಯಕೀಯ ತಂಡದ ಮೇಲಿದೆ. ಜನವರಿ 20 ರಂದು ನಾನು ಅಧಿಕಾರ ವಹಿಸಿಕೊಂಡ ನಂತರ ಈ ಗುರಿಯನ್ನು ತಲುಪಲಿದ್ದೇವೆ ಎಂದು ತಿಳಿಸಿದ್ದಾರೆ.