ಕ್ಷಣಾರ್ಧದಲ್ಲಿ 275.50 ಕೋಟಿಯ 750 ಕೆಜಿ ಬಂಗಾರ ಲೂಟಿ... ವಿಡಿಯೋ

ಕ್ಷಣಾರ್ಧದಲ್ಲೇ ಏರ್​ಪೋರ್ಟ್​ಗೆ ನುಗ್ಗಿ 275 ಕೋಟಿಗೂ ಹೆಚ್ಚು ಬೆಲೆಬಾಳುವ ಬಂಗಾರವನ್ನು ಖದೀಮರು ಲೂಟಿ ಮಾಡಿರುವ ಘಟನೆ ಅಮೆರಿಕಾವನ್ನು ಬೆಚ್ಚಿ ಬೀಳಿಸಿರುವ ಘಟನೆ ಅಮೆರಿಕಾದ ಸಾವ್​ಪೋಲ್​ ಏರ್​ಪೋರ್ಟ್​ನಲ್ಲಿ ನಡೆದಿದೆ.

ಸಾವ್​ಪೋಲ್​: ಕ್ಷಣಾರ್ಧದಲ್ಲಿ ಕಳ್ಳರು 750 ಕೆಜಿ ಬಂಗಾರವನ್ನು ಲೂಟಿ ಮಾಡಿರುವ ಘಟನೆ ದಕ್ಷಿಣ ಅಮೆರಿಕಾದ ಸಾವ್​ಪೋಲ್​ ಏರ್​ಪೋರ್ಟ್​ನಲ್ಲಿ ನಡೆದಿದೆ.

ಗೌರುಲ್ಹೋಸ್ ವಿಮಾನ ನಿಲ್ದಾಣದಲ್ಲಿ ಖದೀಮರು ಗನ್​ಗಳ ಮೂಲಕ ಕಾರಿನಲ್ಲಿ ಪೊಲೀಸ್​ ವೇಷದಲ್ಲಿ ನುಗ್ಗಿದ್ದಾರೆ. ಬಳಿಕ ಅಲ್ಲಿದ್ದ ಸಿಬ್ಬಂದಿ ಬೆದರಿಸಿ ಯಂತ್ರಗಳ ಸಹಾಯದಿಂದ ಬಂಗಾರವನ್ನು ಕಾರಿನಲ್ಲಿ ಲೋಡ್​ ಮಾಡಿ ಎಸ್ಕೇಪ್​ ಆಗಿದ್ದಾರೆ.

• " class="align-text-top noRightClick twitterSection" data="">

ದರೋಡೆಕೋರರು ಸುಮಾರು 275.50 ಕೋಟಿ (40 ಮಿಲಿಯನ್​ ಡಾಲರ್​)ಗೂ ಹೆಚ್ಚು ಬೆಲೆ ಬಾಳುವ ಬಂಗಾರವನ್ನು(750 ಕೆ.ಜಿ) ಲೂಟಿ ಮಾಡಿದ್ದಾರೆ. ಇದರ ಜೊತೆ ಇನ್ನಿತರ ಬೆಲೆ ಬಾಳುವ ವಸ್ತುಗಳನ್ನು ಸಹ ದೋಚಿದ್ದಾರೆ. ಈ ಎಲ್ಲ ಘಟನೆ ಕ್ಷಣಾರ್ಧದಲ್ಲಿ ನಡೆದಿದ್ದು, ಸಿಸಿಟಿವಿಯಲ್ಲಿ ಕಳ್ಳರ ಕೈಚಳಕ ಸೆರೆಯಾಗಿದೆ. ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗಿದ್ದು, ನೆಟಿಜೆನ್ಸ್​ ಹೌಹಾರಿದ್ದಾರೆ.

ಈ ಘಟನೆ ಕುರಿತು ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ದರೋಡೆಕೋರರ ಪತ್ತೆಗೆ ಜಾಲ ಬೀಸಿದ್ದಾರೆ.