₹1,000 ಕೋಟಿ ದಾಟಿದ 'ಜವಾನ್'​; ಬೆನ್ನಿನ ಮೇಲೆ ಶಾರುಖ್​ ಟ್ಯಾಟೂ ಹಾಕಿಸಿಕೊಂಡ ಅಭಿಮಾನಿ

'ಜವಾನ್​' ಸಿನಿಮಾದ ಕಲೆಕ್ಷನ್​ ವಿಶ್ವದಾದ್ಯಂತ 1,000 ಕೋಟಿ ರೂಪಾಯಿ ದಾಟಿದ ಖುಷಿಯಲ್ಲಿ, ಶಾರುಖ್​ ಖಾನ್​ ಅಭಿಮಾನಿಯೊಬ್ಬರು ನಟನ ಟ್ಯಾಟೂವನ್ನು ಬೆನ್ನಿನ ಮೇಲೆ ಹಾಕಿಸಿಕೊಂಡಿದ್ದಾರೆ.

ಬಾಲಿವುಡ್​ ಸೂಪರ್​ಸ್ಟಾರ್​ ಶಾರುಖ್​ ಖಾನ್ ಪ್ರಪಂಚದಾದ್ಯಂತ ಅಪಾರ ಸಂಖ್ಯೆಯ ಅಭಿಮಾನಿಗಳನ್ನು ಹೊಂದಿದ್ದಾರೆ. 2023ರಲ್ಲಿ 'ಪಠಾಣ್'​ ಮತ್ತು 'ಜವಾನ್'​ ಎಂಬ ಎರಡು ಸೂಪರ್​ ಹಿಟ್​ ಸಿನಿಮಾಗಳನ್ನು ನೀಡಿ ತಮ್ಮ 'ಕಿಂಗ್​ ಖಾನ್​' ಹೆಸರನ್ನು ಭದ್ರಪಡಿಸಿಕೊಂಡಿದ್ದಾರೆ. ಈ ಸಿನಿಮಾಗಳು ವಿಶ್ವದಾದ್ಯಂತ 1,000 ಕೋಟಿ ರೂಪಾಯಿ ಗಳಿಸುವಲ್ಲಿ ಯಶ ಕಂಡಿದೆ. ಡಿಸೆಂಬರ್​ನಲ್ಲಿ ತೆರೆ ಕಾಣಲಿರುವ 'ಡಂಕಿ' ಚಿತ್ರದ ಮೇಲೂ ಪ್ರೇಕ್ಷಕರು ಸಾಕಷ್ಟು ನಿರೀಕ್ಷೆಗಳನ್ನು ಇಟ್ಟುಕೊಂಡಿದ್ದಾರೆ.

• Thank u!! Hope it didn’t hurt too much!! Ha ha https://t.co/mmKGREyjS3

  — Shah Rukh Khan (@iamsrk) September 29, 2023 " class="align-text-top noRightClick twitterSection" data="

  Thank u!! Hope it didn’t hurt too much!! Ha ha https://t.co/mmKGREyjS3

  — Shah Rukh Khan (@iamsrk) September 29, 2023

  ">

  Thank u!! Hope it didn’t hurt too much!! Ha ha https://t.co/mmKGREyjS3

  — Shah Rukh Khan (@iamsrk) September 29, 2023

ಅದರಲ್ಲೂ 'ಪಠಾಣ್'​ಗಿಂತ 'ಜವಾನ್​' ಒಂದು ಹೆಜ್ಜೆ ಮುಂದಿದೆ. ಗಲ್ಲಾಪೆಟ್ಟಿಗೆಯ ಸಿಂಹಾಸನವೇರಿ ರಾಜನಾಗಿ ಮೆರೆಯುತ್ತಿದೆ. ಸೆಪ್ಟೆಂಬರ್​ 7 ರಂದು ಬಿಡುಗಡೆಯಾದ ಚಿತ್ರ ಥಿಯೇಟರ್​ಗಳಲ್ಲಿ ವೈಭವೋಪೇತವಾಗಿ ಓಡುತ್ತಿದೆ. ಕಲೆಕ್ಷನ್​ಗೆ ಯಾವುದೇ ತಡೆಯಾಗದಂತೆ ಅದ್ಭುತವಾಗಿ ಚಿತ್ರ ಪ್ರದರ್ಶನ ಕಾಣುತ್ತಿದೆ. ಈ ಕಾರಣಕ್ಕೆ ಶಾರುಖ್​ ಖಾನ್​ ಅಭಿಮಾನಿಗಳು ಕೂಡ ಫುಲ್​ ಖುಷಿಯಾಗಿದ್ದಾರೆ. ನಟನ ಮೇಲೆ ಅಪಾರವಾದ​ ಪ್ರೀತಿಯ ಹೊಳೆಯನ್ನೇ ಹರಿಸುತ್ತಿದ್ದಾರೆ.

ಅದಕ್ಕೆ ಉದಾಹರಣೆ ಎಂಬಂತೆ ಇತ್ತೀಚೆಗೆ ಅಭಿಮಾನಿಯೊಬ್ಬರು ಶಾರುಖ್​ ಖಾನ್​ ಅವರ ಟ್ಯಾಟೂವನ್ನು ಬೆನ್ನಿನ ಮೇಲೆ ಹಾಕಿಸಿಕೊಂಡಿದ್ದಾರೆ. ಈ ಹೃದಯಸ್ಪರ್ಶಿ ವಿಡಿಯೋವನ್ನು ನಟ ತಮ್ಮ ಎಕ್ಸ್​ (ಹಿಂದಿನ ಟ್ವಿಟರ್​) ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ. ಜೊತೆಗೆ "ಥ್ಯಾಂಕ್​ ಯು!! ಇದು ನಿಮ್ಮನ್ನು ಹೆಚ್ಚು ನೋಯಿಸಲಿಲ್ಲ ಎಂದು ಭಾವಿಸುತ್ತೇನೆ! ಹಾ ಹಾ" ಎಂದು ಕ್ಯಾಪ್ಶನ್​ ಬರೆದುಕೊಂಡಿದ್ದಾರೆ. ವಿಡಿಯೋದಲ್ಲಿ ಅಭಿಮಾನಿಯೊಬ್ಬರ ಮೇಲೆ ಟ್ಯಾಟೂ ರೂಪದಲ್ಲಿ ಮೂಡಿಬಂದ ಶಾರುಖ್​ ಖಾನ್​ ಅವರನ್ನು ಕಾಣಬಹುದು.

ಇದನ್ನೂ ಓದಿ: ಶಾರುಖ್​ ಸ್ಟಾರ್​​ಡಮ್​ ಪವರ್​​: ಚಿತ್ರರಂಗದವರ ಹುಬ್ಬೇರಿಸಿದ 'ಜವಾನ್' ಕಲೆಕ್ಷನ್!

ಶಾರುಖ್​ ಖಾನ್​ ಅವರು ಅಭಿಮಾನಿಗಳೊಂದಿಗೆ ಹೆಚ್ಚು ಸಂಪರ್ಕದಲ್ಲಿರುತ್ತಾರೆ. ಸೋಷಿಯಲ್​ ಮೀಡಿಯಾದ ಮೂಲಕ ಫ್ಯಾನ್ಸ್​ ಜೊತೆ ಉತ್ತಮ ಬಾಂಧವ್ಯವನ್ನು ಇಟ್ಟುಕೊಂಡಿದ್ದಾರೆ. ಎಷ್ಟೇ ದೊಡ್ಡ ಸ್ಟಾರ್​ ಆದ್ರೂ, ಎಷ್ಟೇ ಬ್ಯುಸಿ ಇದ್ರೂ ತಮ್ಮ ಆರಾಧಕರಿಗಾಗಿ ಕೊಂಚ ಸಮಯವನ್ನು ಮೀಸಲಿಡುತ್ತಾರೆ. #AskSrk ಎಂಬ ಹ್ಯಾಶ್​ಟ್ಯಾಗ್​ ಬಳಸಿಕೊಂಡು ಆಗಾಗ ಟ್ವಿಟರ್​ನಲ್ಲಿ ಅಭಿಮಾನಿಗಳೊಂದಿಗೆ ಸಂವಾದ ನಡೆಸುತ್ತಲೇ ಇರುತ್ತಾರೆ. ಅವರ ಹಾಸ್ಯಮಯ ಮತ್ತು ಪ್ರೀತಿಯ ಪ್ರತಿಕ್ರಿಯೆಗಳು ಫ್ಯಾನ್ಸ್​ ಹೃದಯ ಗೆಲ್ಲುವಲ್ಲಿ ಎಂದಿಗೂ ವಿಫಲವಾಗುವುದಿಲ್ಲ.

ಅತಿ ಹೆಚ್ಚು ಕಲೆಕ್ಷನ್​​ ಮಾಡಿದ ಹಿಂದಿ ಚಿತ್ರ 'Jawan​​': ಈ ವರ್ಷದ ಆರಂಭದಲ್ಲಿ ತೆರೆ ಕಂಡ 'ಪಠಾಣ್'​ ಚಿತ್ರ ಭಾರತೀಯ ಬಾಕ್ಸ್​ ಆಫೀಸ್​ನಲ್ಲಿ ಅತಿ ಹೆಚ್ಚು ಕಲೆಕ್ಷನ್​ ಮಾಡಿದ ಹಿಂದಿ ಚಲನಚಿತ್ರವಾಗಿ ಹೊರಹೊಮ್ಮಿತ್ತು. ಆದರೆ ಗುರುವಾರದಂದು ಸನ್ನಿ ಡಿಯೋಲ್​ ಅವರ 'ಗದರ್​ 2' ಸಿನಿಮಾ ಈ ಹಿಂದಿನ ಪಠಾಣ್​ ದಾಖಲೆಯನ್ನು ಪುಡಿಗಟ್ಟಿತ್ತು. ಅದರ ಮರುದಿನವೇ ಶಾರುಖ್​ ಖಾನ್​ ಅವರ 'ಜವಾನ್​' ಸಿನಿಮಾ ನಂಬರ್​ ಒನ್​ ಸ್ಥಾನಕ್ಕೇರಿದೆ. ಸದ್ಯ ಭಾರತದಲ್ಲಿ ಅತಿ ಹೆಚ್ಚು ಗಳಿಕೆ ಮಾಡಿದ ಹಿಂದಿ ಚಲನಚಿತ್ರ 'ಜವಾನ್'​ ಆಗಿದೆ.

ಇದನ್ನೂ ಓದಿ: ಜೈ 'ಜವಾನ್' ಎಂದ ಪ್ರೇಕ್ಷಕ, ₹1,000 ಕೋಟಿ ತಲುಪಿದ ಬಾಕ್ಸ್‌ ಆಫೀಸ್ ಕಲೆಕ್ಷನ್! ಇತಿಹಾಸ ಬರೆದ ಶಾರುಖ್ ಖಾನ್