ಮುಂಬೈ : ಬಾಲಿವುಡ್ ನಟರಾದ ವರುಣ್ ಧವನ್, ಕಿಯಾರ ಅಡ್ವಾಣಿ ಹಾಗೂ ಅನಿಲ್ ಕಪೂರ್ ತಮ್ಮ ಮುಂಬರುವ ಫ್ಯಾಮಿಲಿ ಎಂಟರ್ಟೈನ್ಮೆಂಟ್ ಸಿನಿಮಾ 'ಜುಗ್ ಜುಗ್ ಜಿಯೋ' ಪ್ರೊಮೋಷನ್ಗಾಗಿ ತೆರಳುವ ವೇಳೆ ಟ್ರಾಫಿಕ್ನಿಂದ ತಪ್ಪಿಸಿಕೊಳ್ಳಲು ಮುಂಬೈ ಮೆಟ್ರೋ ಏರಿದ್ದಾರೆ.
ನಟರು ಮೆಟ್ರೋ ಪ್ರಯಾಣವನ್ನು ಮೆಚ್ಚಿಕೊಂಡಿರುವ ವೀಡಿಯೋವನ್ನು ಮುಂಬೈ ಮೆಟ್ರೋಪಾಲಿಟನ್ ರೀಜಿಯನ್ ಡೆವಲಪ್ಮೆಂಟ್ ಅಥಾರಿಟಿ(ಎಂಎಂಆರ್ಡಿ) ಹಂಚಿಕೊಂಡಿದೆ.
ಮಂಗಳವಾರ ಮುಂಬೈ ಫಿಲ್ಮ್ ಸಿಟಿಯಲ್ಲಿ ಸೂಪರ್ ಸ್ಟಾರ್ ಸಿಂಗರ್ 2 ರಿಯಾಲಿಟಿ ಶೋ ಶೂಟಿಂಗ್ ಮುಗಿಸಿಕೊಂಡು ಮರಾಠಿ ಶೋ ಚಲಾ ಹವಾ ಯೇ ದ್ಯಾ ಶೂಟಿಂಗ್ನಲ್ಲಿ ಭಾಗವಹಿಸಲು ಹೋಗುವವರು ಪೀಕ್ ಅವರ್ಸ್ ಟ್ರಾಫಿಕ್ನಿಂದ ತಪ್ಪಿಸಿಕೊಂಡು ಹಾಗೂ ಟೈಮ್ ಸೇವ್ ಮಾಡಲು ಸ್ಟಾರ್ಗಳು ತಮ್ಮ ಕಾರುಗಳನ್ನು ಬಿಟ್ಟು ಮೆಟ್ರೋ ಆಯ್ಕೆ ಮಾಡಿಕೊಂಡರು. ಅದಲ್ಲದೇ ಮೆಟ್ರೋದಲ್ಲಿ ನಟ ಧವನ್ ಹಾಗೂ ಕಿಯಾರಾ ಮುಂಬೈನ ಸ್ಟ್ರೀಟ್ ಸ್ನ್ಯಾಕ್ಸ್ ವಡಾ ಪಾವ್ ಸವಿದು ಎಂಜಾಯ್ ಮಾಡಿದರು.
ಜುಗ್ ಜುಗ್ ಜಿಯೋ ಕಾಮಿಡಿ ಡ್ರಾಮಾವನ್ನು ನಿರ್ದೇಶಕ ರಾಜ್ ಮೆಹ್ತಾ ನಿರ್ದೇಶಿಸಿದ್ದು, ವಯೋಕಾನ್ 18 ಹಾಗೂ ಧರ್ಮ ಪ್ರೊಡಕ್ಷನ್ಸ್ ಬಂಡವಾಳ ಹೂಡಿದ್ದಾರೆ. ಸಿನಿಮಾದಲ್ಲಿ ನೀತು ಕಪೂರ್, ಮನೀಶ್ ಪೌಲ್ ಹಾಗೂ ಪ್ರಜಕ್ತಾ ಕೋಲಿ ಬಣ್ಣ ಹಚ್ಚಿದ್ದಾರೆ. ಸಿನಿಮಾ ಜೂನ್ 24ರಂದು ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗಲಿದೆ.
ಇದನ್ನೂ ಓದಿ : ಆಲಿಯಾ-ರಣ್ಬೀರ್ ಅಭಿನಯದ 'ಬ್ರಹ್ಮಾಸ್ತ್ರ ಭಾಗ 1: ಶಿವ' ಟ್ರೈಲರ್ ರಿಲೀಸ್
