ನಟ ಸೂರ್ಯ ಮುಖ್ಯಭೂಮಿಕೆಯ ಮುಂದಿನ ಸಿನಿಮಾ 'ಕಂಗುವ'. ಚಿತ್ರದ ಶೂಟಿಂಗ್ ಸೆಟ್‌ನಲ್ಲಿಂದು ದುರ್ಘಟನೆ ಸಂಭವಿಸಿದೆ ಎಂದು ವರದಿಯಾಗಿದೆ. ಅದ್ಧೂರಿ ಸಾಹಸ ದೃಶ್ಯದ ಚಿತ್ರೀಕರಣದಲ್ಲಿ ಭಾಗವಹಿಸಿದ್ದ ಸೂರ್ಯ ಮೇಲೆ ರೋಪ್ ಕ್ಯಾಮೆರಾ ಬಿದ್ದಿದ್ದು, ನಟನ ಭುಜಕ್ಕೆ ಗಾಯವಾಗಿದೆ.
ನಟನ ಆರೋಗ್ಯ ಸ್ಥಿರ: ಚಿತ್ರತಂಡದವರು ತಕ್ಷಣ ಶೂಟಿಂಗ್ ಸ್ಥಗಿತಗೊಳಿಸಿ ನಟನನ್ನು ಆಸ್ಪತ್ರೆಗೆ ದಾಖಲಿಸಿದ್ದಾರೆ. ಸದ್ಯ ಆರೋಗ್ಯ ಸ್ಥಿರವಾಗಿದೆ ಎಂದು ವರದಿಯಾಗಿದೆ. ಈ ಘಟನೆಯ ಕುರಿತು ಚಿತ್ರತಂಡ ಅಧಿಕೃತ ಮಾಹಿತಿ ನೀಡಿಲ್ಲ.
38 ಭಾಷೆಗಳಲ್ಲಿ ಸಿನಿಮಾ ಬಿಡುಗಡೆ: ಬಹುನಿರೀಕ್ಷಿತ 'ಕಂಗುವ' ಸಿನಿಮಾದ ಪೋಸ್ಟರ್ ಮತ್ತು ಟೀಸರ್ ಈಗಾಗಲೇ ಬಿಡುಗಡೆ ಆಗಿ ಸಿನಿಪ್ರೇಮಿಗಳಲ್ಲಿ ಕುತೂಹಲ ಮೂಡಿಸಿದೆ. ಚಿತ್ರೀಕರಣದ ಅಂತಿಮ ಹಂತ ತಲುಪಿದೆ. ಕಂಗುವ ಪೀರಿಯಾಡಿಕಲ್ ಡ್ರಾಮಾ ಆಗಿದ್ದು, ಬರೋಬ್ಬರಿ 38 ಭಾಷೆಗಳಲ್ಲಿ ಏಕಕಾಲದಲ್ಲಿ ಬಿಡುಗಡೆ ಆಗಲಿದೆ.
ಬಹುತೇಕ ಅಂತಿಮ ಘಟ್ಟ ತಲುಪಿದ ಚಿತ್ರೀಕರಣ: ಕಂಗುವ ಚಿತ್ರಕ್ಕೆ ನಿರ್ದೇಶಕ ಶಿವ ಆ್ಯಕ್ಷನ್ ಕಟ್ ಹೇಳುತ್ತಿದ್ದಾರೆ. ಅದ್ಧೂರಿ ಬಜೆಟ್ನಲ್ಲಿ ತಯಾರಾಗುತ್ತಿದ್ದು ಕಾಸ್ಟ್ ಆ್ಯಂಡ್ ಕಂಟೆಂಟ್ ಸಲುವಾಗಿ ಗಮನ ಸೆಳೆಯುತ್ತಿದೆ. ಮೇಕಿಂಗ್ ಸಹ ಆಕರ್ಷಕವಾಗಿ, ಅದ್ಧೂರಿಯಾಗಿ ಇರಲಿದೆ ಎಂಬುದು ಈಗಾಗಲೇ ಅನಾವರಣಗೊಂಡಿರುವ ಫಸ್ಟ್ ಲುಕ್ ಪೋಸ್ಟರ್, ಗ್ರಿಂಪ್ಸ್ ನಲ್ಲೇ ಗೊತ್ತಾಗಿದೆ. ಸಿನಿಮಾ ಶೂಟಿಂಗ್ ಶರವೇಗದಲ್ಲಿ ಸಾಗಿದ್ದು ಅಂತಿಮ ಘಟ್ಟ ತಲುಪಿದೆ.
3 ಭಾಗಗಳಲ್ಲಿ ಸಿನಿಮಾ: ಅದ್ಧೂರಿ ಸಾಹಸ ದೃಶ್ಯಗಳನ್ನು ನೀವು ಈ ಚಿತ್ರದಲ್ಲಿ ನೋಡಲಿದ್ದೀರಿ. ಬಿಗ್ ಬಜೆಟ್ ಸಿನಿಮಾದ ಪ್ರಮುಖ ಆಕರ್ಷಣೆ ವಿಶುವಲ್ ಎಫೆಕ್ಟ್ಸ್. ಮುಂದಿನ ಸಾಲಿನಲ್ಲಿ ಚಿತ್ರವನ್ನು ಬಿಡುಗಡೆ ಮಾಡಲು ತಂಡ ಶ್ರಮಿಸುತ್ತಿದೆ. 38 ಭಾಷೆಗಳಲ್ಲಿ ತೆರೆಕಾಣಲಿದೆ ಎಂದು ಈಗಾಗಲೇ ಚಿತ್ರತಂಡ ಹೇಳಿಕೊಂಡಿದೆ. ಅಲ್ಲದೇ ಈ ಸಿನಿಮಾ 3 ಭಾಗಗಳಲ್ಲಿ ಮೂಡಿಬರಲಿದೆ.
ಇದನ್ನೂ ಓದಿ: 'ಲಿಡ್ಕರ್' ಉತ್ಪನ್ನಗಳಿಗೆ ಡಾಲಿ ಧನಂಜಯ್ ರಾಯಭಾರಿ
ಸೂರ್ಯ ಅವರ ಕೆರಿಯರ್‌ನಲ್ಲೇ ಕಂಗುವ ಬಿಗ್ ಬಜೆಟ್ ಸಿನಿಮಾ ಎಂದು ಕೂಡ ಹೇಳಲಾಗಿದೆ. ಅಲ್ಲದೇ ಸೂರ್ಯ ಅವರು ಆರು ವಿಭಿನ್ನ ಅವತಾರದಲ್ಲಿ ನಿಮಗೆ ದರ್ಶನ ಕೊಡಲಿದ್ದಾರೆ. ಬಹುಭಾಷಾ ನಟಿ ದಿಶಾ ಪಟಾನಿ ಚಿತ್ರತಂಡದ ಭಾಗವಾಗಿದ್ದಾರೆ. ಅನಿಮಲ್ ಸಿನಿಮಾ ಬಿಡುಗಡೆಗೆ ಸಜ್ಜಾಗುತ್ತಿರುವ ಬಾಲಿವುಡ್ ನಟ ಬಾಬಿ ಡಿಯೋಲ್ ಖಳನಾಯಕನಾಗಿ ಕಾಣಿಸಿಕೊಳ್ಳಲಿದ್ದಾರೆ. ಸ್ಟುಡಿಯೋ ಗ್ರೀನ್ ಹಾಗೂ ಯುವಿ ಕ್ರಿಯೇಷನ್ಸ್ ಈ ಸಿನಿಮಾವನ್ನು ನಿರ್ಮಾಣ ಮಾಡುತ್ತಿದೆ. ಸಿನಿಮಾ ಕುರಿತು ಸಾಕಷ್ಟು ನಿರೀಕ್ಷೆ ಇಟ್ಟುಕೊಳ್ಳಲಾಗಿದೆ. ಆದ್ರೆ ನಟನ ಆರೋಗ್ಯ ಕುರಿತು ಅಭಿಮಾನಿಗಳು ಚಿಂತಿತರಾಗಿದ್ದಾರೆ.
ಇದನ್ನೂ ಓದಿ: ಬಚ್ಚನ್ ಮೊಮ್ಮಗ ಅಗಸ್ತ್ಯ ನಂದಾ ಬರ್ತಡೇ: ರೂಮರ್ ಗರ್ಲ್ಫ್ರೆಂಡ್ ಸುಹಾನಾ ಖಾನ್ ಜೊತೆ ಸೆಲೆಬ್ರೇಶನ್
