ಬಾಲಿವುಡ್ ಬಾದ್ ಶಾ ಶಾರುಖ್ ಖಾನ್ ಮತ್ತು ಗೌರಿ ಖಾನ್ ಪುತ್ರಿ ಸುಹಾನಾ ಖಾನ್ ಭಾರತೀಯ ಜನಪ್ರಿಯ ತಾರೆಯರಲ್ಲಿ ಒಬ್ಬರು. ಇವರು ಸಿನಿಮಾ ಮಾತ್ರವಲ್ಲದೇ ವೈಯಕ್ತಿಕ ವಿಚಾರವಾಗಿಯೂ ಸುದ್ದಿಯಲ್ಲಿರುತ್ತಾರೆ. ಸದ್ಯ ನಟಿಯ ವಿಡಿಯೋವೊಂದು ಸೋಷಿಯಲ್ ಮೀಡಿಯಾದಲ್ಲಿ ಸದ್ದು ಮಾಡುತ್ತಿದೆ. ಶುಕ್ರವಾರ ರಾತ್ರಿ ಮುಂಬೈನ ಸ್ಟ್ರೀಟ್ನಿಂದ ಪಾಪರಾಜಿಯೊಬ್ಬರು ಸೆರೆ ಹಿಡಿದ ದೃಶ್ಯಕ್ಕೆ ಎಲ್ಲೆಡೆ ಮೆಚ್ಚುಗೆ ಮತ್ತು ಪ್ರಶಂಸೆ ಸಿಕ್ಕಿದೆ.
ವಿಡಿಯೋದಲ್ಲೇನಿದೆ?: ಸುಹಾನಾ ಖಾನ್ ಮತ್ತು ಅವರ ತಾಯಿ ಗೌರಿ ಖಾನ್ ಶುಕ್ರವಾರ ರಾತ್ರಿ ಮುಂಬೈನ ರೆಸ್ಟೋರೆಂಟ್ಗೆ ಬಂದಿದ್ದರು. ಅಲ್ಲಿಂದ ಅವರಿಬ್ಬರು ಹೊರಗೆ ಬರುತ್ತಿರುವ ವೇಳೆ ಮಹಿಳೆಯೊಬ್ಬರು ಸುಹಾನಾ ಅವರಲ್ಲಿ ಹಣ ಕೇಳಿದ್ದಾರೆ. ತಕ್ಷಣವೇ ಹಿಂದು ಮುಂದು ಯೋಚಿಸದೇ 500 ರೂಪಾಯಿಯ ನೋಟನ್ನು ಅವರಿಗೆ ನೀಡಿದ್ದಾರೆ. ಬಳಿಕ ಕಾರಿನತ್ತ ತೆರಳಿದ್ದಾರೆ. ಈ ವಿಡಿಯೋ ಸದ್ಯ ಎಲ್ಲೆಡೆ ಹರಿದಾಡುತ್ತಿದೆ. ಸುಹಾನಾ ಹೃದಯವಂತಿಕೆ ಕಂಡು ಅವರ ಅಭಿಮಾನಿಗಳು ಖುಷಿ ಪಟ್ಟಿದ್ದಾರೆ.
ಈ ವೇಳೆ, ಸುಹಾನಾ ಖಾನ್ ಅವರು ಚಾರ್ಕೋಲ್ ಸ್ಲೀವ್ಲೆಸ್ ಬಾಡಿಕಾನ್ ಡ್ರೆಸ್ ಧರಿಸಿದ್ದರು. ಅದಕ್ಕೆ ಹೊಂದುವಂತೆ ಬ್ಲ್ಯಾಕ್ ಹೀಲ್ಸ್ ಹಾಕಿಕೊಂಡಿದ್ದರು. ಸಿಂಪಲ್ ಮೇಕಪ್ ಜೊತೆ ಕಾಣಿಸಿಕೊಂಡರು. ಇನ್ನು ಗೌರಿ ಖಾನ್ ಅವರು ಹಳದಿ ಬಣ್ಣದ ಬ್ಲೇಜರ್ ಮತ್ತು ಜೀನ್ಸ್ ಪ್ಯಾಂಟ್ ಧರಿಸಿದ್ದರು. ಬಿಳಿ ಹೀಲ್ಸ್ನೊಂದಿಗೆ ತಮ್ಮ ನೋಟವನ್ನು ಪೂರ್ಣಗೊಳಿಸಿದರು.
ಇದನ್ನೂ ಓದಿ: ಸೂಪರ್ ಸ್ಟಾರ್ ಮಗಳು ಎಂಬ ಅಹಂ ಇಲ್ಲ ನಟಿ ಸುಹಾನಾಗೆ: ಶಾರುಖ್ ಮಗಳನ್ನು ಹೊಗಳಿದ ನೃತ್ಯ ಸಂಯೋಜಕ
ಪಾಪರಾಜಿಗಳು ವಿಡಿಯೋ ಹಂಚಿಕೊಂಡ ತಕ್ಷಣ ಸುಹಾನಾ ಅವರ ಹೃದಯವಂತಿಕೆ ಪ್ರಶಂಸಿಸಲು ಅವರ ಅಭಿಮಾನಿಗಳು ಕಮೆಂಟ್ ವಿಭಾಗವನ್ನು ಬಳಸಿಕೊಂಡರು. ಸೋಷಿಯಲ್ ಮೀಡಿಯಾ ಬಳಕೆದಾರರು ಸುಹಾನಾ ಅವರದ್ದು 'ಚಿನ್ನದಂತ ಹೃದಯ' ಎಂದು ಹಾಡಿ ಹೊಗಳಿದ್ದಾರೆ. ಅಭಿಮಾನಿಗಳು 'ಉದಾರತೆ' ಎಂದು ಕಮೆಂಟ್ ಮಾಡಿದ್ದಾರೆ. ಈ ವಿಡಿಯೋ ಉತ್ತಮ ಲೈಕ್ಸ್ಗಳನ್ನು ಪಡೆದುಕೊಂಡಿದೆ. ಮೆಚ್ಚುಗೆಯ ಜೊತೆಗೆ ಪ್ರಶಂಸೆಯನ್ನು ಸ್ವೀಕರಿಸಿದೆ.
ದಿ ಆರ್ಚೀಸ್ನಲ್ಲಿ ಸುಹಾನಾ ಖಾನ್ .. ಇನ್ನು ಸುಹಾನಾ ಖಾನ್ ತಮ್ಮ ತಂದೆ ಶಾರುಖ್ ಖಾನ್ ಹಾದಿಯಲ್ಲಿ ಮುನ್ನಡೆಯುತ್ತಿದ್ದಾರೆ. ಜೋಯಾ ಅಖ್ತರ್ ನಿರ್ದೇಶನದ ದಿ ಆರ್ಚೀಸ್ (The Archies) ನಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಇವರ ಜೊತೆಗೆ ನಿರ್ಮಾಪಕ ಬೋನಿ ಕಪೂರ್ ಮತ್ತು ದಿ. ಶ್ರೀದೇವಿ ದಂಪತಿ ಪುತ್ರಿ ಖುಷಿ ಕಪೂರ್, ಹಿರಿಯ ನಟ ಅಮಿತಾಭ್ ಬಚ್ಚನ್ ಮೊಮ್ಮಗ ಅಗಸ್ತ್ಯ ನಂದಾ, ವೇದಾಂಗ್ ರೈನಾ ಸೇರಿದಂತೆ ಹಲವರು ಕಾಣಿಸಿಕೊಳ್ಳಲಿದ್ದಾರೆ. ಆಂಗ್ಲೋ ಇಂಡಿಯನ್ ಕಥೆ ಆಧರಿಸಿದ್ದು, ನೆಟ್ಫ್ಲಿಕ್ಸ್ನಲ್ಲಿ ರಿಲೀಸ್ ಆಗಲಿದೆ. ದಿ ಆರ್ಚೀಸ್ ಅನ್ನು ಟೈಗರ್ ಬೇಬಿ ಸಂಸ್ಥೆಯ ಅಡಿ ನಿರ್ಮಿಸಲಾಗಿದೆ.
ಇದನ್ನೂ ಓದಿ: 12.91 ಕೋಟಿ ರೂ. ಮೌಲ್ಯದ ಕೃಷಿ ಭೂಮಿ ಖರೀದಿಸಿದ ಶಾರುಖ್ ಖಾನ್ ಪುತ್ರಿ ಸುಹಾನಾ
