Sreejita De: ಕ್ರಿಶ್ಚಿಯನ್​ ಸಂಪ್ರದಾಯದಂತೆ ಮದುವೆಯಾದ ಕಿರುತೆರೆ ನಟಿ ಶ್ರೀಜಿತ ಡೇ ಮತ್ತು ಮೈಕೆಲ್

ಕಿರುತೆರೆ ನಟಿ ಶ್ರೀಜಿತ ಡೇ ಮತ್ತು ಮೈಕೆಲ್ ಬ್ಲೋಮ್-ಪೇಪ್ ಜರ್ಮನಿಯಲ್ಲಿ ಕ್ರಿಶ್ಚಿಯನ್​ ಸಂಪ್ರದಾಯದಂತೆ ಮದುವೆಯಾಗಿದ್ದಾರೆ.

ಹಿಂದಿ ಕಿರುತೆರೆ ನಟಿ ಶ್ರೀಜಿತ ಡೇ ಅವರು ನಿಶ್ಚಿತ ವರ ಮೈಕೆಲ್ ಬ್ಲೋಮ್-ಪೇಪ್ ಅವರೊಂದಿಗೆ ವಿವಾಹವಾಗಿದ್ದಾರೆ. ಜರ್ಮನಿಯಲ್ಲಿ ಕ್ರಿಶ್ಚಿಯನ್​ ಸಂಪ್ರದಾಯದಂತೆ ಮದುವೆಯಾಗಿದ್ದಾರೆ. ಮದುವೆಯ ಫೋಟೋಗಳನ್ನು ಹಂಚಿಕೊಳ್ಳಲು ನಟಿ ಇನ್​ಸ್ಟಾ ವೇದಿಕೆಯನ್ನು ಬಳಸಿಕೊಂಡಿದ್ದಾರೆ. ತಾನು ಮತ್ತು ಮೈಕೆಲ್​ ಪ್ರಾರ್ಥನಾ ಮಂದಿರದಲ್ಲಿ ವಿವಾಹವಾಗಿರುವುದಾಗಿ ಬಿಗ್ ಬಾಸ್ ಆಲಂ ಹೇಳಿದ್ದಾರೆ.

"ಇಂದು ನಾವು ಕೊನೆಯವರೆಗೆ ಜೊತೆಯಾಗಿ ಇರುವುದಾಗಿ ಸಂಭ್ರಮಿಸುತ್ತಿದ್ದೇವೆ. ಕೈಯಲ್ಲಿ ಕೈಜೋಡಿಸುತ್ತೇವೆ" ಎಂದು ಪೋಸ್ಟ್​ಗೆ ಕ್ಯಾಪ್ಶನ್​ ನೀಡಿದ್ದಾರೆ. ನಟಿ ಬಿಳಿ ಬಣ್ಣದ ಗೌನ್​ನಲ್ಲಿ ತುಂಬಾ ಮುದ್ದಾಗಿ ಕಂಡಿದ್ದಾರೆ. ಮೈಕೆಲ್ ಕಪ್ಪು ಟುಕ್ಸೆಡೊದಲ್ಲಿ ಆಕರ್ಷಕವಾಗಿ ಕಾಣುತ್ತಿದ್ದರು. ಕ್ರಿಶ್ಚಿಯನ್​ ಸಂಪ್ರದಾಯದಂತೆ ಮದುವೆಯಾಗಲು, ಅದಕ್ಕೆ ತಕ್ಕಂತೆ ಜೋಡಿ ತಮ್ಮನ್ನು ಸಿಂಗರಿಸಿಕೊಂಡಿದ್ದರು.

ವರದಿಗಳ ಪ್ರಕಾರ, ಈ ಜೋಡಿ ವರ್ಷದ ಕೊನೆಯಲ್ಲಿ ಬೆಂಗಾಳಿ ಸಂಪ್ರದಾಯದಂತೆ ಮದುವೆಯಾಗಲಿದ್ದಾರೆ. ಚರ್ಚ್​ ವಿವಾಹವು, ಮೈಕಲ್​ ಅವರ ಸ್ಥಳವಾದ ಜರ್ಮನಿಯಲ್ಲಿ ನಡೆದಿದೆ. ಮದುವೆಯ ಪೂರ್ವ ಸಂದರ್ಶನವೊಂದರಲ್ಲಿ ನಟಿ, ಕ್ರಿಶ್ಚಿಯನ್ ಸಮಾರಂಭಕ್ಕೆ ಬಿಳಿ ಗೌನ್ ಧರಿಸುವುದಾಗಿ ಹೇಳಿದ್ದರು.

• Bigg Boss 16’s Sreejita De got married to beau Michael Blohm-Pape in Germany today. Congratulations!!! pic.twitter.com/ac92iZd59o

  — #BiggBoss_Tak👁 (@BiggBoss_Tak) July 2, 2023 " class="align-text-top noRightClick twitterSection" data="

  Bigg Boss 16’s Sreejita De got married to beau Michael Blohm-Pape in Germany today. Congratulations!!! pic.twitter.com/ac92iZd59o

  — #BiggBoss_Tak👁 (@BiggBoss_Tak) July 2, 2023

  ">

  Bigg Boss 16’s Sreejita De got married to beau Michael Blohm-Pape in Germany today. Congratulations!!! pic.twitter.com/ac92iZd59o

  — #BiggBoss_Tak👁 (@BiggBoss_Tak) July 2, 2023

ಇದನ್ನೂ ಓದಿ: Sudeep 46: 'ನಾನು ಮನುಷ್ಯ ಅಲ್ಲ ರಾಕ್ಷಸ' - ಕಿಚ್ಚ ಸುದೀಪ್‌ ಹೊಸ ಸಿನಿಮಾದ ಟೀಸರ್ ರಿಲೀಸ್‌, ರಗಡ್ ಲುಕ್‌ನಲ್ಲಿ ಅಬ್ಬರ!

"ಮದುವೆಗೆ ಮೊದಲು ನಾನು ಸ್ವಲ್ಪ ಮಟ್ಟಿಗೆ ನನ್ನನ್ನು ಅಲಂಕರಿಸಲು ಬಯಸುತ್ತೇನೆ. ಕೂದಲಿಗೆ ಹೊಸ ಬಣ್ಣವನ್ನು ಹಚ್ಚಿ ಕೇಶವನ್ನು ಸುಂದರಗೊಳಿಸಬೇಕು ಎಂದಿದ್ದೇನೆ. ನನ್ನ ಈಗಿನ ಕೂದಲ ಬಣ್ಣ ಲಾಂಗ್​ ಟೈಮ್​ ಅಲ್ಲ. ನಾನು ಮದುವೆಗೆ ಡ್ರೆಸ್​ ಈಗಾಗಲೇ ಆರಿಸಿದ್ದೇನೆ. ಇದು ವೆಸ್ಟರ್ನ್​ ವೆಡ್ಡಿಂಗ್​" ಎಂದು ಹೇಳಿದ್ದರು.

ಶ್ರೀಜಿತ ಡೇ ಮತ್ತು ಮೈಕೆಲ್ ಬ್ಲೋಮ್- ಪೇಪ್ ಜರ್ಮನಿಯಲ್ಲಿ ತಮ್ಮ ಕ್ರಿಶ್ಚಿಯನ್ ವಿವಾಹದ ನಂತರ ಅವರಿಬ್ಬರ ಮದುವೆಯ ನೆನಪಿಗಾಗಿ ಜುಲೈ 17 ರಂದು ಅದ್ದೂರಿ ಆರತಕ್ಷತೆಯನ್ನು ಆಯೋಜಿಸಲು ಮುಂಬೈಗೆ ಹಿಂತಿರುಗಲಿದ್ದಾರೆ. ಈ ವರ್ಷದ ಕೊನೆಯಲ್ಲಿ ಗೋವಾದಲ್ಲಿ ನಡೆಯಲಿರುವ ಬೆಂಗಾಳಿ ಶೈಲಿಯ ವಿವಾಹಕ್ಕಾಗಿ ಅವರು ಆಕರ್ಷಕ ಆಲೋಚನೆಗಳನ್ನು ಹೊಂದಿದ್ದಾರೆ.

ಇದನ್ನೂ ಓದಿ: ತೆರೆ ಹಂಚಿಕೊಂಡ ದೀಪಿಕಾ, ರಣ್​​​ವೀರ್, ರಾಮ್​ಚರಣ್​​, ತ್ರಿಶಾ - ಯಾವುದು ಈ ಸಿನಿಮಾ?

ಈ ಜೋಡಿ 2019 ರಿಂದ ಡೇಟಿಂಗ್​ ಮಾಡಲು ಪ್ರಾರಂಭಿಸಿದ್ದರು. ವರದಿಗಳ ಪ್ರಕಾರ, ಜೋಡಿ ರೆಸ್ಟೋರೆಂಟ್‌ನಲ್ಲಿ ಭೇಟಿಯಾಗಿ ಪರಸ್ಪರ ಮೊಬೈಲ್​ ನಂಬರ್​ ವಿನಿಮಯ ಮಾಡಿಕೊಂಡರು. ಎರಡು ವರ್ಷಗಳ ಡೇಟಿಂಗ್ ನಂತರ, ಮೈಕೆಲ್​ 2021 ರಲ್ಲಿ ಪ್ಯಾರಿಸ್​ನಲ್ಲಿ ನಟಿಗೆ ಪ್ರಪೋಸ್​ ಮಾಡಿದ್ದರು. ಶ್ರೀಜಿತ ಡೇ ನಟಿಯಾದರೆ, ಮೈಕೆಲ್​ ಕಂಪನಿ ವ್ಯವಹಾರವನ್ನು ನಿರ್ವಹಿಸುತ್ತಿದ್ದಾರೆ.

ಬಿಗ್ ಬಾಸ್ 16 ರ ಮನೆಯಲ್ಲಿದ್ದ ಸಮಯದಲ್ಲಿ, ಶ್ರೀಜಿತಾ ತನ್ನ ಸಂಗಾತಿ ಮೈಕೆಲ್ ಬಗ್ಗೆ ಸಾಕಷ್ಟು ಮಾತನಾಡಿದ್ದರು. ಅವರಿಬ್ಬರ ಲವ್​ ಸ್ಟೋರಿ ಬಗ್ಗೆ ಹೇಳಿಕೊಂಡಿದ್ದರು. ಶ್ರೀಜಿತಾ ಅವರನ್ನು ಅಚ್ಚರಿಗೊಳಿಸುವ ಸಲುವಾಗಿಯೇ ಮೈಕೆಲ್​, ಬಿಗ್ ಬಾಸ್ ಮನೆಗೆ ಭೇಟಿ ನೀಡಿದ್ದರು.

ಇದನ್ನೂ ಓದಿ: Tiger Shroff and Disha Patani: ಬ್ರೇಕಪ್​ ವದಂತಿ ನಂತರ ಜೊತೆಯಾಗಿ ಕಾಣಿಸಿಕೊಂಡ ಟೈಗರ್​ ಶ್ರಾಫ್​- ದಿಶಾ ಪಟಾನಿ