ಸರಿಗಮಪ ಸೀಸನ್​ 20 World wide Audition; ಸಪ್ತ ಸಾಗರ ದಾಟುತಿದೆ ಸ್ವರ ಸಂಚಾರ..!

ಸರಿಗಮಪ ರಿಯಾಲಿಟಿ ಶೋ ವಿದೇಶದಲ್ಲಿ ವಾಸಿಸುತ್ತಿರುವ ಕನ್ನಡ ಸಂಗೀತ ಪ್ರೇಮಿಗಳಿಗೆ ವಿಶೇಷ ಅವಕಾಶ ನೀಡಲು ಮುಂದಾಗಿದೆ.

ಜೀ ಕನ್ನಡ ವಾಹಿನಿ ಪ್ರೇಕ್ಷಕರಿಗೆ ಮನರಂಜನೆ ನೀಡುವುದರಲ್ಲಿ ಎಂದಿಗೂ ಹಿಂದೆ ಸರಿಯುವುದಿಲ್ಲ. ವಾರದ ಐದು ದಿನ ಧಾರಾವಾಹಿ ಮನರಂಜನೆಯಾದರೆ ಉಳಿದೆರಡು ದಿನ ರಿಯಾಲಿಟಿ ಶೋಗಳು ಜನರ ಮನ ಗೆಲ್ಲುತ್ತವೆ. ಈಗಾಗಲೇ ಪಾರು, ಹಿಟ್ಲರ್​ ಕಲ್ಯಾಣ, ಪುಟ್ಟಕ್ಕನ ಮಕ್ಕಳು, ಗಟ್ಟಿಮೇಳ, ಶ್ರೀರಸ್ತು ಶುಭಮಸ್ತು, ಸತ್ಯ, ಭೂಮಿಗೆ ಬಂದ ಭಗವಂತ, ಅಮೃತಧಾರೆ ಸೀರಿಯಲ್​ಗಳು ಸೂಪರ್​ ಹಿಟ್​ ಆಗಿವೆ.

ವೀಕೆಂಡ್​ನಲ್ಲಿ ಡ್ಯಾನ್ಸ್​ ಕರ್ನಾಟಕ ಡ್ಯಾನ್ಸ್​, ಛೋಟಾ ಚಾಂಪಿಯನ್​, ಭರ್ಜರಿ ಬ್ಯಾಚುಲರ್ಸ್ ಪ್ರೇಕ್ಷಕರನ್ನು ರಂಜಿಸುತ್ತಿವೆ. ಇದು ಮಾತ್ರವಲ್ಲದೇ ಜನರಿಗೆ ಇನ್ನಷ್ಟು ಮನರಂಜನೆ ನೀಡಲು 'ಸರಿಗಮಪ ಸೀಸನ್​ 20' ಶೀಘ್ರದಲ್ಲೇ ಪ್ರಾರಂಭವಾಗಲಿದೆ. ಈಗಾಗಲೇ 19 ಸೀಸನ್​ ಪೂರ್ಣಗೊಳಿಸಿರುವ ಈ ಸಂಗೀತ ಕಾರ್ಯಕ್ರಮ 20ನೇ ಸೀಸನ್​ಗಾಗಿ ಸಪ್ತ ಸಾಗರ ದಾಟುತ್ತಿದೆ.

ಹೌದು, 2006ರಲ್ಲಿ ಕನ್ನಡದ ಜೀ ವಾಹಿನಿಯಲ್ಲಿ ಪ್ರಾರಂಭವಾದ ಸರಿಗಮಪ ಸಂಗೀತ ಲೋಕ ಈವರೆಗೂ ಹಲವಾರು ಅದ್ಭುತ ಪ್ರತಿಭೆಗಳನ್ನು ಪರಿಚಯಿಸಿದೆ. ಇಲ್ಲಿಯವರೆಗೂ ಸರಿಗಮಪ ತಂಡ ಪ್ರತಿ ಸೀಸನ್​ಗಾಗಿಯೂ ರಾಜ್ಯದ ಎಲ್ಲಾ ಜಿಲ್ಲೆಗಳಲ್ಲೂ ಆಡಿಷನ್​ ನಡೆಸಿ ಗಾನ ಕೋಗಿಲೆಗಳನ್ನು ಆರಿಸಿ ವೇದಿಕೆಗೆ ಕರೆ ತರುತ್ತಿತ್ತು. ಆದರೆ ಇದೇ ಮೊದಲ ಬಾರಿಗೆ ಸರಿಗಮಪ ತಂಡ ಈ ವಿಚಾರದಲ್ಲಿ ಮತ್ತೊಂದು ಮೈಲಿಗಲ್ಲು ಸ್ಥಾಪಿಸಲಿದೆ.

• ಸಪ್ತ ಸಾಗರ ದಾಟುತಿದೆ ಸ್ವರ ಸಂಚಾರ..!
  ಸರಿಗಮಪ World wide Audition | ಅತೀ ಶೀಘ್ರದಲ್ಲಿ.#SRGMP #SRGMPSeason20 #SRGMPS20 #WorldWideAuditions #Auditions #ComingSoon#ZeeKannada #BayasidaBaagiluTegeyona pic.twitter.com/0uxPPLdgHd

  — Zee Kannada (@ZeeKannada) July 9, 2023 " class="align-text-top noRightClick twitterSection" data="

  ಸಪ್ತ ಸಾಗರ ದಾಟುತಿದೆ ಸ್ವರ ಸಂಚಾರ..!
  ಸರಿಗಮಪ World wide Audition | ಅತೀ ಶೀಘ್ರದಲ್ಲಿ.#SRGMP #SRGMPSeason20 #SRGMPS20 #WorldWideAuditions #Auditions #ComingSoon#ZeeKannada #BayasidaBaagiluTegeyona pic.twitter.com/0uxPPLdgHd

  — Zee Kannada (@ZeeKannada) July 9, 2023

  ">

  ಸಪ್ತ ಸಾಗರ ದಾಟುತಿದೆ ಸ್ವರ ಸಂಚಾರ..!
  ಸರಿಗಮಪ World wide Audition | ಅತೀ ಶೀಘ್ರದಲ್ಲಿ.#SRGMP #SRGMPSeason20 #SRGMPS20 #WorldWideAuditions #Auditions #ComingSoon#ZeeKannada #BayasidaBaagiluTegeyona pic.twitter.com/0uxPPLdgHd

  — Zee Kannada (@ZeeKannada) July 9, 2023

ಇದನ್ನೂ ಓದಿ: 'ಘೋಸ್ಟ್​' ಒಡೆಯನಿಗೆ ಜನ್ಮದಿನದ ಸಂಭ್ರಮ: ಕೌತುಕ ಹೆಚ್ಚಿಸಿದ 'BIG DADDY'‌ ಪೋಸ್ಟರ್​

ಕೇವಲ ನಮ್ಮ ರಾಜ್ಯದ ತುಂಬಾ ಪ್ರಯಾಣಿಸಿ ಸಂಗೀತ ಪ್ರತಿಭೆಗಳನ್ನು ಹುಡುಕಿ ತರುತ್ತಿದ್ದ ತಂಡ ವಿದೇಶಕ್ಕೆ ಹಾರಲು ಸಜ್ಜಾಗಿದೆ. ವಿದೇಶದಲ್ಲಿ ವಾಸಿಸುತ್ತಿರುವ ಕನ್ನಡ ಸಂಗೀತ ಪ್ರೇಮಿಗಳಿಗೆ ಅವಕಾಶ ನೀಡಲು ಮುಂದಾಗಿದೆ. ಇದೇ ಮೊದಲ ಬಾರಿಗೆ ವಿದೇಶದಲ್ಲಿ ಆಡಿಷನ್​ ನಡೆಯಲಿದೆ. ಶೀಘ್ರದಲ್ಲಿ ಸರಿಗಮಪ ಟೀಮ್​ ವಿದೇಶಕ್ಕೆ ಹಾರಿ ಅಲ್ಲಿನ ಪ್ರತಿಭೆಗಳನ್ನು ಆರಿಸಿ ಜಗತ್ತಿಗೆ ಪರಿಚಯಿಸಲು ಸಿದ್ಧತೆ ಮಾಡಿಕೊಂಡಿದೆ. ಇದು ಒಳ್ಳೆಯ ನಿರ್ಧಾರ ಎನ್ನುತ್ತಿದ್ದಾರೆ ಪ್ರೋಮೋ ನೋಡಿದ ಸಂಗೀತ ಪ್ರೇಮಿಗಳು.

ಇನ್ನೂ ಬಿಡುಗಡೆಯಾಗಿರುವ ಪ್ರೋಮೋದಲ್ಲಿ ಹಂಸಲೇಖ, ವಿಜಯಪ್ರಕಾಶ್, ಅರ್ಜುನ್ ಜನ್ಯ, ಅನುಶ್ರೀ ಕಾಣಿಸಿಕೊಂಡಿದ್ದಾರೆ. ಹೀಗಾಗಿ ಈ ಬಾರಿಯೂ ಹಂಸಲೇಖ, ವಿಜಯಪ್ರಕಾಶ್ ಮತ್ತು ಅರ್ಜುನ್ ಜನ್ಯ ಎಂದಿನಂತೆ ತೀರ್ಪುಗಾರರಾಗಿ ಕಾಣಿಸಿಕೊಂಡರೆ, ಅನುಶ್ರೀ ನಿರೂಪಣೆ ಮಾಡಲಿದ್ದಾರೆ. ಆದರೆ ಕಳೆದ ಸೀಸನ್​ನಲ್ಲಿ ತೀರ್ಪುಗಾರರ ಜತೆಗೆ ಆರು ಮೆಂಟರ್​​​ಗಳು ಸ್ಪರ್ಧಿಗಳನ್ನು ತಯಾರು ಮಾಡುತ್ತಿದ್ದರು. ಆದರೆ ಈ ಬಾರಿಯೂ ಹಾಗೆಯೇ ಇರಲಿದೆಯಾ ಅನ್ನೋದು ಇನ್ನಷ್ಟೇ ಗೊತ್ತಾಗಬೇಕಿದೆ.

ಇದಲ್ಲದೇ ಈಗಾಗಲೇ ವೀಕೆಂಡ್​ನಲ್ಲಿ ಮೂರು ರಿಯಾಲಿಟಿ ಶೋಗಳು ಪ್ರಸಾರವಾಗುತ್ತಿದೆ. ಇದರಲ್ಲಿ ಯಾವುದಾದರೊಂದು ಮುಕ್ತಾಯವಾದ ಬಳಿಕವಷ್ಟೇ ಸರಿಗಮಪ ಸೀಸನ್​ 20 ಪ್ರಾರಂಭವಾಗಬಹುದು. ಬಹುಶಃ ಡ್ಯಾನ್ಸ್​ ಕರ್ನಾಟಕ ಡ್ಯಾನ್ಸ್​ ಕೊನೆಗೊಂಡ ಬಳಿಕ ಸಂಗೀತ ಕಾರ್ಯಕ್ರಮ ಶುರುವಾಗಲಿದೆ. ಏಕೆಂದರೆ ಇದರಲ್ಲಿ ತೀರ್ಪುಗಾರರಾಗಿರುವ ಅರ್ಜುನ್​ ಜನ್ಯ ಹಾಗೂ ನಿರೂಪಕಿ ಅನುಶ್ರೀ ಸರಿಗಮಪದಲ್ಲೂ ಇದೇ ಸ್ಥಾನವನ್ನು ತುಂಬಲಿದ್ದಾರೆ. ಶೀಘ್ರದಲ್ಲೇ ವಿದೇಶದಲ್ಲಿ ಸರಿಗಮಪ ಸೀಸನ್​ 20ರ ಆಡಿಷನ್​ ನಡೆಯಲಿದ್ದು, ಯಾವಾಗ ಪ್ರಸಾರವಾಗಲಿದೆ ಅನ್ನೋದನ್ನು ಕಾದು ನೋಡಬೇಕಿದೆ.

ಇದನ್ನೂ ಓದಿ: ಶ್ರೇಷ್ಠ ಸಾಹಿತಿ ರವೀಂದ್ರನಾಥ್​ ಠಾಗೋರ್​ ಪಾತ್ರದಲ್ಲಿ ಅನುಪಮ್​ ಖೇರ್​: ಹಿರಿಯ ನಟನ 538ನೇ ಸಿನಿಮಾ!