13 ವರ್ಷಗಳ ನಂತರ ಐಟಿ ಉದ್ಯೋಗಿಯಾದ ಸಮಂತಾ: 'ಖುಷಿ' ಪೋಸ್ಟರ್​ ರಿಲೀಸ್​ ​

'ಖುಷಿ' ಚಿತ್ರತಂಡ ಹೊಸ ಪೋಸ್ಟರ್​ ರಿಲೀಸ್​ ಮಾಡಿದ್ದು, ಸಮಂತಾ ಐಟಿ ಉದ್ಯೋಗಿ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ.

ಸೌತ್​ ಬ್ಯೂಟಿ ಸಮಂತಾ ರುತ್​ ಪ್ರಭು ಮತ್ತು ಹ್ಯಾಂಡ್ಸಮ್​ ಕಿಂಗ್​ ವಿಜಯ್​ ದೇವರಕೊಂಡ ಅಭಿನಯದ 'ಖುಷಿ' ಸಿನಿಮಾ ತಯಾರಾಗುತ್ತಿದೆ. ಈ ಚಿತ್ರದಲ್ಲಿ ಸ್ಯಾಮ್​ ಐಟಿ ಉದ್ಯೋಗಿ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಸುಮಾರು 13 ವರ್ಷಗಳ ಹಿಂದೆ ತೆರೆಕಂಡ 'ಏ ಮಾಯ ಚೇಸಾವೆ' ಚಿತ್ರದಲ್ಲಿ ಸಮಂತಾ ಇದೇ ರೀತಿಯ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದರು. 2010 ರಲ್ಲಿ ಈ ಚಿತ್ರದಲ್ಲಿ ನಾಗ ಚೈತನ್ಯಗೆ ಜೋಡಿಯಾಗಿ ನಟಿಸುವ ಮೂಲಕ ಸ್ಯಾಮ್​ ಖ್ಯಾತಿ ಗಳಿಸಿದರು. ಮೇಲಾಗಿ ಈ ಸಿನಿಮಾ ಸೂಪರ್​ ಹಿಟ್​ ಆಗಿತ್ತು. ಸಾಫ್ಟ್​ವೇರ್​ ಉದ್ಯೋಗಿ ಪಾತ್ರದಲ್ಲಿ ಮಿಂಚಿದ್ದ ಸ್ಯಾಮ್​, 'ಖುಷಿ' ಚಿತ್ರದಲ್ಲೂ ಅಷ್ಟೇ ರಂಜಿಸುತ್ತಾರಾ ಎಂದು ಅಭಿಮಾನಿಗಳು ಕಾತುರದಿಂದ ಕಾಯುತ್ತಿದ್ದಾರೆ.

ಏಪ್ರಿಲ್​ 28ರಂದು (ನಿನ್ನೆ) ಸಮಂತಾ ಹುಟ್ಟುಹಬ್ಬ ಆಚರಿಸಿಕೊಂಡಿದ್ದರು. ಈ ವಿಶೇಷ ದಿನದಂದು 'ಖುಷಿ' ಚಿತ್ರತಂಡ ಸಿನಿಮಾದ ಪೋಸ್ಟರ್​ ಬಿಡುಗಡೆಗೊಳಿಸಿದ್ದರು. ಚಿತ್ರದಲ್ಲಿ ಸ್ಯಾಮ್​ ಐಟಿ ಉದ್ಯೋಗಿಯಾಗಿ ಕಾಣಿಸುತ್ತಿದ್ದಾರೆ. ಈ ಪೋಸ್ಟರ್​ ನೋಡಿದ ನಂತರ ಅಭಿಮಾನಿಗಳು ಸಮಂತಾ ಅಭಿನಯದ 'ಏ ಮಾಯ ಚೇಸಾವೆ ನೆನಪಿಗೆ ಬರುತ್ತಿದೆ' ಎಂದು ಕಮೆಂಟ್​ ಮಾಡುತ್ತಿದ್ದಾರೆ. ಏಕೆಂದರೆ, ಇದರಲ್ಲಿಯೂ ಸಮಂತಾ ಸಾಫ್ಟ್​ವೇರ್​ ಉದ್ಯೋಗಿಯಾಗಿ ನಟಿಸಿದ್ದಾರೆ. ಬಿಡುಗಡೆಯಾಗಿರುವ ಹೊಸ ಪೋಸ್ಟರ್​ ಸಿನಿ ಪ್ರೇಕ್ಷಕರ ಮನ ಮುಟ್ಟುವಲ್ಲಿ ಯಶಸ್ವಿಯಾಗಿದೆ.

• Team #Kushi wishes the bundle of joy @Samanthaprabhu2, a very Happy Birthday ❤️
  
  Keep spreading more kindness and happiness all around 🤩❤️@TheDeverakonda @ShivaNirvana @HeshamAWMusic @prawinpudi pic.twitter.com/F032oORuTH

  — Mythri Movie Makers (@MythriOfficial) April 28, 2023 " class="align-text-top noRightClick twitterSection" data="

  Team #Kushi wishes the bundle of joy @Samanthaprabhu2, a very Happy Birthday ❤️
  
  Keep spreading more kindness and happiness all around 🤩❤️@TheDeverakonda @ShivaNirvana @HeshamAWMusic @prawinpudi pic.twitter.com/F032oORuTH

  — Mythri Movie Makers (@MythriOfficial) April 28, 2023

  ">

  Team #Kushi wishes the bundle of joy @Samanthaprabhu2, a very Happy Birthday ❤️
  
  Keep spreading more kindness and happiness all around 🤩❤️@TheDeverakonda @ShivaNirvana @HeshamAWMusic @prawinpudi pic.twitter.com/F032oORuTH

  — Mythri Movie Makers (@MythriOfficial) April 28, 2023

ಕೆಲವು ದಿನಗಳ ಹಿಂದೆ ವಿಜಯ್​ ದೇವರಕೊಂಡ ಮತ್ತು ಸಮಂತಾ ನಡುವಿನ ಕೆಲವು ದೃಶ್ಯಗಳನ್ನು ಹೈದರಾಬಾದ್​ನ ದುರ್ಗಂ ಕೆರೆ ಬಳಿ ಇರುವ ಹಲವು ಐಟಿ ಕಂಪೆನಿಗಳಲ್ಲಿ ಚಿತ್ರೀಕರಿಸಲಾಗಿದೆ. 'ಏ ಮಾಯ ಚೇಸಾವೆ' ನಂತರ ಪೂರ್ಣ ಪ್ರಮಾಣದ ಐಟಿ ಉದ್ಯೋಗಿಯಾಗಿ ಸಮಂತಾ 'ಖುಷಿ'ಯಲ್ಲಿ ಮಿಂಚಲಿದ್ದಾರೆ. 'ಖುಷಿ' ಚಿತ್ರಕ್ಕೆ ಹಿಶಾಮ್​ ಅಬ್ದುಲ್​ ವಹಾಬ್​ ಸಂಗೀತ ನೀಡಿದ್ದಾರೆ.

ಇದನ್ನೂ ಓದಿ: ಅಮೆಜಾನ್ ಪ್ರೈಮ್​ನಲ್ಲಿ ಆ್ಯಕ್ಷನ್ ಥ್ರಿಲ್ಲರ್ ವೆಬ್ ಸರಣಿ ಸಿಟಾಡೆಲ್ ಬಿಡುಗಡೆ

ಮಲಯಾಳಂ ನಟ ಜಯರಾಮ್​, ಮರಾಠಿ ನಟ ಸಚಿನ್​ ಖಡೇಕರ್​ ಮುಂತಾದವರು ಈ ಚಿತ್ರದಲ್ಲಿ ನಟಿಸುತ್ತಿದ್ದಾರೆ. ಸೆಪ್ಟೆಂಬರ್​ 1ರಂದು ಪ್ಯಾನ್​ ಇಂಡಿಯಾ ಮಟ್ಟದಲ್ಲಿ ಸಿನಿಮಾ ಬಿಡುಗಡೆಯಾಗಲಿದೆ ಎಂದು ಚಿತ್ರತಂಡ ಘೋಷಿಸಿದೆ. ಮೈತ್ರಿ ಮೂವಿ ಬ್ಯಾನರ್​ ಅಡಿಯಲ್ಲಿ ತಯಾರಾಗುತ್ತಿರುವ ಈ ಚಿತ್ರವನ್ನು ಮಜಿಲಿ ಹಿಟ್​ ನಿರ್ದೇಶಕ ಶಿವ ನರ್ವಣ ನಿರ್ದೇಶಿಸುತ್ತಿದ್ದಾರೆ. ನವೀನ್​ ಯೆರ್ನೇನಿ ಮತ್ತು ಯಲಮಂಚಿಲಿ ಜಂಟಿಯಾಗಿ ನಿರ್ಮಿಸುತ್ತಿದ್ದಾರೆ.

ಅರ್ಜುನ್​ ರೆಡ್ಡಿ, ಗೀತ ಗೋವಿಂದಂ, ಡಿಯರ್​ ಕಾಮ್ರೇಡ್​ ಮತ್ತು ಲೈಗರ್​ ಸಿನಿಮಾ ಮೂಲಕ ವಿಜಯ್​ ದೇವರಕೊಂಡ ಸೌತ್​ನಲ್ಲಿ ಅಪಾರ ಕ್ರೇಜ್​ ಗಳಿಸಿದ್ದರು. ಮತ್ತೊಂದೆಡೆ ದಿ ಫ್ಯಾಮಿಲಿ ಮ್ಯಾನ್​ ವೆಬ್​ ಸರಣಿಯ ಎರಡನೇ ಸೀಸನ್​ ಮೂಲಕ ಸಮಂತಾ ಉತ್ತರದ ಪ್ರೇಕ್ಷಕರಿಗೆ ಪರಿಚಯಿಸಲ್ಪಟ್ಟರು ಮತ್ತು ನಟನೆಗೆ ಉತ್ತಮ ಹೆಸರು ಪಡೆದರು.

ಅಲ್ಲದೇ ಯಶೋಧಾ ಪ್ಯಾನ್​ ಇಂಡಿಯಾ ಯಶಸ್ಸನ್ನು ಸಾಧಿಸಿದೆ. ಇವರಿಬ್ಬರ ಕಾಂಬಿನೇಷನ್​ನಲ್ಲಿ ಸಿನಿಮಾ ಬರುತ್ತಿರುವುದರಿಂದ 'ಖುಷಿ' ಚಿತ್ರಕ್ಕೆ ಒಳ್ಳೆ ಹೈಪ್​ ಕ್ರಿಯೇಟ್​ ಆಗಿದೆ. ಇನ್ನೂ ಜನಪ್ರಿಯ ಓಟಿಟಿ ಫ್ಲಾಟ್​ಫಾರ್ಮ್​ ಅಮೆಜಾನ್​ ಪ್ರೈಮ್​ಗಾಗಿ ತಯಾರಾಗುತ್ತಿರುವ ಸಿಟಾಡೆಲ್​ ವೆಬ್​ ಸರಣಿಯ ಚಿತ್ರೀಕರಣಕ್ಕಾಗಿ ಸಮಂತಾ ಪ್ರಸ್ತುತ ಲಂಡನ್​ನಲ್ಲಿದ್ದಾರೆ. ಈ ಸೀರೀಸ್​ನಲ್ಲಿ ಸ್ಯಾಮ್​ ಬಾಲಿವುಡ್ ನಟ ವರುಣ್​ ಧವನ್​ಗೆ ಜೋಡಿಯಾಗಿದ್ದಾರೆ. ಸಮಂತಾ ತಮ್ಮ ಜನ್ಮದಿನದಂದು ಕೂಡ ಶೂಟಿಂಗ್​ನಲ್ಲಿ ಬ್ಯುಸಿಯಾಗಿದ್ದರು.

ಇದನ್ನೂ ಓದಿ: ಕಾಂಗ್ರೆಸ್​ ಸೇರಿದ ಗೀತಾ ಶಿವರಾಜ್​ಕುಮಾರ್​ಗೆ​ ಶುಭ ಹಾರೈಸಿದ ಬಿಜೆಪಿ ಸ್ಟಾರ್ ಪ್ರಚಾರಕ ಸುದೀಪ್