ಭಾರತೀಯ ಚಿತ್ರರಂಗದ ಟಾಪ್ ನಿರ್ದೇಶಕ ರಾಜಮೌಳಿ ಅವರ ಚಿತ್ರಗಳು ಪ್ರಪಂಚದಾದ್ಯಂತ ಸುದ್ದಿ ಮಾಡುತ್ತಿದೆ. ಈಗಾಗಲೇ 'ಈಗ' ಮತ್ತು 'ಬಾಹುಬಲಿ' ಚಿತ್ರಗಳು ಹಲವು ದೇಶಗಳಲ್ಲಿ ಬಿಡುಗಡೆಯಾಗಿ ಜನಪ್ರಿಯಗೊಂಡಿವೆ. 'ಬಾಹುಬಲಿ' ಜಪಾನ್ಗೆ ಭಾಷಾಂತರಗೊಂಡಿದೆ ಮತ್ತು ಹೆಚ್ಚಿನ ಜನಪ್ರಿಯತೆಯನ್ನೂ ಗಳಿಸಿದೆ.
ಸದ್ಯ ಸುದ್ದಿಯಲ್ಲಿರುವ 'ಆರ್ಆರ್ಆರ್' ಈಗಾಗಲೇ OTT ಪ್ಲಾಟ್‌ಫಾರ್ಮ್‌ಗೆ ಎಂಟ್ರಿ ಕೊಟ್ಟು ಪ್ರಪಂಚದಾದ್ಯಂತ ಪ್ರೇಕ್ಷಕರನ್ನು ರಂಜಿಸುತ್ತಿದೆ. ಇನ್ನೆರಡು ದಿನಗಳಲ್ಲಿ ಜಪಾನ್ನ ಚಿತ್ರಮಂದಿರಗಳಲ್ಲಿ ಆರ್ಆರ್ಆರ್ ತೆರೆಕಾಣಲಿದೆ.
ಇತ್ತೀಚೆಗೆ ಅಮೆರಿಕದ ಅನೇಕ ಸ್ಥಳಗಳಲ್ಲಿ ಆರ್ಆರ್ಆರ್ ವಿಶೇಷ ಪ್ರದರ್ಶನಗಳನ್ನು ಆಯೋಜಿಸಲಾಗಿತ್ತು. ನಿರ್ದೇಶಕ ರಾಜಮೌಳಿ ಕೂಡ ಆ ಕಾರ್ಯಕ್ರಮಗಳಿಗೆ ಹಾಜರಾಗಿದ್ದರು. ಜೊತೆಗೆ ಪ್ರೇಕ್ಷಕರ ಪ್ರತಿಕ್ರಿಯೆಯನ್ನು ಪಡೆದರು. ಆಸ್ಕರ್ ಪ್ರಶಸ್ತಿಯ ರೇಸ್‌ನಲ್ಲಿರುವ ಈ ಚಿತ್ರಕ್ಕೆ ಅಮೆರಿಕದಲ್ಲಿ ವ್ಯಾಪಕ ಪ್ರಚಾರ ಸಿಕ್ಕಿದೆ.
ಇದನ್ನೂ ಓದಿ: ಭಾರತದ ಟಾಪ್ 250 ಸಿನಿಮಾಗಳ ಪಟ್ಟಿಯಲ್ಲಿ ನಂ.1 ಸ್ಥಾನ ಪಡೆದ ಕಾಂತಾರ!
ಜಪಾನ್ನಲ್ಲಿ ಆರ್ಆರ್ಆರ್ನ ರಾಮ್ ಮತ್ತು ಭೀಮ್‌ನ ಸದ್ದು ಶುರುವಾಗಲಿದೆ. ಇದೇ ತಿಂಗಳ 21 ರಂದು ಜಪಾನ್ನಲ್ಲಿ ಆರ್ಆರ್ಆರ್ ಬಿಡುಗಡೆಯಾಗುತ್ತಿದೆ. ಈ ಹಿನ್ನೆಲೆ ಜೂನಿಯರ್ ಎನ್ಟಿಆರ್, ರಾಮ್ ಚರಣ್ ತೇಜ್, ಮತ್ತು ರಾಜಮೌಳಿ ಪ್ರಚಾರಕ್ಕಾಗಿ ಜಪಾನ್ಗೆ ತೆರಳಿದ್ದಾರೆ.
