ನ್ಯಾಷನಲ್ ಕ್ರಶ್ ರಶ್ಮಿಕಾ ಮಂದಣ್ಣ ಬಹುಭಾಷಾ ತಾರೆಯಾಗಿ ಮಿಂಚುತ್ತಿದ್ದಾರೆ. ಹಲವು ಪ್ರಾಜೆಕ್ಟ್ಗಳನ್ನು ಕೈಗೆತ್ತಿಕೊಂಡಿರುವ ಈ ಚೆಲುವೆ ಶೂಟಿಂಗ್ ವಿಚಾರವಾಗಿ ಫುಲ್ ಬ್ಯುಸಿಯಾಗಿದ್ದಾರೆ. ಹೀಗಾಗಿ ಬಹಳ ದಿನಗಳ ನಂತರ ಸೋಶಿಯಲ್ ಮೀಡಿಯಾದಲ್ಲಿ ನಟಿ ಪೋಸ್ಟ್ ಶೇರ್ ಮಾಡಿಕೊಂಡಿದ್ದಾರೆ. ಫೋಟೋ ಮತ್ತು ವಿಡಿಯೋ ಸೇರಿದಂತೆ ಒಂದೇ ಬಾರಿಗೆ ಸುಮಾರು 10 ಪೋಸ್ಟ್ ಹಂಚಿಕೊಂಡಿದ್ದು, ಉದ್ದನೆಯ ಶೀರ್ಷಿಕೆಯನ್ನು ಬರೆದಿದ್ದಾರೆ.
'ಪುಷ್ಪ' ನಟಿ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಸುಂದರವಾದ ಫೋಟೋಗಳ ಜೊತೆ ವಿಡಿಯೋಗಳನ್ನು ಕೈ ಬಿಟ್ಟಿದ್ದಾರೆ. "ಕ್ಷಮಿಸಿ ಸ್ನೇಹಿತರೇ, ನಾನು ಸ್ವಲ್ಪ ದಿನ ಕಾಣೆಯಾಗಿದ್ದೆ. ನಾವು ಹೆಚ್ಚಾಗಿ ನೆಟ್ವರ್ಕ್ ಇಲ್ಲದ ಪ್ರದೇಶದಲ್ಲಿ ಶೂಟಿಂಗ್ ಮಾಡುತ್ತಿದ್ದೆವು. ನಮ್ಮ 'ರೈನ್ಬೋ' ಮೊದಲ ಹಂತದ ಶೆಡ್ಯೂಲ್ ಮುಕ್ತಾಯಗೊಂಡಿದೆ. ನಿಮ್ಮ ಕಠಿಣ ಪರಿಶ್ರಮಕ್ಕೆ ಧನ್ಯವಾದಗಳು ರೈನ್ಬೋ ತಂಡ, ನೀವು ನಿಜಕ್ಕೂ ಅದ್ಭುತ" ಎಂದು ಕ್ಯಾಪ್ಶನ್ ಬರೆದಿದ್ದು, ಬಳಿಕ ಸಾಲು ಸಾಲು ಚಿತ್ರಗಳ ಬಗ್ಗೆ ರಶ್ಮಿಕಾ ಹೇಳಿದ್ದಾರೆ.
ಮೊದಲನೆಯದು ಶೂಟಿಂಗ್ ಮುಗಿಸಿ ನಿನ್ನೆ ಪ್ಯಾಕ್ ಅಪ್ ಮಾಡುವ ಮೊದಲು ನಟ ದೇವಮೋಹನ್ ಜೊತೆ ಸೆಲ್ಫಿ ಕ್ಲಿಕ್ಕಿಸಿಕೊಂಡಿದ್ದಾರೆ. ಎರಡನೆಯದು ಇಡೀ 'ರೈನ್ಬೋ' ಚಿತ್ರತಂಡದ ಫೋಟೋ. ಮೂರನೆಯದು ಮುನ್ನಾರ್ ಸ್ಥಳದ ಸುಂದರ ನೋಟ. ನಾಲ್ಕನೆಯದು ವಿಡಿಯೋ ಆಗಿದ್ದು, ರಶ್ಮಿಕಾ ತಾವಿದ್ದ ಕೋಣೆಯಿಂದ ಬ್ಯೂಟಿಫುಲ್ ಪರಿಸರವನ್ನು ಕ್ಯಾಪ್ಚರ್ ಮಾಡಿದ್ದಾರೆ.
- " class="align-text-top noRightClick twitterSection" data="
">
ಐದನೆಯದು ಅವರು ತೆಗೆದ ಸುಂದರವಾದ ಹೂವಿನ ಚಿತ್ರ. ಆರನೆಯ ಫೋಟೋ ಮುನ್ನಾರ್ ಕೊಡೈಕೆನಾಲ್ನಲ್ಲಿ ಸೂರ್ಯೋದಯವಾಗುತ್ತಿರುವುದು. ಏಳನೆಯದ್ದು ರಶ್ಮಿಕಾ ವರ್ಕೌಟ್ ಮಾಡುವ ವಿಡಿಯೋ ಆಗಿದೆ. ಮತ್ತೆರಡು ಫೋಟೋಗಳು ಅವರ ಅಮ್ಮ ಮತ್ತು ತಂಗಿಯ ಜೊತೆಗಿರುವುದು. ಕೊನೆಯದು ಅವರದ್ದೇ ಒಂದು ಕ್ಯೂಟ್ ವಿಡಿಯೋ ಆಗಿದ್ದು, ಒಟ್ಟಿಗೆ ಹತ್ತು ಪೋಸ್ಟ್ ಹಂಚಿಕೊಂಡಿದ್ದಾರೆ.
ಇದನ್ನೂ ಓದಿ: 'ಮಗುವನ್ನು ಹೊಂದುವ ಆಸೆಯಿತ್ತು'.. ಮದುವೆ, ಮಕ್ಕಳ ಬಗ್ಗೆ ಮಾತನಾಡಿದ ಬಾಲಿವುಡ್ ಬ್ಯಾಚುಲರ್ ಸಲ್ಲು
ಇದನ್ನು ಕಂಡ ಅಭಿಮಾನಿಗಳು ಫೋಟೋಗಳ ಮೇಲೆ ಪ್ರೀತಿಯ ಸುರಿಮಳೆಯನ್ನೇ ಹರಿಸಿದ್ದಾರೆ. ಈವರೆಗೆ ರಶ್ಮಿಕಾ ಹೊಸ ಪೋಸ್ಟ್ ಒಂದೂವರೆ ಲಕ್ಷಕ್ಕೂ ಹೆಚ್ಚು ಲೈಕ್ಸ್ಗಳನ್ನು ಪಡೆದುಕೊಂಡಿದ್ದು, ನಾಲ್ಕೂವರೆ ಸಾವಿರ ಕಮೆಂಟ್ಗಳು ಬಂದಿವೆ. ಅವರ ಫ್ಯಾನ್ಸ್ ನಟಿಯ ಸಿನಿಮಾಗೆ ಆಲ್ ದಿ ಬೆಸ್ಟ್ ಹೇಳಿದ್ದಾರೆ. ಜೊತೆಗೆ ಇಷ್ಟು ದಿನ ನಿಮ್ಮನ್ನು ಮಿಸ್ ಮಾಡಿಕೊಂಡೆವು ಎಂದು ಬೇಸರ ವ್ಯಕ್ತಪಡಿಸಿದ್ದಾರೆ. ನಿಮ್ಮ ಮುಂದಿನ ಸಿನಿಮಾಗಳಿಗಾಗಿ ನಾವು ಕಾಯುತ್ತಿದ್ದೇವೆ ಎಂದು ಹೇಳಿದ್ದಾರೆ. ಕೆಲವರು ತಮಗೆ ಇಷ್ಟವಾದ ಫೋಟೋವನ್ನು ಕಮೆಂಟ್ ಮೂಲಕ ತಿಳಿಸಿದ್ದಾರೆ.
ಇನ್ನೂ ಶಂತರುಬನ್ ಚಿತ್ರಕಥೆ ಬರೆದು ನಿರ್ದೇಶಿಸಿದ 'ರೈನ್ಬೋ' ಸ್ತ್ರೀ ಪ್ರಧಾನ ಪಾತ್ರದಲ್ಲಿ ಮೊದಲ ಬಾರಿಗೆ ರಶ್ಮಿಕಾ ನಟಿಸುತ್ತಿದ್ದಾರೆ. ರಶ್ಮಿಕಾ ಎದುರು ನಟ ದೇವ್ ಮೋಹನ್ ಹೀರೋ ಆಗಿ ಕಾಣಿಸಿಕೊಳ್ಳಲಿದ್ದಾರೆ. ಕೆಎಂ ಭಾಸ್ಕರನ್ ಛಾಯಾಗ್ರಹಣ, ಜಸ್ಟೀನ್ ಪ್ರಭಾಕರನ್ ಸಂಗೀತ ನಿರ್ದೇಶನ ಚಿತ್ರಕ್ಕೆ ಇರಲಿದೆ. ಡ್ರೀಮ್ ವಾರಿಯರ್ ಪಿಕ್ಚರ್ಸ್ ಬ್ಯಾನರ್ ಅಡಿಯಲ್ಲಿ ಈ ಸಿನಿಮಾ ನಿರ್ಮಾಣವಾಗಲಿದೆ. ರೈನ್ಬೋ ಒಂದು ರೀತಿಯ ರೊಮ್ಯಾಂಟಿಕ್ ಫ್ಯಾಂಟಸಿ ಚಿತ್ರವಾಗಿದೆ. ಈ ಸಿನಿಮಾವು ತೆಲುಗು ಮತ್ತು ತಮಿಳು ಭಾಷೆಯಲ್ಲಿ ಮೂಡಿಬರಲಿದೆ.
ವಿಕ್ಕಿ ಕೌಶಲ್ ಜೊತೆ ರಶ್ಮಿಕಾ ಸಿನಿಮಾ: ಬಾಲಿವುಡ್ ನಟ ವಿಕ್ಕಿ ಕೌಶಲ್ ಜೊತೆ ರಶ್ಮಿಕಾ ಮಂದಣ್ಣ ಸಿನಿಮಾ ಮಾಡಲಿದ್ದಾರೆ. ಚಾನ್ವಾ ಎಂದು ಚಿತ್ರಕ್ಕೆ ಹೆಸರಿಡಲಾಗಿದ್ದು, ವಿಕ್ಕಿ ಪತ್ನಿಯಾಗಿ ರಶ್ಮಿಕಾ ಕಾಣಿಸಿಕೊಳ್ಳಲಿದ್ದಾರೆ. ದಿನೇಶ್ ವಿಜನ್ ಈ ಚಿತ್ರವನ್ನು ನಿರ್ಮಿಸಲಿದ್ದಾರೆ. ಈ ಜೋಡಿ ಹಿಂದೆ ಜಾಹೀರಾತು ಒಂದರಲ್ಲಿ ಜೊತೆಯಾಗಿ ಕಾಣಿಸಿಕೊಂಡಿದ್ದರು. ಇದೀಗ ಇಬ್ಬರು ಜೊತೆಯಾಗಿ ಸಿನಿಮಾ ಮಾಡುತ್ತಿದ್ದು, ಅಭಿಮಾನಿಗಳು ಸಖತ್ ಖುಷಿಯಾಗಿದ್ದಾರೆ. ಈ ಸಿನಿಮಾದ ಬಗ್ಗೆ ಇನ್ನಷ್ಟು ಮಾಹಿತಿ ನಿರೀಕ್ಷಿಸಲಾಗಿದೆ.
ಇದನ್ನೂ ಓದಿ: 'ಐಶ್ವರ್ಯಾ ರೈಗೆ ಸಿನಿಮಾಗಳಲ್ಲಿ ನಟಿಸಲು ಬಿಡಿ': ಅಭಿಮಾನಿ ಮಾತಿಗೆ ಅಭಿಷೇಕ್ ಉತ್ತರ ಹೀಗಿತ್ತು
