ಬಾಲಿವುಡ್ ಸ್ಟಾರ್ ದಂಪತಿ ರಣ್ವೀರ್ ಸಿಂಗ್ ಮತ್ತು ದೀಪಿಕಾ ಪಡುಕೋಣೆ ನಡುವೆ ಮನಸ್ತಾಪ ಇದೆ ಎಂಬ ವದಂತಿ ಸಾಮಾಜಿಕ ಜಾಲತಾಣದಲ್ಲಿ ಸದ್ದು ಮಾಡಿದಾಗಿನಿಂದ ಈ ಜೋಡಿ ಒಬ್ಬರಿಗೊಬ್ಬರು ಸಮಯ ನೀಡುತ್ತಿದ್ದಾರೆ. ಒಟ್ಟಿಗೆ ಸಮಯ ಕಳೆದಿರುವ ಫೋಟೋ ಶೇರ್ ಮಾಡಿಕೊಳ್ಳುವ ಮೂಲಕ ವದಂತಿಗಳಿಗೆ ತೆರೆ ಎಳೆದಿದ್ದಾರೆ. ಇದೀಗ ಮತ್ತೊಮ್ಮೆ ರಣ್ವೀರ್-ದೀಪಿಕಾ ತಮ್ಮ ಹೊಸ ಫನ್ನಿ ಪೋಸ್ಟ್ ಮೂಲಕ ತಮ್ಮ ಸಂಬಂಧ ಏಳು ಜನ್ಮಗಳದ್ದು ಎಂಬುದನ್ನು ಸಾಬೀತು ಮಾಡಿದ್ದಾರೆ.
ಹೌದು, ನಟ ರಣ್ವೀರ್ ಸಿಂಗ್ ಅವರು ಸಾಮಾಜಿಕ ಮಾಧ್ಯಮದಲ್ಲಿ ಪತ್ನಿ, ನಟಿ ದೀಪಿಕಾ ಪಡುಕೋಣೆ ಅವರೊಂದಿಗಿನ ವಿಡಿಯೋ, ಫೋಟೋ ಹಂಚಿಕೊಂಡಿದ್ದಾರೆ. ಬೋಟ್ ರೈಡಿಂಗ್ ಎಂಜಾಯ್ ಮಾಡಿದ ಈ ಲವ್ಲಿ ಜೋಡಿ ಫೋಟೋಗಳಿಗೆ ಭಾರೀ ಮೆಚ್ಚುಗೆ ವ್ಯಕ್ತವಾಗುತ್ತಿದೆ.
ರಣ್ವೀರ್ ಸಿಂಗ್ ಎದುರು ದೀಪಿಕಾ ಕಪ್ಪು ಶಾರ್ಟ್ ಮತ್ತು ಬಿಳಿ ಟಿ ಶರ್ಟ್ ಧರಿಸಿ ಕುಳಿತಿದ್ದಾರೆ. ಅವರ ಮುಂದೆ ರಣ್ವೀರ್ ಪತ್ನಿ ದೀಪಿಕಾರ ವಿಡಿಯೋ ಮಾಡಿದ್ದಾರೆ. ವಿಡಿಯೋ ಹಂಚಿಕೊಂಡ ರಣ್ವೀರ್ ಸಿಂಗ್ ಕ್ಯೂಟಿ ಎಂದು ಶೀರ್ಷಿಕೆ ಕೊಟ್ಟಿದ್ದಾರೆ. ಈ ಮೂಲಕ ಹಲವು ಬಾರಿ ಸದ್ದು ಮಾಡಿದ ರಣ್ವೀರ್-ದೀಪಿಕಾ ಮನಸ್ತಾಪ ವದಂತಿಗೆ ಮತ್ತೊಮ್ಮೆ ಫುಲ್ಸ್ಟಾಪ್ ಇಟ್ಟಿದ್ದಾರೆ.
ಇದನ್ನೂ ಓದಿ: ಹುಟ್ಟುಹಬ್ಬವನ್ನು ಸ್ಮರಣೀಯವಾಗಿಸಿದ ಬಾಯ್ಫ್ರೆಂಡ್ ಹೃತಿಕ್ ರೋಷನ್ಗೆ ಧನ್ಯವಾದ ಹೇಳಿದ ಯುವ ನಟಿ ಸಬಾ ಆಜಾದ್
