ಬಾಲಿವುಡ್ ಮತ್ತೊಂದು ಮದುವೆಗೆ ಸಾಕ್ಷಿಯಾಗಲು ಸಜ್ಜಾಗುತ್ತಿದೆ. ಗಟ್ಟಿಮೇಳ ಬಾರಿಸಲು ಸಿದ್ಧತೆಗಳು ನಡೆಯುತ್ತಿವೆ. ಮಾರ್ಚ್ ತಿಂಗಳಿನಿಂದ ಬಾಲಿವುಡ್ ನಟಿ ಪರಿಣಿತಿ ಚೋಪ್ರಾ ಹೆಸರು ಆಮ್ ಆದ್ಮಿ ಪಕ್ಷದ ಸಂಸದ ರಾಘವ್ ಚಡ್ಡಾ ಅವರೊಂದಿಗೆ ಕೇಳಿಬರುತ್ತಿದೆ. ಡೇಟಿಂಗ್, ನಿಶ್ಚಿತಾರ್ಥ, ಮದುವೆ ವದಂತಿಗಳು ದಿನೇ ದಿನೆ ರೆಕ್ಕೆಪುಕ್ಕ ಪಡೆದುಕೊಳ್ಳುತ್ತಿದೆ.
- " class="align-text-top noRightClick twitterSection" data="
">
ಪರಿಣಿತಿ ರಾಘವ್ ನಿಶ್ಚಿತಾರ್ಥ: ಹೌದು, ಈ ಸುಂದರ ಜೋಡಿಯ ನಿಶ್ಚಿತಾರ್ಥ ಮತ್ತು ಮದುವೆಯ ವಿಷಯಗಳು ಮತ್ತೆ ಮತ್ತೆ ಮುನ್ನಲೆಗೆ ಬರುತ್ತಿವೆ. ಪರಿಣಿತಿ - ರಾಘವ್ ಮದುವೆಗೆ ಅಭಿಮಾನಿಗಳು ಕಾತರದಿಂದ ಕಾಯುತ್ತಿದ್ದಾರೆ. ಈ ಜೋಡಿ ಮಾತ್ರ ಯಾವುದೇ ಅಧಿಕೃತ ಘೋಷಣೆ ಮಾಡದೇ ತಮ್ಮ ಅಭಿಮಾನಿಗಳ ತಾಳ್ಮೆಯನ್ನು ಪರೀಕ್ಷಿಸುತ್ತಿದೆ. ಆದರೆ ಆಪ್ತ ಮೂಲಗಳ ಪ್ರಕಾರ ಪರಿಣಿತಿ ಮತ್ತು ರಾಘವ್ ಇದೇ ಮೇ.13ರಂದು ನಿಶ್ಚಿತಾರ್ಥ ಮಾಡಿಕೊಳ್ಳಲಿದ್ದಾರೆ.
ಇತ್ತೀಚೆಗಷ್ಟೇ ಈ ಜೋಡಿ ಮೊಹಾಲಿಯಲ್ಲಿ ಐಪಿಎಲ್ ಪಂದ್ಯವನ್ನು ಒಟ್ಟಿಗೆ ವೀಕ್ಷಿಸಿ ಎಂಜಾಯ್ ಮಾಡಿದ್ದು, ಫೋಟೋ ವಿಡಿಯೋಗಗಳು ಆನ್ಲೈನ್ನಲ್ಲಿ ಸದ್ದು ಮಾಡಿದೆ. ಪ್ರೇಕ್ಷಕರು ಪರಿಣಿತಿ ಚೋಪ್ರಾ ಅವರನ್ನು ಭಾಭಿ (ಅತ್ತಿಗೆ) ಎಂದು ಕರೆದಿದ್ದರು. ಅಂದು ಫೋಟೋ, ವಿಡಿಯೋಗಳು ಸಖತ್ ವೈರಲ್ ಆಗಿ, ಈ ಜೋಡಿ ಪ್ರೀತಿಯಲ್ಲಿರುವುದು ಖಚಿತ ಎಂದು ಬಹುತೇಕ ನಂಬಲಾಗಿದೆ.
ವದಂತಿಗಳ ನಡುವೆ ಪರಿಣಿತಿ ಪಾಪರಾಜಿಗಳ ಕ್ಯಾಮರಾಗಳಿಗೆ ಮತ್ತೊಮ್ಮೆ ಕಾಣಿಸಿಕೊಂಡಿದ್ದಾರೆ. ನಟಿ ಪರಿಣಿತಿ ಚೋಪ್ರಾ ಅವರ ಇಂದಿನ ಫೋಟೋ, ವಿಡಿಯೋಗಳು ಕೂಡ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿದ್ದು, ಈ ಬಗ್ಗೆ ನೆಟ್ಟಿಗರು ಕಾಮೆಂಟ್ ಮಾಡುತ್ತಿದ್ದಾರೆ.
ಕೂಲ್ ಲುಕ್ನಲ್ಲಿ ಪರಿಣಿತಿ ಚೋಪ್ರಾ: ವೈರಲ್ ಆಗಿರುವ ವಿಡಿಯೋಗಳಲ್ಲಿ ಪರಿಣಿತಿ ಕೂಲ್ ಲುಕ್ನಲ್ಲಿ ಕಾಣಿಸಿಕೊಂಡಿದ್ದಾರೆ. ಪರಿಣಿತಿ ಗುಲಾಬಿ ಬಣ್ಣದ ಸಿಂಪಲ್ ಗೌನ್ ಡ್ರೆಸ್‌ ಧರಿಸಿ, ಅದರ ಮೇಲೆ ದೊಡ್ಡ ಗಾತ್ರದ ವೈಟ್ ಶರ್ಟ್ ಧರಿಸಿದ್ದಾರೆ. ತೆರೆದ ಕೇಶರಾಶಿ, ಸನ್ಗ್ಲಾಸ್ ನಟಿಯ ಅಂದ ಹೆಚ್ಚಿಸಿತ್ತು. ಪಾಪರಾಜಿಗಳು ಎಂದಿನಂತೆ ಪರಿಣಿತಿ ಅವರಲ್ಲಿ ಮದುವೆ ಬಗ್ಗೆ ಪ್ರಶ್ನೆ ಎತ್ತಿದ್ದಾರೆ. ಕ್ಯಾಮರಾ ಮುಂದೆ ತಮ್ಮ ನಗು ನಿಯಂತ್ರಿಸಲು ನಟಿಗೆ ಸಾಧ್ಯವಾಗಿಲ್ಲ. ಇದೀಗ ಈ ವಿಡಿಯೋ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿದ್ದು, ಅಭಿಮಾನಿಗಳ ಪ್ರೀತಿಗೆ ಪಾತ್ರವಾಗಿದೆ.
ಇದನ್ನೂ ಓದಿ: ಮಧ್ಯಪ್ರದೇಶದಲ್ಲಿ 'ದಿ ಕೇರಳ ಸ್ಟೋರಿ' ತೆರಿಗೆ ಮುಕ್ತ: ಭಯಾನಕ ಸತ್ಯ ಬಹಿರಂಗಪಡಿಸುವ ಚಿತ್ರ ಎಂದ ಸಿಎಂ
ನಟಿಯ ವಿಡಿಯೋ ವೈರಲ್ ಆಗುತ್ತಿದೆ. ಅವರು ಧರಿಸಿದ್ದ ದೊಡ್ಡ ಗಾತ್ರದ ವೈಟ್ ಶರ್ಟ್ ಅಭಿಮಾನಿಗಳ ಗಮನ ಸೆಳೆದಿದೆ. ಈ ಹಿನ್ನೆಲೆ ಕಾಮೆಂಟ್ ಮೂಲಕ ನೆಟ್ಟಿಗರು ತಮ್ಮ ಅಭಿಪ್ರಾಯ ವ್ಯಕ್ತಪಡಿಸುತ್ತಿದ್ದಾರೆ. ರಾಘವ್ ಅವರ ಶರ್ಟ್ ಧರಿಸಿದ್ದಾರೆಂದು ಅಭಿಮಾನಿಗಳು ಕಾಮೆಂಟ್ ಮಾಡುತ್ತಿದ್ದಾರೆ. ಜೊತೆಗೆ ನಿಶ್ಚಿತಾರ್ಥ, ಮದುವೆ ಬಗ್ಗೆ ಮಾಹಿತಿ ಕೊಡುವಂತೆ ಅಭಿಮಾನಿಗಳು ಕೇಳಿಕೊಳ್ಳುತ್ತಿದ್ದಾರೆ. ಉಳಿದಂತೆ ಫೈಯರ್, ರೆಡ್ ಹಾರ್ಟ್ ಎಮೋಜಿ ಕಾಮೆಂಟ್ ವಿಭಾಗದಲ್ಲಿ ತುಂಬಿ ತುಳುಕುತ್ತಿದೆ.
ಇದನ್ನೂ ಓದಿ: ಇಳಿಕೆಯಾದ ಸಲ್ಮಾನ್ ಸಿನಿಮಾ ಗಳಿಕೆ: ಅದ್ಧೂರಿ ವೆಚ್ಚದಲ್ಲಿ ತಯಾರಾಗ್ತಿದೆ ಮುಂದಿನ ಚಿತ್ರ!
