ಬಾಲಿವುಡ್ ಸಿನಿಮಾಗಳಲ್ಲಿ ತೋರಿಸಲಾಗುವ ಅತಿಯಾದ ಪ್ರಣಯ ದೃಶ್ಯಗಳಿಗೆ ನಿರ್ಮಾಪಕಿ ಹಾಗೂ ನಿರ್ದೇಶಕಿ ಕಿರಣ್ ರಾವ್ ಅವರು ಅಸಮಾಧಾನ ವ್ಯಕ್ತಪಡಿಸಿದ್ದಾರೆ. ಇದಕ್ಕೆ ದಕ್ಷಿಣ ಭಾರತದ ಸೂಪರ್ಹಿಟ್ ಸಿನಿಮಾ ಬಾಹುಬಲಿ ಮತ್ತು ಬಾಲಿವುಡ್ನ ಕಬೀರ್ ಸಿಂಗ್ ಸಿನಿಮಾವನ್ನು ತಾಳೆಹಾಕಿ ಉದಾಹರಿಸಿದ್ದಾರೆ. ಎಸ್ಎಸ್ ರಾಜಮೌಳಿ ಸಿನಿಮಾಗೆ ಮೆಚ್ಚುಗೆಯನ್ನು ಸೂಚಿಸಿ, ಹಿಂದಿ ಚಿತ್ರಗಳಲ್ಲಿ ಅತೀ ಆಳವಾದ ಪ್ರಣಯವನ್ನು ಎತ್ತಿ ತೋರಿಸುವ ಪ್ರವೃತ್ತಿ ವಿರುದ್ಧ ಕಿಡಿಕಾರಿದ್ದಾರೆ.
- " class="align-text-top noRightClick twitterSection" data="">
2019ರಲ್ಲಿ ಬಿಡುಗಡೆಯಾದ ಸಂದೀಪ್ ರೆಡ್ಡಿ ವಾಂಗಾ ನಿರ್ದೇಶನದ ಕಬೀರ್ ಸಿಂಗ್ ಸಿನಿಮಾವನ್ನು ಪ್ರಮುಖ ಉದಾಹರಣೆಯಾಗಿ ತೆಗೆದುಕೊಂಡ ಅವರು, ಇಂತಹ ಸಿನಿಮಾಗಳು ಸಮಾಜಕ್ಕೆ ನೀಡುವ ಸಂದೇಶದ ಬಗ್ಗೆ ಕಳವಳ ವ್ಯಕ್ತಪಡಿಸಿದ್ದಾರೆ. ಬಾಲಿವುಡ್ನ ಕೆಲವು ಚಿತ್ರಗಳು ರೊಮ್ಯಾಂಟಿಕ್ ದೃಶ್ಯಗಳನ್ನು ತೀರಾ ಆಳವಾಗಿ ತೋರಿಸುತ್ತದೆ ಎಂದು ಟೀಕಿಸಿದ್ದಾರೆ. ಮತ್ತೊಂದೆಡೆ, ಎಸ್ಎಸ್ ರಾಜಮೌಳಿ ನಿರ್ದೇಶನದ ಬಾಹುಬಲಿ ಸಿನಿಮಾವನ್ನು ಉಲ್ಲೇಖಿಸಿದ ಅವರು, ಇದರಲ್ಲಿ ಬರುವ ರೊಮ್ಯಾಂಟಿಕ್ ಸೀನ್ಗಳಿಗೆ ಮೆಚ್ಚುಗೆ ಸೂಚಿಸಿದ್ದಾರೆ.
- " class="align-text-top noRightClick twitterSection" data="">
"ನಾನು ಆಕರ್ಷಕವಾಗಿ ಕಾಣುವ ಮತ್ತೊಂದು ಚಿತ್ರವೆಂದರೆ ಬಾಹುಬಲಿ: ದಿ ಬಿಗಿನಿಂಗ್. ಇದರಲ್ಲಿ ಮಹಿಳೆಯನ್ನು ತೋರಿಸಿದ ರೀತಿ ನಿಜಕ್ಕೂ ಮೆಚ್ಚುವಂತಹದ್ದು. ಚಿತ್ರದ ನಾಯಕಿ ಮರದಿಂದ ಮರಕ್ಕೆ ಜಿಗಿಯುತ್ತಾ ಯೋಧಳಂತೆ ಕಾಣುತ್ತಾಳೆ. ಅವಳನ್ನು ನಾಯಕ ಹಿಂಬಾಲಿಸುವುದು, ಅವಳ ಕೂದಲನ್ನು ಹಿಡಿಯುವಷ್ಟರಲ್ಲಿ ಆಕೆ ಮಾಯವಾಗುವುದು. ಈ ರೀತಿಯಾಗಿ ಪ್ರಣಯವನ್ನು ತೋರಿಸಿದ ಪರಿ ಅದ್ಭುತ. ನಾನು ಇದನ್ನು ಆಕರ್ಷಕವಾಗಿ ಕಾಣುತ್ತೇನೆ. ಇದು ಭಾರತೀಯ ಚಿತ್ರರಂಗದ ಬಹುದೊಡ್ಡ ಸಿನಿಮಾವಾಗಿದೆ" ಎಂದು ಹೇಳಿದ್ದಾರೆ.
ಇದನ್ನೂ ಓದಿ: 'ಬಾಹುಬಲಿ' ಖ್ಯಾತಿಯ ರಾಜಮೌಳಿ ಭೇಟಿಯಾದರೆ ಅಭಿಮಾನಿಗಳು ಭಾವಪರವಶರಾಗ್ತಾರೆ: ಅನುರಾಗ್ ಕಶ್ಯಪ್ ಸಂತಸ
ಬಾಹುಬಲಿ ಎರಡು ಭಾಗಗಳಲ್ಲಿ ತೆರೆಕಂಡಿತು. ಪ್ರಭಾಸ್ ಮತ್ತು ರಾಣಾ ದಗ್ಗುಬಾಟಿ ಮುಖ್ಯಭೂಮಿಕೆಯಲ್ಲಿ ನಟಿಸಿದ್ದಾರೆ. ಬಾಹುಬಲಿ: ದಿ ಬಿಗಿನಿಂಗ್ (2015) ಭಾರತದಲ್ಲಿ ಹಲವಾರು ಬಾಕ್ಸ್ ಆಫೀಸ್ ದಾಖಲೆಗಳನ್ನು ಮುರಿಯಿತು. ಬಾಹುಬಲಿ: ದಿ ಕನ್‌ಕ್ಲೂಷನ್ (2017) ಮೂಲಕ ರಾಜಮೌಳಿ ಹೊಸ ಇತಿಹಾಸವನ್ನೇ ಸೃಷ್ಟಿಸಿದರು. ಈ ಚಿತ್ರವು ಪ್ರಪಂಚದಾದ್ಯಂತ ಉತ್ತಮ ಪ್ರತಿಕ್ರಿಯೆಯನ್ನು ಪಡೆಯಿತು. ವಿಶೇಷವಾಗಿ ಜಪಾನ್ ಮತ್ತು ಚೀನಾದಲ್ಲಿ ಜನಪ್ರಿಯತೆಯನ್ನು ಗಳಿಸಿತು. ಈ ಚಿತ್ರವು ಕಾಲ್ಪನಿಕ ಸಾಮ್ರಾಜ್ಯವಾದ ಮಾಹಿಷ್ಮತಿಯ ಸಿಂಹಾಸನಕ್ಕಾಗಿ ಇಬ್ಬರು ಸೋದರ ಸಂಬಂಧಿಗಳ ನಡುವಿನ ಪೈಪೋಟಿಯನ್ನು ಬಗ್ಗೆ ತಿಳಿಸುವ ಕಥೆಯಾಗಿದೆ.
- " class="align-text-top noRightClick twitterSection" data="">
ನಿರ್ದೇಶಕಿ ಕಿರಣ್ ರಾವ್ ಅವರ ಇತ್ತೀಚೆಗಿನ ಚಿತ್ರ ಲಾಪತಾ ಲೇಡಿಸ್ ಅನ್ನು 2023ರ ಟೊರೊಂಟೊ ಅಂತಾರಾಷ್ಟ್ರೀಯ ಚಲನಚಿತ್ರೋತ್ಸವದಲ್ಲಿ ಪ್ರದರ್ಶಿಸಲಾಯಿತು. 2001ರಲ್ಲಿ ನಡೆಯುವ ಕಥೆ ಇದಾಗಿದ್ದು, ಗ್ರಾಮೀಣ ಭಾರತದಲ್ಲಿನ ಇಬ್ಬರು ವಧುಗಳು ಕಣ್ಮರೆಯಾಗುವ ಕಥಾಹಂದರ ಹೊಂದಿದೆ. ಚಿತ್ರದಲ್ಲಿ ನಿಶಾಂತಿ ಗೋಯೆಲ್, ಪ್ರತಿಭಾ ರಂತ, ಸ್ಪರ್ಶ ಶ್ರೀವಾಸ್ತವ, ಛಾಯಾ ಕದಂ ಮತ್ತು ರವಿ ಕಿಶನ್ ಸೇರಿದಂತೆ ಪ್ರತಿಭಾವಂತ ಕಲಾವಿದರಿದ್ದಾರೆ. ನಟ ಅಮೀರ್ ಖಾನ್ ಅವರ ಅಮೀರ್ ಖಾನ್ ಪ್ರೊಡಕ್ಷನ್ಸ್ ಮತ್ತು ಕಿರಣ್ ರಾವ್ ಅವರ ಕಿಂಡ್ಲಿಂಗ್ ಪ್ರೊಡಕ್ಷನ್ಸ್ ಅಡಿ ಚಿತ್ರ ನಿರ್ಮಾಣವಾಗಿದೆ.
ಇದನ್ನೂ ಓದಿ: ಬಾಹುಬಲಿ-ಮಹಿಷ್ಮತಿ ಅಧಿಪತ್ಯಕ್ಕೆ 7 ವರ್ಷದ ಸಂಭ್ರಮ; ಶೂಟಿಂಗ್ ಕ್ಷಣಗಳನ್ನ ನೆನೆದ ತಾರಾಬಳಗ
