ಮುಂಬೈ (ಮಹಾರಾಷ್ಟ್ರ): ಕಾಫಿ ವಿತ್ ಕರಣ್ನ ಏಳನೇ ಸೀಸನ್ಗೆ ಕರಣ್ ಜೋಹರ್ ಸಜ್ಜಾಗುತ್ತಿದ್ದಾರೆ. ಇದೇ ಸಮಯದಲ್ಲಿ ಅವರು ತಮ್ಮ ಆಪ್ತೆ ಮತ್ತು ನಟಿ ಆಲಿಯಾ ಭಟ್ ಗರ್ಭಿಣಿಯಾಗಿರುವ ಸುದ್ದಿಯನ್ನು ಕೇಳಿ ಕಣ್ಣೀರು ಹಾಕಿದ್ದಾರೆ. ಇನ್ನು ಕೆಲವರು ಮದುವೆ ಆಗಿ ಕೇವಲ ಎರಡೂವರೆ ತಿಂಗಳಿಗೆ ಆಲಿಯಾ ಗರ್ಭಿಣಿ ಆದ್ರಾ ಎಂದು ಆಶ್ಚರ್ಯವನ್ನೂ ಸಹ ವ್ಯಕ್ತಪಡಿಸಿದ್ದಾರೆ.
ಆಲಿಯಾ ನನ್ನ ಕಚೇರಿಗೆ ಬಂದು ಈ ವಿಷಯವನ್ನು ಹೇಳಿದಾಗ ನಾನು ಅತ್ತುಬಿಟ್ಟೆ. ಅದುವೇ ನನ್ನ ಮೊದಲ ರಿಯಾಕ್ಷನ್ ಆಗಿತ್ತು. ನನಗೆ ನೆನಪಿದೆ ಆ ದಿನ ನಾನು ಕೆಟ್ಟದಾಗಿ ಕೂದಲು ಬಿಟ್ಟಿದ್ದೆ. ನಾನು ಕ್ಯಾಪ್ ಧರಿಸಿ ಕುಳಿತುಕೊಂಡಿದ್ದೆ, ಆಗ ಆಲಿಯಾ ನನಗೆ ಈ ವಿಷಯ ಹೇಳಿದಳು. ನೀನು ತಾಯಿ ಆಗುತ್ತಿದ್ದೀಯಾ ಎಂಬುದನ್ನು ನನ್ನಿಂದ ನಂಬಲು ಸಾಧ್ಯವಾಗುತ್ತಿಲ್ಲ ಎಂದು ಹೇಳಿದೆ. ಇದು ತುಂಬಾ ಭಾವನಾತ್ಮಕ ವಿಷಯ ಎಂದು ಕರಣ್ ಹೇಳಿದರು.
ಆಕೆ ಚಿಕ್ಕ ಹುಡುಗಿ ಆಗಿದಾಗಿನಿಂದ ಹಿಡಿದು ಮಹೋನ್ನತ ಕಲಾವಿದೆ ಆಗುವವರೆಗೆ ನಾನು ನೋಡಿಕೊಂಡು ಬಂದಿದ್ದೇನೆ. ಆಕೆ 17 ವರ್ಷದವಳಾಗಿದ್ದಾಗಿನಿಂದ ನನ್ನ ಕಚೇರಿಗೆ ಬರುತ್ತಿದ್ದಾಳೆ. ಇಂದು ಆಕೆಗೆ 29 ವರ್ಷ. ಕಳೆದ 12 ವರ್ಷಗಳು ನಮ್ಮಿಬ್ಬರಿಗೂ ಮ್ಯಾಜಿಕಲ್ ಆಗಿತ್ತು. ಆಕೆಯ ಮಗುವನ್ನು ನನ್ನ ತೋಳುಗಳಲ್ಲಿ ಹಿಡಿದಿಡಲು ನಾನು ಕಾಯುತ್ತಿದ್ದೇನೆ. ನನ್ನ ಸ್ವಂತ ಮಗುವನ್ನೇ ಎತ್ತಿ ಮುದ್ದಾಡಲು ನಾನು ಕಾಯುತ್ತಿದ್ದೇನೆ ಎಂದು ಕರಣ್ ಜೋಹರ್ ಹೇಳಿದ್ದಾರೆ.
ಇದನ್ನೂ ಓದಿ: Tweet War on RRR movie: ರೆಸುಲ್ ಪೂಕುಟ್ಟಿ ವಿರುದ್ಧ ಕಿಡಿಕಾರಿದ ಕೀರವಾಣಿ, ಶೋಬು
