Jailer Collection: ವಿಶ್ವಾದ್ಯಂತ ಜೈಲರ್​ ಅಬ್ಬರ - 400 ಕೋಟಿ ಗಳಿಕೆಯತ್ತ ರಜಿನಿ ಸಿನಿಮಾ!

Jailer Box Office Collection: ರಜಿನಿಕಾಂತ್​ ಮುಖ್ಯಭೂಮಿಕೆಯ ಜೈಲರ್​ ಸಿನಿಮಾ ಭಾರತದಲ್ಲಿ ಈವರೆಗೆ 207.15 ಕೋಟಿ ರೂ. ಕಲೆಕ್ಷನ್​ ಮಾಡಿದೆ.

ಜಗತ್ತಿನಾದ್ಯಂತ ದೊಡ್ಡ ಸಂಖ್ಯೆಯ ಅಭಿಮಾನಿ ಬಳಗವನ್ನು ಸಂಪಾದಿಸಿರುವ ಸೂಪರ್​ ಸ್ಟಾರ್ ರಜಿನಿಕಾಂತ್​ ಅಭಿನಯದ ಜೈಲರ್​ ಸಿನಿಮಾ ನಿರೀಕ್ಷೆಗೂ ಮೀರಿ ಅಭೂತಪೂರ್ವ ಯಶಸ್ಸು ಕಂಡಿದೆ. ತೆರೆಕಂಡು ಆರು ದಿನಗಳಲ್ಲಿ ಭಾರತದಲ್ಲಿ 200 ಕೋಟಿ ರೂ. ಗಡಿ ದಾಟುವ ಮೂಲಕ ಬಾಕ್ಸ್​ ಆಫೀಸ್​ನಲ್ಲಿ ತನ್ನ ಸ್ಥಾನ ಭದ್ರಪಡಿಸಿಕೊಂಡಿದೆ. ಜಾಗತಿಕ ಬಾಕ್ಸ್​ ಆಫೀಸ್​ನಲ್ಲಿ ಶೀಘ್ರವೇ 400 ಕೋಟಿ ರೂ.ನ ಗಡಿ ದಾಟಲಿದೆ ಎಂಬ ವಿಶ್ವಾಸವಿದೆ.

400 ಕೋಟಿ ಗಡಿದಾಟಿದ ತಮಿಳು ಸಿನಿಮಾ: 400 ಕೋಟಿ ರೂ. ಗಡಿ ದಾಟಿದ ತಮಿಳು ಚಿತ್ರಗಳ ಕ್ಲಬ್​ಗೆ ಈ ಜೈಲರ್​ ಸಿನಿಮಾ ಸೇರಲಿದೆ. ರಜಿನಿಕಾಂತ್​ ಅಭಿನಯದ ಈ ಹಿಂದಿನ ರೋಬೋಟ್​ 2.0 ಮತ್ತು ಕಬಾಲಿ ಸೇರಿದಂತೆ ಪೊನ್ನಿಯಿನ್​ ಸೆಲ್ವನ್​​, ವಿಕ್ರಮ್​ ಸಿನಿಮಾಗಳು ಜಾಗತಿಕ ಬಾಕ್ಸ್​ ಆಫೀಸ್​ನಲ್ಲಿ 400 ಕೋಟಿ ರೂ. ಗಡಿ ದಾಟಿರುವ ಚಿತ್ರಗಳಾಗಿವೆ.

ದೇಶೀಯ ಬಾಕ್ಸ್​ ಆಫೀಸ್​ ಕಲೆಕ್ಷನ್​ ಸಂಖ್ಯೆ? ಸಿನಿಮಾ ಇಂಡಸ್ಟ್ರಿ ಟ್ಯಾಕರ್​​ ಸ್ಯಾಕ್ನಿಲ್ಕ್ ಪ್ರಕಾರ, ಜೈಲರ್​ ಸಿನಿಮಾ 6ನೇ ದಿನ ಅಂದರೆ ಸ್ವಾತಂತ್ರ್ಯ ದಿನಾಚರಣೆಯಂದು 33 ಕೋಟಿ ರೂ. ಗಳಿಸಿದೆ. ದೇಶೀಯ ಬಾಕ್ಸ್​ ಆಫೀಸ್​ ಕಲೆಕ್ಷನ್​ ಸಂಖ್ಯೆ 207.15 ಕೋಟಿ ರೂ.ಗೆ ಏರಿಕೆ ಕಂಡಿದೆ. ತಮಿಳುನಾಡಿನಲ್ಲೇ ಹೆಚ್ಚಿನ ಸಂಖ್ಯೆಯ ಪ್ರೇಕ್ಷಕರು (81.59) ಚಿತ್ರಮಂದಿರಕ್ಕೆ ಭೇಟಿ ಕೊಟ್ಟಿದ್ದಾರೆ.

ತಮಿಳುನಾಡಿನಲ್ಲಿ ಅತಿ ಹೆಚ್ಚು ಗಳಿಕೆ ಮಾಡಿದ ಚಲಚಿತ್ರ? ಬಾಕ್ಸ್​ ಆಫೀಸ್​ ಸಂಖ್ಯೆ ಗಮನಿಸಿದರೆ, ತಮಿಳುನಾಡಿನಲ್ಲಿ ಜೈಲರ್​ ಸಿನಿಮಾ ಪೊನ್ನಿಯಿನ್​ ಸೆಲ್ವನ್​​ ಪಾರ್ಟ್ 1 ಚಿತ್ರದ ಕಲೆಕ್ಷನ್​ ಏರಿಸುವ ಸಾಧ್ಯತೆ ಇದೆ. ಈ ಮೂಲಕ ಜೈಲರ್​ ಸಿನಿಮಾ ತಮಿಳುನಾಡಿನಲ್ಲಿ ಅತಿ ಹೆಚ್ಚು ಗಳಿಕೆ ಮಾಡಿದ ಚಲಚಿತ್ರವಾಗಿ ಹೊರಹೊಮ್ಮಲಿದೆ. ''ಜೈಲರ್​​ ಸಿನಿಮಾ ಪೊನ್ನಿಯಿನ್​ ಸೆಲ್ವನ್​​ ಪಾರ್ಟ್ 1 ಚಿತ್ರನ್ನು ಹಿಂದಿಕ್ಕುವ ಮೂಲಕ ತಮಿಳುನಾಡಿನಲ್ಲಿ ಅತಿ ಹೆಚ್ಚು ಗಳಿಕೆ ಮಾಡುವ ಸಿನಿಮಾವಾಗಲಿದೆ'' ಎಂದು ಸಿನಿ ಇಂಡಸ್ಟ್ರಿ ಟ್ಯಾಕರ್ ಮೆಶ್​ ಬಾಲಾ ತಿಳಿಸಿದ್ದಾರೆ.

ಟಾಲಿವುಡ್​ ಸೂಪರ್​ ಸ್ಟಾರ್ ಚಿರಂಜೀವಿ ಅವರ ಭೋಲಾ ಶಂಕರ್​ ಸಿನಿಮಾ ಬಾಕ್ಸ್​ ಆಫೀಸ್​ನಲ್ಲಿ ಹೆಚ್ಚು ಸದ್ದು ಮಾಡಲಿಲ್ಲ. ಈ ಹಿನ್ನೆಲೆ ದಕ್ಷಿಣ ಚಿತ್ರರಂಗದಲ್ಲಿ ಜೈಲರ್​ ತನ್ನ ವೇಗ ಉಳಿಸಿಕೊಳ್ಳಲು ಸಾಧ್ಯವಾಯಿತು. ಉತ್ತರ ಚಿತ್ರರಂಗದ ಮಾರುಕಟ್ಟೆಯಲ್ಲಿ ಸನ್ನಿ ಡಿಯೋಲ್​ ಅವರ ಗದರ್​ 2 ಭರ್ಜರಿ ಪ್ರದರ್ಶನ ನೀಡುತ್ತಿದ್ದು, ಜೈಲರ್​ ಪೈಪೋಟಿ ನಡೆಸುತ್ತಿದೆ. ಜೈಲರ್​ ಆಗಸ್ಟ್ 10 ರಂದು ತೆರೆಕಂಡರೆ, ಗದರ್ 2 ಆಗಸ್ಟ್ 11 ರಂದು ಬಿಡುಗಡೆ ಅಗಿದೆ. ​ಗದರ್ 2 ಭಾರತದಲ್ಲಿ 230 ಕೋಟಿ ರೂ. ಗಳಿಸುವಲ್ಲಿ ಯಶಸ್ವಿಯಾಗಿದೆ.

ಇದನ್ನೂ ಓದಿ: Gadar 2: ಹುಬ್ಬೇರಿಸುವಂತಿದೆ ಗದರ್​ 2 ಕಲೆಕ್ಷನ್ -​ ಸೂಪರ್​ಹಿಟ್​ ಸಿನಿಮಾ ವೀಕ್ಷಿಸಿದ ಕಾರ್ತಿಕ್​ ಆರ್ಯನ್​

ನೆಲ್ಸನ್​ ದಿಲೀಪ್​ ಕುಮಅರ್​ ನಿರ್ದೇಶನದ ಜೈಲರ್​ ಸಿನಿಮಾದಲ್ಲಿ ಶಿವ ರಾಜ್​ಕುಮಾರ್​, ಮೋಹನ ಲಾಲ್​​, ಜಾಕಿ ಶ್ರಾಫ್​ ಸಹ ಪ್ರಮುಖ ಪಾತ್ರ ನಿರ್ವಹಿಸಿದ್ದಾರೆ. ಚಿತ್ರಕ್ಕೆ ಸಕಾರಾತ್ಮಕ ಸ್ಪಂದನೆ ಸಿಕ್ಕಿದ್ದು, ಚಿತ್ರತಂಡ ಯಶಸ್ಸಿನ ಅಲೆಯಲ್ಲಿ ತೇಲುತ್ತಿದೆ.

ಇದನ್ನೂ ಓದಿ: Fighter: ವಾಯುಪಡೆ ಅಧಿಕಾರಿಗಳ ಪಾತ್ರದಲ್ಲಿ ಹೃತಿಕ್​, ದೀಪಿಕಾ, ಅನಿಲ್​ ಕಪೂರ್: ಫೈಟರ್ ಮೋಷನ್​ ಪೋಸ್ಟರ್ ರಿಲೀಸ್