ಜನಾನ್ ಸಿನಿಮಾ ಸೆಪ್ಟೆಂಬರ್ 7 ರಂದು ತೆರೆಕಂಡು ಚಿತ್ರಮಂದಿರಗಳಲ್ಲಿ ಉತ್ತಮ ಪ್ರದರ್ಶನ ಕಾಣುತ್ತಿದೆ. ಬಾಕ್ಸ್ ಆಫೀಸ್ ಅಂಕಿಅಂಶ ಅತ್ಯುತ್ತಮವಾಗಿದೆ. ಸ್ಟಾರ್ ಡೈರೆಕ್ಟರ್ ಪ್ಲಸ್ ಸೂಪರ್ ಸ್ಟಾರ್‌ಗಳನ್ನೊಳಗೊಂಡ ಈ ಸಿನಿಮಾ ಪ್ರೇಕ್ಷಕರು ಮತ್ತು ವಿಮರ್ಷಕರಿಂದ ಉತ್ತಮ ಪ್ರತಿಕ್ರಿಯೆ ಪಡೆದುಕೊಂಡಿದೆ. ಆದ್ರೀಗ ಸೌತ್ ಲೇಡಿ ಸೂಪರ್ ಸ್ಟಾರ್ ನಯನತಾರಾ ಅಸಮಧಾನಗೊಂಡಿದ್ದಾರೆಂಬ ಗುಮಾನಿ ಎದ್ದಿದೆ.
ನಯನತಾರಾ ದಕ್ಷಿಣ ಚಿತ್ರರಂಗದ ಬಹುಬೇಡಿಕೆಯ ನಟಿ. ಇದೇ ಮೊದಲ ಬಾರಿಗೆ ಬಾಲಿವುಡ್ ಸಿನಿಮಾದಲ್ಲಿ ನಟಿಸಿದ್ದಾರೆ. ಜವಾನ್ ಹಿಂದಿ, ತಮಿಳು, ತೆಲುಗು ಭಾಷೆಗಳಲ್ಲಿ ಮೂಡಿ ಬಂದಿದೆ. ನಯನತಾರಾ ಪಾತ್ರಕ್ಕೆ, ನಟನೆಗೆ ಮೆಚ್ಚುಗೆ ಕೂಡ ವ್ಯಕ್ತವಾಗಿದೆ. ಆದ್ರೆ ಈ ವಿಚಾರದಲ್ಲಿ ನಟಿಗೆ ಸಂತೃಪ್ತಿ ಇಲ್ಲ. ಇದಕ್ಕೆ ಬಾಲಿವುಡ್ ಬಹುಬೇಡಿಕೆಯ ನಟಿ ದೀಪಿಕಾ ಪಡುಕೋಣೆ ಕಾರಣ ಎಂದು ಹೇಳಲಾಗಿದೆ.
ದೀಪಿಕಾ ಅವರದ್ದು ಅತಿಥಿ ಪಾತ್ರವಾದರೂ ಅವರನ್ನು ಅತ್ಯಂತ ಪ್ರಮುಖ ಪಾತ್ರದಲ್ಲಿರುವಂತೆ ತೋರಿಸಲಾಗಿದೆ. ಇದೊಂದು ಶಾರುಖ್ ದೀಪಿಕಾ ಸಿನಿಮಾದಂತೆ ಕಾಣುತ್ತಿದೆ. ತಮ್ಮ ಪಾತ್ರದ ಮಹತ್ವ ಕಡಿಮೆ ಇದೆ ಎಂದು ನಯನತಾರಾ ಅಸಮಾಧಾನ ಹೊರಹಾಕಿದ್ದಾರೆಂದು ಹೇಳಲಾಗುತ್ತಿದೆ.
ಈ ಬಗ್ಗೆ ಚಿತ್ರದ ನಿರ್ದೇಶಕ ಅಟ್ಲೀ ಕುಮಾರ್ ಬಗ್ಗೆ ನಯನತಾರಾ ಅಸಮಧಾನಗೊಂಡಿದ್ದಾರೆ. ಮುಂದೆ ಅವರೊಂದಿಗೆ, ಬಾಲಿವುಡ್ನಲ್ಲಿ ಕೆಲಸ ಮಾಡುವುದಿಲ್ಲ ಎಂದೂ ಕೂಡ ಹೇಳಿದ್ದಾರಂತೆ. ವರದಿಗಳನ್ನು ನಂಬುವುದಾದರೆ, ಚಿತ್ರದಲ್ಲಿ ದೀಪಿಕಾ ಪಡುಕೋಣೆ ಅವರ ಪಾತ್ರ ತಮ್ಮ ಪಾತ್ರವನ್ನು ಮರೆ ಮಾಡಿದೆ. ಅಷ್ಟರ ಮಟ್ಟಿಗೆ ದೀಪಿಕಾರ ಪಾತ್ರವನ್ನು ಚಿತ್ರಿಸಲಾಗಿದೆ. ಪಡುಕೋಣೆ ಅವರ ಸ್ಕ್ರೀನ್ ಟೈಮ್ ನೋಡಿದ್ರೆ ಇದನ್ನು ಅತಿಥಿ ಪಾತ್ರ ಎನ್ನಲು ಸಾಧ್ಯವಿಲ್ಲ ಎಂದು ದಕ್ಷಿಣ ಚಿತ್ರರಂಗದ ಚೆಲುವೆ ನಯನತಾರಾ ತಿಳಿಸಿದ್ದಾರಂತೆ.
ಇದನ್ನೂ ಓದಿ: ಪರಿಣಿತಿ-ರಾಘವ್ ವಿವಾಹ: ಸೂಫಿ ನೈಟ್ ಈವೆಂಟ್ ವಿಡಿಯೋ ವೈರಲ್
ಕಳೆದ ವಾರ ಜವಾನ್ ಸಕ್ಸಸ್ ಮೀಟ್ ನಡೆದಿತ್ತು. ಇಡೀ ಜವಾನ್ ಚಿತ್ರತಂಡ ಈವೆಂಟ್ನಲ್ಲಿ ಉಪಸ್ಥಿತವಿತ್ತು. ಆದ್ರೆ ಪ್ರಮುಖ ಪಾತ್ರ ವಹಿಸಿರುವ ನಯನತಾರಾ ಆಗಮಿಸಿರಲಿಲ್ಲ. ತಾಯಿಯ ಜನ್ಮದಿನಾಚರಣೆ ಹಿನ್ನೆಲೆಯಲ್ಲಿ ಈ ಕಾರ್ಯಕ್ರಮದಲ್ಲಿ ಭಾಗಿಯಾಗಿರಲಿಲ್ಲ. ಅಂದು ದೀಪಿಕಾ ಪಡುಕೋಣೆ ಕಾರ್ಯಕ್ರಮದಲ್ಲಿ ಸಖತ್ ಹೈಲೆಟ್ ಆಗಿದ್ದರು. ಅಂದೂ ಕೂಡ ನೆಟ್ಟಿಗರು ಈ ಬಗ್ಗೆ ತಮ್ಮ ಅಭಿಪ್ರಾಯ ಹೊರ ಹಾಕಿದ್ದರು. ಇದೀಗ ಚಿತ್ರತಂಡದ ಬಗ್ಗೆ ನಟಿ ನಯನತಾರಾ ಅಸಮಾಧಾನಗೊಂಡಿದ್ದಾರೆಂಬ ಸುದ್ದಿ ಸಖತ್ ಸದ್ದು ಮಾಡುತ್ತಿದೆ.
ಸೌತ್ ಸ್ಟಾರ್ ಡೈರೆಕ್ಟರ್ ಅಟ್ಲೀ ಕುಮಾರ್ ನಿರ್ದೇಶನದ ಈ ಸಿನಿಮಾವನ್ನು ಶಾರುಖ್ ಅವರ ರೆಡ್ ಚಿಲ್ಲೀಸ್ ಎಂಟರ್ಟೈನ್ಮೆಂಟ್ ನಿರ್ಮಾಣ ಮಾಡಿದೆ. ಚಿತ್ರದಲ್ಲಿ ವಿಜಯ್ ಸೇತುಪತಿ ಮತ್ತು ನಯನತಾರಾ ಪ್ರಮುಖ ಪಾತ್ರ ವಹಿಸಿದ್ದಾರೆ. ದೀಪಿಕಾ ಪಡುಕೋಣೆ ಅವರದ್ದು ಅತಿಥಿ ಪಾತ್ರ. ಚಿತ್ರ ದೇಶೀಯ ಗಲ್ಲಾಪೆಟ್ಟಿಗೆಯಲ್ಲಿ ಈಗಾಗಲೇ 500 ಕೋಟಿ ರೂ. ಗಡಿ ದಾಟಿದೆ.
