ಇದೇ ಮೊದಲ ಬಾರಿಗೆ ಬಾಲಿವುಡ್ ಬಹುಬೇಡಿಕೆ ತಾರೆಯರಾದ ಹೃತಿಕ್ ರೋಷನ್ ಮತ್ತು ದೀಪಿಕಾ ಪಡುಕೋಣೆ ಸ್ಕ್ರೀನ್ ಶೇರ್ ಮಾಡಿರುವ 'ಫೈಟರ್' ಸಿನಿಮಾ ಮುಂದಿನ ಗಣರಾಜ್ಯೋತ್ಸವ ಸಂದರ್ಭ ತೆರೆಕಾಣಲು ಸಜ್ಜಾಗಿದೆ. ಕೆಲ ದಿನಗಳ ಹಿಂದಷ್ಟೇ ಚಿತ್ರ ನಿರ್ಮಾಪಕರು 'ಶೇರ್ ಖುಲ್ ಗಯೇ' ಎಂಬ ಸಿನಿಮಾದ ಮೊದಲ ಹಾಡನ್ನು ಬಿಡುಗಡೆ ಮಾಡಿದ್ದರು. ಈ ಪಾರ್ಟಿ ಸಾಂಗ್ಗೆ ಫ್ಯಾನ್ಸ್ ಹುಚ್ಚೆದ್ದು ಕುಣಿದಿದ್ದಾರೆ. ಇದೀಗ ಚಿತ್ರದ ಮತ್ತೊಂದು ಹಾಡು ಬಿಡುಗಡೆಗೆ ದಿನ ನಿಗದಿಯಾಗಿದೆ.
'ಶೇರ್ ಖುಲ್ ಗಯೇ' ನಂತರ ಚಿತ್ರತಂಡ ಫೈಟರ್ ಸಿನಿಮಾದ ಎರಡನೇ ಸಿಂಗಲ್ ಅನ್ನು ಅನಾವರಣಗೊಳಿಸಲು ತಯಾರಾಗಿದ್ದಾರೆ. 'ಇಷ್ಕ್ ಜೈಸಾ ಕುಚ್' ಎಂಬ ಶೀರ್ಷಿಕೆಯ ಈ ಹಾಡು ಡಿಸೆಂಬರ್ 22ರಂದು ಬಿಡುಗಡೆಯಾಗಲಿದೆ. ಸಿನಿಮಾ ನಟರಾದ ದೀಪಿಕಾ ಪಡುಕೋಣೆ ಮತ್ತು ಹೃತಿಕ್ ರೋಷನ್ ಒಳಗೊಂಡಿರುವ ಸ್ಟ್ರೈಕಿಂಗ್ ಪೋಸ್ಟರ್ ಜೊತೆಗೆ ಹಾಡಿನ ಬಿಡುಗಡೆ ದಿನಾಂಕವನ್ನು ಪ್ರಕಟಿಸಲಾಗಿದೆ. ಪೋಸ್ಟರ್ನಲ್ಲಿ 'ಇಷ್ಕ್ ಜೈಸಾ ಕುಚ್ ಹಾಡು ಡಿಸೆಂಬರ್ 22 ರಂದು ಬಿಡುಗಡೆಯಾಗಲಿದೆ' ಎಂದು ಬರೆಯಲಾಗಿದೆ.
- " class="align-text-top noRightClick twitterSection" data="">
ಚಿತ್ರ ತಯಾರಕರು ಡಿಸೆಂಬರ್ 15 ರಂದು ಫೈಟರ್‌ನ ಈ 'ಶೇರ್ ಖುಲ್ ಗಯೇ' ಶೀರ್ಷಿಕೆಯ ಪಾರ್ಟಿ ಸಾಂಗ್ ಅನ್ನು ಬಿಡುಗಡೆ ಮಾಡಿದ್ದರು. ಹಾಡಿನಲ್ಲಿ, ಹೃತಿಕ್ ಮತ್ತು ದೀಪಿಕಾ ಅದ್ಭುತವಾಗಿ ಡ್ಯಾನ್ಸ್ ಮಾಡಿದ್ದಾರೆ. ಚಿತ್ರದಲ್ಲಿ ಪ್ರಮುಖ ಪಾತ್ರ ನಿರ್ವಹಿಸಿರುವವರೂ ಕೂಡ ಈ ಸಾಂಗ್ನಲ್ಲಿ ಕಾಣಿಸಿಕೊಂಡಿದ್ದಾರೆ. 'ಶೇರ್ ಖುಲ್ ಗಯೇ' ಕೇಳುತ್ತಿದ್ದರೆ ಎದ್ದು ಕುಣಿಯಬೇಕು ಎಂದು ಅನಿಸುತ್ತದೆ ಎಂಬ ಅಭಿಪ್ರಾಯಗಳನ್ನು ಅಭಿಮಾನಿಗಳು ವ್ಯಕ್ತಪಡಿಸಿದ್ದಾರೆ.
ಟಿ-ಸೀರೀಸ್‌ನ ಯೂಟ್ಯೂಬ್ ಚಾನೆಲ್‌ನಲ್ಲಿ ಹಾಡು ಬಿಡುಗಡೆಯಾದಾಗಿನಿಂದ 27 ಮಿಲಿಯನ್ ವೀಕ್ಷಣೆಗಳನ್ನು ಗಳಿಸಿದೆ. ಹೃತಿಕ್ ಮತ್ತೊಮ್ಮೆ ತಮ್ಮ ನೃತ್ಯ ಶೈಲಿಯಿಂದ ಪ್ರೇಕ್ಷಕರನ್ನು ಕುಣಿಸಿದ್ದಾರೆ. ಈ ಹಾಡನ್ನು ಕುಮಾರ್ ಬರೆದಿದ್ದು, ವಿಶಾಲ್ ದದ್ಲಾನಿ, ಬೆನ್ನಿ ದಯಾಳ್, ಶೇಖರ್ ಮತ್ತು ಶಿಲ್ಪಾ ರಾವ್ ಸಂಯೋಜಿಸಿದ್ದಾರೆ.
- " class="align-text-top noRightClick twitterSection" data="">
ಫೈಟರ್ ಸಿನಿಮಾಗೆ ಸಿದ್ಧಾರ್ಥ್ ಆನಂದ್ ಆ್ಯಕ್ಷನ್ ಕಟ್ ಹೇಳಿದ್ದಾರೆ. ನಿರ್ದೇಶಕ ಸಿದ್ಧಾರ್ಥ್ ಮತ್ತು ಹೃತಿಕ್ ರೋಷನ್ ಒಟ್ಟಿಗೆ ಕೆಲಸ ಮಾಡುತ್ತಿರುವ ಮೂರನೇ ಸಿನಿಮಾ ಇದಾಗಿದೆ. ಈ ಹಿಂದೆ ಈ ಜೋಡಿ ಬ್ಯಾಂಗ್ ಬ್ಯಾಂಗ್ ಮತ್ತು ವಾರ್ ಚಿತ್ರದಲ್ಲಿ ಕೆಲಸ ಮಾಡಿದ್ದಾರೆ. ಸಿದ್ದಾರ್ಥ್ ಅವರ ಮಾರ್ಫ್ಲಿಕ್ಸ್ ಪಿಕ್ಚರ್ ಮತ್ತು ವಯೋಕಾಮ್ 18 ಸ್ಟುಡಿಯೋ ಈ ಚಿತ್ರಕ್ಕೆ ಬಂಡವಾಳ ಹೂಡಿದ್ದು, ಚಿತ್ರ ಗಣರಾಜ್ಯೋತ್ಸವಕ್ಕೆ ಮುನ್ನಾದಿನ ಅಂದರೆ, 2024ರ ಜನವರಿ 25ಕ್ಕೆ ಬಿಡುಗಡೆಯಾಗಲಿದೆ.
ಇದನ್ನೂ ಓದಿ: ಫೈಟರ್ ಬಿಡುಗಡೆಗೆ ದಿನಗಣನೆ: 'ಶೇರ್ ಖುಲ್ ಗಯೇ' ಮೇಕಿಂಗ್ ವಿಡಿಯೋ ನೋಡಿ
