ಬಾಲಿವುಡ್ನ ಸ್ಟಾರ್ ದಂಪತಿ ರಣವೀರ್ ಸಿಂಗ್ ಮತ್ತು ದೀಪಿಕಾ ಪಡುಕೋಣೆ. ಇವರಿಬ್ಬರು ಪರಸ್ಪರ ಎಲ್ಲಾ ವಿಷಯದಲ್ಲೂ ಪ್ರೋತ್ಸಾಹ ನೀಡುತ್ತ ಪರ್ಫೆಕ್ಟ್ ಕಪಲ್ ಎನಿಸಿಕೊಂಡಿದ್ದಾರೆ. ಜುಲೈ 6 ರಂದು ರಣವೀರ್ ಹುಟ್ಟುಹಬ್ಬವಿತ್ತು. ಇತ್ತೀಚೆಗೆ ಅಲಿಬಾಗ್‌ನಲ್ಲಿ ರಣವೀರ್ ತಮ್ಮ ಹುಟ್ಟುಹಬ್ಬವನ್ನು ಪತ್ನಿಯೊಂದಿಗೆ ಸೇರಿ ಆಚರಿಸಿದ್ದಾರೆ. ಬೀಚ್ ಟೌನ್‌ನಲ್ಲಿ ನಟನ ವಿಶೇಷ ದಿನವನ್ನು ಆಚರಿಸಿದ ನಂತರ ದಂಪತಿ ಮುಂಬೈಗೆ ಹಿಂತಿರುಗಿದ್ದಾರೆ. ಇಬ್ಬರು ಕೈ ಕೈ ಹಿಡಿದುಕೊಂಡ ಲುಕ್ನಲ್ಲಿ ಕ್ಯಾಮರಾದಲ್ಲಿ ಸೆರೆಯಾಗಿದ್ದಾರೆ.
ರಣವೀರ್ ಹುಟ್ಟುಹಬ್ಬಕ್ಕೆ ಅಭಿಮಾನಿಗಳು ಸೇರಿದಂತೆ ಅನೇಕ ಸೆಲೆಬ್ರಿಟಿಗಳು ಸೋಷಿಯಲ್ ಮೀಡಿಯಾದ ಮೂಲಕ ಶುಭಾಶಯ ಕೋರಿದ್ದರು. ಆದರೆ ದೀಪಿಕಾ ಮಾತ್ರ ತಮ್ಮ ಪತಿಗೆ ಈ ರೀತಿಯಲ್ಲಿ ವಿಶ್ ಮಾಡಿರಲಿಲ್ಲ. ಇದು ಸ್ಟಾರ್ ದಂಪತಿಯ ಸಂಬಂಧದಲ್ಲಿ ಬಿರುಕು ಮೂಡಿದೆ ಎಂಬ ಗಾಸಿಪ್ಗಳಿಗೆ ಕಾರಣವಾಗಿತ್ತು. ಆದರೆ ಭಾನುವಾರ ರಾತ್ರಿ ಈ ಜೋಡಿ ಜೊತೆಯಾಗಿ ಬರ್ತ್ಡೇ ಆಚರಿಸಿದ್ದನ್ನು ಕಂಡು, ಅಭಿಮಾನಿಗಳು ನೆಮ್ಮದಿಯ ನಿಟ್ಟುಸಿರು ಬಿಟ್ಟಿದ್ದಾರೆ.
ಪಾಪರಾಜಿಗಳು ಹಂಚಿಕೊಂಡಿರುವ ವಿಡಿಯೋದಲ್ಲಿ ರಣವೀರ್ ತಮ್ಮ ಕಾರಿನ ಮುಂಭಾಗದ ಸೀಟಿನಲ್ಲಿ ಕುಳಿತು ಹಿಂದೆ ಕುಳಿತಿದ್ದ ದೀಪಿಕಾ ಜೊತೆ ಮಾತನಾಡುತ್ತಿರುವುದನ್ನು ಕಾಣಬಹುದು. ದೀಪಿಕಾ ಬಿಳಿ ಮ್ಯಾಕ್ಸಿ ಉಡುಗೆ ಮತ್ತು ಕಪ್ಪು ಸನ್ಗ್ಲಾಸ್ ಧರಿಸಿದ್ದರು. ಕೂದಲನ್ನು ಅಚ್ಚುಕಟ್ಟಾಗಿ ಪೋನಿ ಕಟ್ಟಿದ್ದರು. ಮತ್ತೊಂದೆಡೆ ರಣವೀರ್ ಕ್ಯಾಶುವಲ್ ದಿರಿಸಿನಲ್ಲಿ ಕಾಣಿಸಿಕೊಂಡರು. ಬಿಳಿ ಟಿ-ಶರ್ಟ್, ಡೆನಿಮ್, ಬ್ಲ್ಯಾಕ್ ಸನ್ಗ್ಲಾಸ್ ಮತ್ತು ಕಪ್ಪು ಕ್ಯಾಪ್ ಧರಿಸಿದ್ದರು.
ಇದನ್ನೂ ಓದಿ: Shilpa Shetty: 'ಟಿಶ್ಯೂ ರೋಲ್ ಕ್ಯಾಚ್ ಚಾಲೆಂಜ್'ನಲ್ಲಿ ಫಿಟ್ನೆಸ್ ಐಕಾನ್ ಶಿಲ್ಪಾ ಶೆಟ್ಟಿ ಸಕ್ಸಸ್/ಫೇಲ್?
ಇನ್ನು ಸಿನಿಮಾ ವಿಚಾರವಾಗಿ ನೋಡುವುದಾದರೆ, ರಣವೀರ್ ಆಲಿಯಾ ಭಟ್ ಜೊತೆ 'ರಾಕಿ ಔರ್ ರಾಣಿ ಕಿ ಪ್ರೇಮ್ ಕಹಾನಿ' ಚಿತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಜೋಹರ್ ನಿರ್ದೇಶನದ ಈ ಚಿತ್ರದಲ್ಲಿ ಧರ್ಮೇಂದ್ರ, ಶಬಾನಾ ಅಜ್ಮಿ ಮತ್ತು ಜಯಾ ಬಚ್ಚನ್ ಕೂಡ ಇದ್ದಾರೆ. ಚಿತ್ರವು ಜುಲೈ 28 ರಂದು ಥಿಯೇಟರ್‌ಗಳಲ್ಲಿ ಬಿಡುಗಡೆಯಾಗಲಿದೆ. ಮತ್ತೊಂದೆಡೆ, ದೀಪಿಕಾ ಪಡುಕೋಣೆ, ಪ್ರಭಾಸ್ ಮತ್ತು ಅಮಿತಾಬ್ ಬಚ್ಚನ್ ಜೊತೆಗೆ ಪ್ರಾಜೆಕ್ಟ್ ಕೆ ನಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಇದಲ್ಲದೇ 'ಫೈಟರ್‌'ನಲ್ಲಿ ಹೃತಿಕ್ ರೋಷನ್ ಜೊತೆ ನಟಿಸಲಿದ್ದಾರೆ. ಶಾರುಖ್ ಖಾನ್ ಅವರ 'ಜವಾನ್' ಸಿನಿಮಾದಲ್ಲೂ ದೀಪಿಕಾ ಇದ್ದಾರೆ.
'ದೀಪ್ವೀರ್' ಸ್ಟಾರ್ ದಂಪತಿ: ನವೆಂಬರ್ 14, 2018 ರಂದು ಇಟಲಿಯ ಐಷಾರಾಮಿ ಹೋಟೆಲ್ನಲ್ಲಿ ಹಸೆಮಣೆ ಏರುವ ಮೂಲಕ ರಣವೀರ್ ಸಿಂಗ್ ಮತ್ತು ದೀಪಿಕಾ ಪಡುಕೋಣೆ ದಾಂಪತ್ಯ ಜೀವನಕ್ಕೆ ಕಾಲಿಟ್ಟರು. ಐದು ವರ್ಷಗಳ ಕಾಲ ಸುಂದರ ಜೀವನ ನಡೆಸುವ ಮೂಲಕ ಬಾಲಿವುಡ್ನ ದಿ ಬೆಸ್ಟ್ ಜೋಡಿಗಳಾಗಿದ್ದಾರೆ. ಜೊತೆಯಾಗಿ ಮೊದಲ ಬಾರಿ ಕಾಣಿಸಿಕೊಂಡ 2012ರಲ್ಲಿ ತೆರೆಕಂಡ 'ಗೋಲಿಯೋನ್ ಕಿ ರಾಸ್ಲೀಲಾ-ರಾಮ್ಲೀಲಾ ಚಿತ್ರದಲ್ಲೇ ಇಬ್ಬರ ನಡುವೆ ಪ್ರೀತಿ ಚಿಗುರಿತ್ತು.
ಇದನ್ನೂ ಓದಿ: Jawan Prevue: 'ಜವಾನ್' ಪ್ರಿವ್ಯೂ ರಿಲೀಸ್; ಕಿಂಗ್ ಖಾನ್ ಹೊಸ ಅವತಾರಕ್ಕೆ ಫ್ಯಾನ್ಸ್ ಫಿದಾ!
