ಎಸ್ಆರ್ಕೆ ಗೌರಿ ದಂಪತಿಯ ರೆಡ್ ಚಿಲ್ಲೀಸ್ ಎಂಟರ್ಟೈನ್ಮೆಂಟ್ ನಿರ್ಮಾಣದ 'ಜವಾನ್' ಸಿನಿಮಾ ವಿಭಿನ್ನ ಪ್ರಚಾರದ ಮೂಲಕ ಸುದ್ದಿಯಲ್ಲಿದೆ. ಮೂರು ತಿಂಗಳ ಪ್ರಚಾರ ಯೋಜನೆ ಕಾರ್ಯಗತಗೊಳಿಸುತ್ತಿದೆ. ಜುಲೈ 10 ರಂದು 2.13 ನಿಮಿಷಗಳ ಪ್ರಿವ್ಯೂ ರಿವೀಲ್ ಮಾಡುವ ಮೂಲಕ ಅಭಿಮಾನಿಗಳಲ್ಲಿ ಕುತೂಹಲ ಹುಟ್ಟುಹಾಕಿದ ಚಿತ್ರತಂಡ ಇದೀಗ ಎರಡನೇ ಹಾಡು ಅನಾವರಣಗೊಳಿಸುವ ಯೋಜನೆಯಲ್ಲಿದೆ.
- " class="align-text-top noRightClick twitterSection" data="">
ಜವಾನ್ ಪ್ರಮೋಶನ್: ಜುಲೈ 31 ರಂದು ಸಿನಿಮಾದ ಮೊದಲ ಟ್ರ್ಯಾಕ್ ಜಿಂದಾ ಬಂದಾ ವನ್ನು ಬಿಡುಗಡೆ ಮಾಡುವ ಮೂಲಕ ಸಿನಿಮಾ ಕುರಿತ ನಿರೀಕ್ಷೆ ಹೆಚ್ಚಿಸಿದೆ. ಸಾಂಗ್ ಅನ್ನು ಸಿನಿಪ್ರಿಯರು ಸ್ವೀಕರಿಸಿದ್ದಾರೆ. ಹಾಡು ಯಶಸ್ಸು ಗಳಿಸಿ, ಸಿನಿಪ್ರೇಮಿ ಮತ್ತು ಅಭಿಮಾನಿಗಳ ಉತ್ಸಾಹ ಹೆಚ್ಚಿಸಿದೆ. ಬಳಿಕ ಸಿನಿಮಾದ ಆಕರ್ಷಕ ಪೋಸ್ಟರ್ ಅನ್ನು ಎಸ್ಆರ್ಕೆ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡರು. ನಿನ್ನೆಯಷ್ಟೇ ಜಿಂದಾ ಬಂದಾ ಹಾಡಿನ ಮೇಕಿಂಗ್ ವಿಡಿಯೋ ರಿವೀಲ್ ಮಾಡಿದ್ದರು. ಸೆಪ್ಟೆಂಬರ್ 7ರಂದು ತೆರೆಕಾಣಲು ಸಜ್ಜಾಗಿರುವ ಈ ಸಿನಿಮಾದ ಮತ್ತೊಂದು ಹಾಡು ಬಿಡುಗಡೆ ಆಗಲು ಸಜ್ಜಾಗಿದೆ. ಈ ಮೂಲಕ ಸಿನಿಪ್ರಿಯರ ಸಂಪೂರ್ಣ ಗಮನವನ್ನು ತಮ್ಮತ್ತ ಕೇಂದ್ರೀಕರಿಸಲು ಚಿತ್ರತಂಡ ತಯಾರಿ ನಡೆಸಿದೆ.
ವರದಿಗಳ ಪ್ರಕಾರ, ಸೂಪರ್ ಸ್ಟಾರ್ ಶಾರುಖ್ ಖಾನ್ ಮುಂದಿನ ವಾರ ಚಿತ್ರದ ಎರಡನೇ ಹಾಡನ್ನು ಅನಾವರಣಗೊಳಿಸಲಿದ್ದಾರೆ. ಇದೊಂದು ಮೆಲೋಡಿ ಹಾಡಾಗಿದ್ದು, ಚಲೇ (Jawan song Chaley) ಎಂಬ ಟೈಟಲ್ ಹೊಂದಿರಲಿದೆ. ರೊಮ್ಯಾಂಟಿಕ್ ಚಲೇ ಟ್ರ್ಯಾಕ್ನಲ್ಲಿ ಎಸ್ಆರ್ಕೆ ನಯನತಾರಾ ಕಾಣಿಸಿಕೊಳ್ಳಲಿದ್ದಾರೆ. ಜನಪ್ರಿಯ ಗಾಯಕ ಅರಿಜಿತ್ ಸಿಂಗ್ ಈ ಟ್ರ್ಯಾಕ್ನಲ್ಲಿ ಕೆಲಸ ಮಾಡಿದ್ದಾರೆ. ಶಿಲ್ಪಾ ರಾವ್ ಸಾಥ್ ನೀಡಿದ್ದಾರೆ.
- " class="align-text-top noRightClick twitterSection" data="">
ರೊಮ್ಯಾಂಟಿಕ್ ಸಾಂಗ್ನ ಶೂಟಿಂಗ್ ಅನ್ನು ಕೆಲ ತಿಂಗಳ ಹಿಂದೆಯೇ ನಡೆಸಲಾಗಿದೆ. ಫರಾ ಖಾನ್ ನೃತ್ಯ ಸಂಯೋಜನೆ ಮಾಡಿದ್ದಾರೆ. ಚಲೇ ಸಾಂಗ್ ಜವಾನ್ ಚಿತ್ರದ ಅದ್ಭುತ, ರೊಮ್ಯಾಂಟಿಕ್ ಹಾಡು ಎಂದು ಪರಿಗಣಿಸಲಾಗಿದೆ. ಹಾಡಿನ ಅಧಿಕೃತ ಬಿಡುಗಡೆ ದಿನಾಂಕವನ್ನು ಘೋಷಿಸಿಲ್ಲವಾದರೂ, ಸೋಮವಾರ (ಆಗಸ್ಟ್ 14) ಅಥವಾ ಮಂಗಳವಾರದಂದು ಹಾಡು ಬಿಡುಗಡೆ ಆಗೋದು ಬಹುತೇಕ ಖಚಿತ ಎಂದು ವರದಿಗಳು ಸೂಚಿಸಿವೆ.
ಇದನ್ನೂ ಓದಿ: Chandramukhi 2: ಬಹುನಿರೀಕ್ಷಿತ 'ಚಂದ್ರಮುಖಿ 2' ಚಿತ್ರದ 'ಸ್ವಾಗತಾಂಜಲಿ' ಹಾಡು ಬಿಡುಗಡೆ
ಸೆಪ್ಟೆಂಬರ್ 7 ರಂದು ಹಿಂದಿ, ತೆಲುಗು, ತಮಿಳು ಭಾಷೆಗಳಲ್ಲಿ ಚಿತ್ರಮಂದಿರಗಳಲ್ಲಿ ಸಿನಿಮಾ ತೆರೆಕಾಣಲಿದೆ. ಜುಲೈ 10 ರಿಂದ ಪ್ರಚಾರ ಪ್ರಾರಂಭವಾಗಿದೆ. ಚಿತ್ರದ ಕುರಿತು ಅಪ್ಡೇಟ್ಸ್ ಕೊಡುತ್ತಾ, ಜವಾನ್ ಟ್ರೆಂಡಿಂಗ್ನಲ್ಲಿದೆ. ಇತ್ತೀಚೆಗಷ್ಟೇ ಪೋಸ್ಟರ್ ಅನಾವರಣಗೊಳಿಸಲಾಗಿತ್ತು. ನಿನ್ನೆ ಜಿಂದಾ ಬಂದಾ ಹಾಡಿನ ಮೇಕಿಂಗ್ ವಿಡಿಯೋ ಅನಾವರಣಗೊಳಿಸುವ ಮೂಲಕ ಜನರ ಗಮನ ಸೆಳೆದಿದ್ದಾರೆ. ಇದರಲ್ಲಿ ಸೌತ್ ಸ್ಟಾರ್ ಡೈರೆಕ್ಟರ್ ಅಟ್ಲೀ, ಸೂಪರ್ ಸ್ಟಾರ್ ಶಾರುಖ್ ಖಾನ್ ಅವರ ಪ್ರೀತಿಯ ಕ್ಷಣಗಳು ಅಭಿಮಾನಿಗಳ ಮನ ಮುಟ್ಟಿದೆ.
ಇದನ್ನೂ ಓದಿ: ಜಿಂದಾ ಬಂದಾ ಮೇಕಿಂಗ್ ವಿಡಿಯೋ: ಎಸ್ಆರ್ಕೆ ಅಪ್ಪಿಕೊಂಡ ಅಟ್ಲೀ - ಸೌತ್, ಬಾಲಿವುಡ್ ಕಾಂಬೋದಲ್ಲಿ 'ಜವಾನ್' ರೆಡಿ
ಜವಾನ್ ಸಿನಿಮಾ ಮಾಸ್ ಆ್ಯಕ್ಷನ್ ಸೀನ್ಗಳಿಂದ ಸಮೃದ್ಧವಾಗಿದೆ ಎಂದು ಹೇಳಲಾಗಿದೆ. ಎಸ್ಆರ್ಕೆ ದ್ವಿಪಾತ್ರದಲ್ಲಿ ಕಾಣಿಸಿಕೊಂಡರೆ, ದೀಪಿಕಾ ಪಡುಕೋಣೆ ಅತಿಥಿ ಪಾತ್ರ ವಹಿಸಿದ್ದಾರೆ. ನಯನತಾರಾ ಮತ್ತು ವಿಜಯ್ ಸೇತುಪತಿ ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಂಡರೆ, ಪ್ರಿಯಾಮಣಿ, ಸಾನ್ಯಾ ಮಲ್ಹೋತ್ರಾ, ಸುನೀಲ್ ಗರೋವರ್, ಯೋಗಿ ಬಾಬು, ರಿಧಿ ಕೂಡ ನಟಿಸಿದ್ದಾರೆ.
