ಬಾಲಿವುಡ್ ಚೆಲುವೆ ಜಾನ್ವಿ ಕಪೂರ್ - ಶಿಖರ್ ಪಹರಿಯಾ ಜೊತೆಗೆ ಡೇಟಿಂಗ್ ನಡೆಸುತ್ತಿದ್ದಾರೆ ಎಂಬ ಸುದ್ದಿ ಟಾಕ್ ಆಫ್ ದಿ ಟೌನ್ ಆಗಿದ್ದರೂ, ಈ ಬಗ್ಗೆ ಇಂದಿಗೂ ನಟಿ ಮೌನ ಮುರಿದಿಲ್ಲ. ಆದರೆ, ಪಾರ್ಟಿ ಸೇರಿದಂತೆ ಹಲವು ಸಾರ್ವಜನಿಕ ಸ್ಥಳದಲ್ಲಿ ಒಟ್ಟಾಗಿ ಕಾಣಿಸಿಕೊಳ್ಳುವ ಈ ಜೋಡಿ ಅನೇಕ ಊಹಾಪೋಹಾಕ್ಕೆ ಎಡೆ ಮಾಡಿಕೊಟ್ಟಿದೆ. ಇದೀಗ ಈ ಜೋಡಿ ಒಟ್ಟಾಗಿ ಪ್ರವಾಸಕ್ಕೆ ನಗರವನ್ನು ತೊರೆದಿದ್ದು, ಯಾವ ಸ್ಥಳಕ್ಕೆ ಹಾರಿದ್ದಾರೆ ಎಂಬ ಸುದ್ದಿ ರಹಸ್ಯವಾಗಿದೆ.
ಒಟ್ಟಾಗಿ ಕಾಣಿಸಿಕೊಳ್ಳುತ್ತಿರುವ ಜೋಡಿ: ಇಬ್ಬರು ಜೊತೆಯಾಗಿ ವಿಮಾನ ನಿಲ್ದಾಣದಿಂದ ಹೊರಡುತ್ತಿರುವ ಫೋಟೋ ಮತ್ತು ವಿಡಿಯೋಗಳು ಸಾಮಾಜಿಕ ಮಾಧ್ಯಮದಲ್ಲಿ ಸದ್ದು ಮಾಡುತ್ತಿವೆ. ಏರ್ಪೋರ್ಟ್ ಮುಂದೆ ತಮ್ಮ ರೂಮರ್ಡ್ ಬಾಯ್ಫ್ರೆಂಡ್ಗೆ ಕಾಯುವ ಮುನ್ನ ನಟಿ ಜಾನ್ವಿ ಪ್ಯಾಪಾರಾಜಿಗಳ ಕ್ಯಾಮೆರಾಕ್ಕೆ ಫೋಸ್ ನೀಡಿದ್ದಾರೆ. ಗುಲಾಬಿ ಬಣ್ಣದ ಕುರ್ತಿ ಧಿರಿಸಿನಲ್ಲಿ ಸರಳವಾಗಿ ಸುಂದರವಾಗಿ ಜಾನ್ವಿ ಕಂಗೊಳಿಸಿದರು.
ಈ ಹಿಂದೆ ಈ ಜೋಡಿಗಳು ಮುಂಬೈನಲ್ಲಿ ಗಣೇಶ ವಿಸರ್ಜನೆ ವೇಳೆ ಒಟ್ಟಾಗಿ ಕಾಣಿಸಿಕೊಂಡಿದ್ದರು. ಅಷ್ಟೆ ಅಲ್ಲದೇ ಈ ಜೋಡಿ ಒಟ್ಟಾಗಿ ತಿರುಪತಿಗೂ ತೆರಳಿದ್ದರು. ಪಹರಿಯಾ ಸಹೋದರ ವೀರ್ ನಟ ಅಕ್ಷಯ್ ಕುಮಾರ್ ಅಭಿನಯದ ಸ್ಕೈ ಫೋರ್ಸ್ ಚಿತ್ರದಲ್ಲಿ ನಟಿಸಿದಾಗ ಇದಕ್ಕೆ ಪ್ರಶಂಸಿದ ಇನ್ಸ್ಟಾಗ್ರಾಂನಲ್ಲಿ ಬೆಂಬಲಿಸಿದ್ದರು ನಟಿ ಜಾನ್ವಿ. ವೀರ್ ನಟಿ ಜಾನ್ವಿ ರೂಮರ್ಡ್ ಬಾಯ್ಫ್ರೆಂಡ್ ಆಗಿರುವ ಶೀಖರ್ ಪಹರಿಯಾ ಸಹೋದರ ಆಗಿದ್ದಾರೆ. ವೀರ್ ಮತ್ತು ಶೀಖರ್ ಕಾಂಗ್ರೆಸ್ ನಾಯಕ ಸುಶೀಲ್ ಕುಮಾರ್ ಶಿಂಧೆ ಮೊಮ್ಮಕ್ಕಳಾಗಿದ್ದಾರೆ.
ಸಾಲು ಸಾಲು ಚಿತ್ರದಲ್ಲಿ ನಟಿ ಬ್ಯುಸಿ: ಸದ್ಯ ಬಾಲಿವುಡ್ ಸೇರಿದಂತೆ ತೆಲುಗು ಸಿನಿಮಾದಲ್ಲಿ ಬ್ಯುಸಿಯಾಗಿದ್ದಾರೆ ನಟಿ ಜಾನ್ವಿ. ಜ್ಯೂ ಎನ್ಟಿಆರ್ ಜೊತೆಗೆ ಎನ್ಟಿಆರ್ 30 ಮೂಲಕ ಟಾಲಿವುಡ್ ಪ್ರವೇಶಕ್ಕೆ ಸಜ್ಜಾಗಿದ್ದಾರೆ. ಈ ಕುರಿತು ಈ ಹಿಂದೆ ಮಾತನಾಡಿದ್ದ ಅವರು, ನಾನು ಈ ದಿನಕ್ಕೆ ಕಾಯುತ್ತಿದೆ. ಜ್ಯೂ ಎನ್ಟಿಆರ್ ಜೊತೆ ನಾನು ನಟಿಸುತ್ತಿರುವುದು ನಿಜವೇ ಎಂದು ನಿತ್ಯ ನಾನು ನಿರ್ದೇಶಕರಿಗೆ ಸಂದೇಶ ಕಳುಹಿಸುತ್ತಿದೆ. ಇದೊಂದು ರೀತಿ ಕನಸು ನನಸಾದ ಕ್ಷಣ. ಇತ್ತೀಚೆಗೆ ನಾನು ಆರ್ಆರ್ಆರ್ ಮತ್ತೊಮ್ಮೆ ನೋಡಿದೆ. ಜ್ಯೂ ಎನ್ಟಿಆರ್ ಜೊತೆ ನಟಿಸುತ್ತಿರುವುದು ನನ್ನ ಜೀವನದಲ್ಲಿ ದೊಡ್ಡ ಸಂತಸವಾಗಿರಲಿದೆ ಎಂದಿದ್ದರು.
ಕಡೆಯದಾಗಿ ನಟಿ ಜಾನ್ವಿ ನಿತೇಶ್ ತಿವಾರಿ ಅವರು ಬವಾಲ್ ಸಿನಿಮಾದಲ್ಲಿ ನಟ ವರುಣ್ ಧವನ್ ಜೊತೆಗೆ ಕಾಣಿಸಿಕೊಂಡಿದ್ದರು. ಮಿ ಅಂಡ್ ಮಿಸಸ್ ಮಹಿ ಚಿತ್ರದಲ್ಲಿ ಸದ್ಯ ನಟಿ ಜಾನ್ವಿ ಬ್ಯುಸಿಯಾಗಿದ್ದರು ಈ ಚಿತ್ರದಲ್ಲಿ ರಾಜ್ಕುಮಾರ್ ರಾವ್ ಜೊತೆಗೆ ನಟಿಸುತ್ತಿದ್ದಾರೆ. ಈ ಚಿತ್ರಕ್ಕಾಗಿ ಕ್ರಿಕೆಟ್ ಅನ್ನು ಕೂಡ ಕಲಿಯುತ್ತಾರೆ ಜಾನ್ವಿ.
ಇದನ್ನೂ ಓದಿ: ಶಾರುಖ್ ಖಾನ್ಗೆ ಜೀವ ಬೆದರಿಕೆ: Y+ ಭದ್ರತೆ ಒದಗಿಸಿದ ಮಹಾರಾಷ್ಟ್ರ ಸರ್ಕಾರ
