ಮುಂಬೈ: ಬಾಲಿವುಡ್ ನಿರ್ದೇಶಕ ಅನುರಾಗ್ ಕಶ್ಯಪ್ ಅವರ ಮ್ಯೂಸಿಕಲ್ ಲವ್ಸ್ಟೋರಿ ಸಿನಿಮಾ "ಆಲ್ಮೋಸ್ಟ್ ಪ್ಯಾರ್ ವಿಥ್ ಡಿಜೆ ಮೊಹಬತ್" ಮ್ಯೂಸಿಕ್ ಆಲ್ಬಂಗೆ ಸರಿಸುಮಾರು ನಾಲ್ಕು ವರ್ಷಗಳ ಕಾಲ ಕೆಲಸ ಮಾಡಿರುವುದಾಗಿ ಸಂಗೀತ ನಿರ್ದೇಶಕ ಅಮಿತ್ ತ್ರಿವೇದಿ ತಿಳಿಸಿದ್ದಾರೆ. ಅಮಿತ್ ತ್ರಿವೇದಿ ಮತ್ತು ಗೀತ ರಚನೆಗಾರ ಶೆಲ್ಲಿ ನಾಲ್ಕು ವರ್ಷಗಳ ಸುದೀರ್ಘ ಕಾಲ ಈ ಅಲ್ಬಂಗೆ ಕಾರ್ಯ ನಿರ್ವಹಿಸಿದ್ದಾರೆ. ಕಡೆಗೂ ಎಲ್ಲರ ಮೂಡ್ಗೆ ಹೊಂದುವ ಜೊತೆಗೆ ಪ್ರಸ್ತುತ ಸ್ಥಿತಿಗೆ ಅನುಗುಣವಾದ ಆಧುನಿಕ ರೋಮ್ಯಾನ್ಸ್ ಮತ್ತು ಯುವ ಪ್ರೀತಿಯುಳ್ಳ ಹಾಡುಗಳ ನಿರ್ಮಾಣ ಮಾಡಲಾಗಿದೆ ಎಂದು ಅವರು ತಿಳಿಸಿದರು.
ಹಾಡಿನ ರಚನೆ ಪ್ರಕ್ರಿಯೆ ಬಗ್ಗೆ ಯಾವುದೇ ರೀತಿಯ ರಾಜಿಗೂ ತಂಡ ಸಿದ್ದವಿರಲಿಲ್ಲ. ಲಾಕ್ಡೌನ್ ಸಮಯವನ್ನು ಬಳಸಿಕೊಂಡು ವಿಧ ವಿಧದ ಐಡಿಯಾ, ವರ್ಷನ್ಗಳನ್ನು ಬಳಸಿ ಪ್ರಯೋಗ ನಡೆಸಲಾಗಿದ್ದು, ಕಡೆಗೂ ಹೊಸ ಹಾಡಿನ ಹುಟ್ಟಿಗೆ ಕಾರಣರಾಗಿದ್ದೇವೆ. ಗೀತ ರಚನೆಗಾರ ಶೆಲ್ಲಿ, ತಮ್ಮೊಳಗಿನ ಕವಿಯನ್ನು ಹೊರಗೆ ತೆಗೆದಿದ್ದಾರೆ. ಈಗಿನ ಜನರೇಷನ್ನ ಮನಸ್ಥಿತಿ ಅರಿಯಲು ನನ್ನ ಮಗಳು ಮತ್ತು ಅವರ ಮಗನೊಂದಿಗೆ ಕುಳಿತು ಅವರು ಗೀತರಚನೆ ನಡೆಸಿದ್ದಾರೆ ಎಂದರು.
ನಾಲ್ಕು ವರ್ಷದ ಕಾರ್ಯ: ನಿರ್ದೇಶಕ ಅನುರಾಗ್ ಕಶ್ಯಪ್ ಮಾತನಾಡಿ, ನಾನು ಮತ್ತು ಅಮಿತ್ ತುಂಬಾ ದೀರ್ಘ ಪ್ರಯಾಣ ನಡೆಸಿದೆವು. ನಮ್ಮ ಸ್ನೇಹಕ್ಕೆ ಇದೀಗ 15 ವರ್ಷ. ನಾವು ಯಾವಾಗಲೇ ಒಟ್ಟಿಗೆ ಕಾರ್ಯ ನಿರ್ವಹಿಸಿದಾಗ ಆತ ಮೆರೆಯಲಾಗದಂತಹ ಮೆಲೋಡಿಗಳನ್ನು ನೀಡಿದ್ದಾರೆ. ಅದರಲ್ಲಿ ಒಂದು ಇದಾಗಿದೆ. ಈ ಚಿತ್ರದ ಆಲ್ಬಂಗೆ ಅವರು ತಮ್ಮ ಹೃದಯ ಮತ್ತು ಆತ್ಮವನ್ನು ಅರ್ಪಿಸಿದ್ದಾರೆ. ನನ್ನೊಟ್ಟಿಗಿನ ಪ್ರತಿ ಸಂದರ್ಭದಲ್ಲಿನ ಅವರ ತಾಳ್ಮೆಗೆ ನಾನು ಪ್ರಶಂಸೆ ವ್ಯಕ್ತಪಡಿಸುತ್ತೇನೆ. ಅಮಿತ್ ಮತ್ತು ಶೆಲ್ಲೆ ಈ ಆಲ್ಬಂ ಸಂಗೀತಕ್ಕೆ ನಾಲ್ಕು ವರ್ಷ ಕೆಲಸ ಮಾಡಿದ್ದಾರೆ. ಇದಕ್ಕೆ ಕಾರಣ ಸಾಹಿತ್ಯ ಎಂಬುದು ಮತ್ತೊಂದು ಲೋಕದ ಕಲ್ಪನೆಯಾಗಿದೆ. ಶೆಲ್ಲಿ ತಮ್ಮೊಳಗಿನ ಕವಿಯನ್ನು ಹೊರ ತೆಗೆದಿದ್ದಾರೆ ಎಂದರು.
ಅಮಿತ್ ತ್ರಿವೇದಿ ಮಾತನಾಡಿ, ಅನುರಾಗ್ಗೆ ಸಿನಿಮಾದಲ್ಲಿ ಬೇರೆಯದೆ ಒಂದು ಕಲ್ಪನೆ ಇದೆ. ದೇವ್ ಡಿ ನನ್ನ ವೃತ್ತಿ ಜೀವನದಲ್ಲೇ ತಿರುವು ನೀಡಿದ ಸಿನಿಮಾ. ಆದರೆ, ನಾವು ಪ್ರತಿ ಸಿನಿಮಾವನ್ನು ಹೊಸ ದೃಷ್ಟಿಯಿಂದ ನೋಡುತ್ತೇವೆ. ನಮ್ಮ ಜೋಡಿ ಹೊಸತನ್ನು ಮಾಡಲು ಬಯಸುತ್ತೇವೆ. ಇದನ್ನೇ ಪ್ರೇಕ್ಷಕರು ಕೂಡ "ಆಲ್ಮೋಸ್ಟ್ ಪ್ಯಾರ್ ವಿಥ್ ಡಿಜೆ ಮೊಹಬತ್" ಆಲ್ಬಂನಲ್ಲಿ ಕಾಣಬಹುದಾಗಿದೆ.
ಫೆಬ್ರವರಿಗೆ ಚಿತ್ರ ತೆರೆಗೆ: "ಆಲ್ಮೋಸ್ಟ್ ಪ್ಯಾರ್ ವಿಥ್ ಡಿಜೆ ಮೊಹಬತ್"ನಲ್ಲಿ ಆಲಯ ಎಫ್ ಮತ್ತು ಕರಣ್ ಮೆಹ್ತಾ ಕಾಣಿಸಿಕೊಂಡಿದ್ದು, ಇದೇ ಇವರ ಚೊಚ್ಚಲ ತೆರೆ ಹಂಚಿಕೆಯಾಗಿದೆ. ಅನುರಾಗ್ ಕಶ್ಯಪ್ ಅವರ ಆಧುನಿಕ ಪ್ರೇಮದ ಕಥೆ ಹೊಂದಿರುವ ಈ ಚಿತ್ರ ಫೆಬ್ರವರಿ 3ಕ್ಕೆ ಬಿಡುಗಡೆ ಕಾಣುತ್ತಿದೆ. ಇನ್ನು ಹೊಸ ವರ್ಷದ ಸಂಭ್ರಮಕ್ಕೆ ಚಿತ್ರತಂಡ ಚಿತ್ರದ ದೇಸಿ ವುಮೆನ್ ಹಾಡನ್ನು ಬಿಡುಗಡೆ ಮಾಡಿತ್ತು. ಈ ಹಾಡು ಎಲ್ಲರಿಂದ ಮೆಚ್ಚುಗೆ ಗಳಿಸಿದೆ.
ಇದನ್ನೂ ಓದಿ: ನಾಟು ನಾಟು ಹಾಡು ಬರೆಯಲು 19 ತಿಂಗಳು ತೆಗೆದುಕೊಂಡೆ: ಗೀತೆ ರಚನೆಕಾರ ಚಂದ್ರಬೋಸ್
