ಬಾಲಿವುಡ್ ಬಹುಬೇಡಿಕೆಯ ನಟ ಅಕ್ಷಯ್ ಕುಮಾರ್ ಅಭಿಮಾನಿಗಳಿಗೆ ಬಿಗ್ ಸರ್ಪ್ರೈಸ್ ಕೊಡಲು ಸಜ್ಜಾಗಿದ್ದಾರೆ. ಈ ಮಾಹಿತಿ ಅಕ್ಕಿ ಆಪ್ತ ಮೂಲಗಳಿಂದಲೇ ಕೇಳಿ ಬಂದಿದೆ. ಬಾಲಿವುಡ್ ಕಿಲಾಡಿ ತಮ್ಮ ಜನ್ಮದಿನದಂದು ಅಭಿಮಾನಿಗಳನ್ನು ಅಚ್ಚರಿಗೊಳಿಸಲಿದ್ದಾರೆ. ಫ್ಯಾನ್ಸ್ ವಲಯದಲ್ಲಿ ಕುತೂಹಲ, ಉತ್ಸಾಹ ಮೂಡಿದೆ. ನಿಮ್ಮ ಗಮನಕ್ಕೆ, ನಾಳೆ ಅಕ್ಷಯ್ ಕುಮಾರ್ ಬರ್ತ್ಡೇ!.
ಅಕ್ಷಯ್ ಕೈಯಲ್ಲಿ ಮೂರು ಸಿನಿಮಾಗಳು: ವರದಿಗಳ ಪ್ರಕಾರ, ನಟ ಅಕ್ಷಯ್ ಕುಮಾರ್ ಅವರು ನಿರ್ಮಾಪಕ ಫಿರೋಜ್ ನಾಡಿಯಾಡ್ವಾಲಾ ಜೊತೆ ಕೈ ಜೋಡಿಸಲಿದ್ದಾರೆ. ಹೌದು, ಇವರಿಬ್ಬರ ಕಾಂಬಿನೇಶನ್ನಲ್ಲಿ ಸರಣಿ ಸಿನಿಮಾಗಳು ಮೂಡಿ ಬರಲಿವೆ. ಬಹುನಿರೀಕ್ಷಿತ 'ಹೇರಾ ಫೇರಿ 3', 'ವೆಲ್ಕಮ್ 3', 'ಆವಾರಾ ಪಾಗಲ್ ದೀವಾನ 2' ಚಿತ್ರಗಳನ್ನು ಮಾಡಲಿದ್ದಾರೆ. ಫಿರೋಜ್ ನಾಡಿಯಾಡ್ವಾಲಾ ಅವರು ಜಿಯೋ ಸ್ಟುಡಿಯೋಸ್ ಜೊತೆ ಒಪ್ಪಂದವನ್ನು ಫೈನಲ್ ಮಾಡಿದ್ದಾರೆ. ಈ ಮೊದಲು ಸಿನಿಮಾಗಳ ಕುರಿತು ಚರ್ಚೆ ನಡೆಯುತ್ತಿತ್ತು. ಇದೀಗ ಮಾತುಕತೆ ಅಂತಿಮಗೊಂಡಿದೆಯಂತೆ.
ಎಲ್ಲವೂ ಸೀಕ್ವೆಲ್ ಸಿನಿಮಾಗಳೇ...: ಜಿಯೋ ಸ್ಟುಡಿಯೋಸ್ ಜೊತೆ ಒಪ್ಪಂದ ಅಂತಿಮಗೊಳಿಸಲಾಗಿದೆ. ಹೇರಾ ಫೇರಿಯ ರಾಜು, ಬಾಬುರಾವ್, ಶ್ಯಾಮ್ ಮತ್ತು ವೆಲ್ಕಮ್ನ ಉದಯ್, ಮಜ್ನು ಅವರಂತಹ ಅಪ್ರತಿಮ ಪಾತ್ರಗಳೊಂದಿಗೆ ಕೆಲಸ ಮಾಡಲು ಉತ್ಸುಕನಾಗಿದ್ದೇನೆಂದು ನಿರ್ಮಾಪಕರು ತಿಳಿಸಿದ್ದಾರೆ. ಚಿತ್ರ ನಿರ್ಮಾಪಕರು ಈ ಹಿಂದಿನ ಪಾತ್ರಗಳೊಂದಿಗೆ ಮುಂದುವರಿಯಲು ಸಿದ್ಧರಿದ್ದಾರೆ. ಇನ್ನು, ಅಕ್ಷಯ್ ಕುಮಾರ್ ಅವರೇ ಒಂದು ಹೆಜ್ಜೆ ಮುಂದೆ ಇಟ್ಟು ಫಿರೋಜ್ ನಾಡಿಯಾಡ್ವಾಲಾ ಮತ್ತು ಜಿಯೋ ಸ್ಟುಡಿಯೋಸ್ ಜೊತೆ ಒಪ್ಪಂದ ಮಾಡಿಕೊಂಡಿದ್ದಾರೆಂದೂ ಸಹ ಹೇಳಲಾಗುತ್ತಿದೆ. ಆದ್ರೆ ಈ ಬಗ್ಗೆ ಅಧಿಕೃತ ಮಾಹಿತಿ ಇಲ್ಲ.
ಇದನ್ನೂ ಓದಿ: ರಶ್ಮಿಕಾ, ಶ್ರೀಲೀಲಾ ಬಳಿಕ ಆಶಿಕಾ ರಂಗನಾಥ್.. ಟಾಲಿವುಡ್ ಸೂಪರ್ಸ್ಟಾರ್ ಜೊತೆ ನಟಿಸುವ ಆಫರ್
ಅಕ್ಷಯ್ ಕುಮಾರ್ ಜನ್ಮದಿನ: ಬಾಲಿವುಡ್ ಕಿಲಾಡಿ ಖ್ಯಾತಿಯ ನಟ ಅಕ್ಷಯ್ ಕುಮಾರ್ 1967ರ ಸೆಪ್ಟೆಂಬರ್ 9ರಂದು ಅಮೃತ್ಸರದಲ್ಲಿ ಜನಿಸಿದರು. ನಾಳೆ ನಟ 56ನೇ ವಸಂತಕ್ಕೆ ಕಾಲಿಡಲಿದ್ದಾರೆ. ಈ ಹಿನ್ನೆಲೆ ನಟನ ಮುಂದಿನ ಸಿನಿಮಾಗಳು ಅನೌನ್ಸ್ ಆಗಲಿದೆ ಎಂದು ಅಭಿಮಾನಿಗಳು ನಿರೀಕ್ಷಿಸಿದ್ದಾರೆ. ಆಪ್ತ ಮೂಲಗಳೂ ಸಹ ಇದನ್ನೇ ಹೇಳಿವೆ.
ಇದನ್ನೂ ಓದಿ: 'ಬಜಾರ್' ಹುಡುಗನ ಹುಟ್ದಬ್ಬ: ಧನ್ವೀರ್ ಗೌಡ ನಟನೆಯ ಹೊಸ ಸಿನಿಮಾ ಘೋಷಣೆ
ಓ ಮೈ ಗಾಡ್ 2 ನಟನ ಕೊನೆಯ ಸಿನಿಮಾ. ಪಂಕಜ್ ತ್ರಿಪಾಠಿ ಮತ್ತು ಯಾಮಿ ಗೌತಮ್ ಪ್ರಮುಖ ಪಾತ್ರ ವಹಿಸಿರುವ ಸಿನಿಮಾ ಪ್ರೇಕ್ಷಕರನ್ನು ರಂಜಿಸುವಲ್ಲಿ ಯಶಸ್ವಿ ಆಗಿದೆ. ಕೆಲ ಸಮಯದಿಂದ ಸೋಲಿನ ರುಚಿ ಕಂಡಿದ್ದ ಅಕ್ಷಯ್ ಅವರಿಗೆ ಓಎಂಜಿ ಸೀಕ್ವೆಲ್ ಗೆಲುವಿನ ಸಿಹಿ ಕೊಟ್ಟಿದ್ದು, ಮುಂದಿನ ಸಿನಿಮಾಗಳ ಮೇಲೆ ನಟ ಗಮನ ಹರಿಸಿದ್ದಾರೆ. ಯಶಸ್ವಿ ಪಯಣ ಮುಂದುವರಿಯಲಿ ಎಂದು ಅಭಿಮಾನಿಗಳು ಆಶಿಸಿದ್ದಾರೆ.
