ಆಲಿಯಾ ಭಟ್ ಹಾಗೂ ರಣ್ಬೀರ್ ಕಪೂರ್ ಬಾಲಿವುಡ್ನ ಪವರ್ಫುಲ್ ಕಪಲ್ಗಳಲ್ಲೊಬ್ಬರು. ಅಪಾರ ಸಂಖ್ಯೆಯ ಅಭಿಮಾನಿಗಳ ಮೆಚ್ಚಿನ ಜೋಡಿಗಳಲ್ಲೊಂದು. ನಟಿ ಆಲಿಯಾ ಭಟ್, 'ರಾಕಿ ಔರ್ ರಾಣಿ ಕಿ ಪ್ರೇಮ್ ಕಹಾನಿ' ಮತ್ತು 'ಹಾರ್ಟ್ ಆಫ್ ಸ್ಟೋನ್'ನ ಯಶಸ್ಸಿನಲೆಯಲ್ಲಿ ತೇಲುತ್ತಿದ್ದಾರೆ. ಇತ್ತ ನಟ ರಣ್ಬೀರ್ ಕಪೂರ್ ತಮ್ಮ ಮುಂದಿನ ಬಹುನಿರೀಕ್ಷಿತ ಚಿತ್ರ 'ಅನಿಮಲ್' ಬಿಡುಗಡೆಗೆ ಸಜ್ಜಾಗುತ್ತಿದ್ದಾರೆ. ಸದ್ಯ, ಅಫ್ಘನ್ ಕ್ರಿಕೆಟಿಗ ರಶೀದ್ ಖಾನ್ ಜೊತೆ ರಾಲಿಯಾ ಜೋಡಿ ಕ್ಲಿಕ್ಕಿಸಿಕೊಂಡಿರುವ ಫೋಟೋ ಸಖತ್ ಸದ್ದು ಮಾಡುತ್ತಿದೆ.
ಕೊನೆ ಸಿನಿಮಾಗಳ ಯಶಸ್ಸಿನ ಖುಷಿಯಲ್ಲಿರುವ ಆಲಿಯಾ ಭಟ್, ಪತಿ ರಣ್ಬೀರ್ ಮತ್ತು ಮುದ್ದು ಮಗಳು ರಾಹಾ ಜೊತೆ ನ್ಯೂಯಾರ್ಕ್ ಪ್ರವಾಸ ಕೈಗೊಂಡಿದ್ದಾರೆ. ಗಂಗೂಬಾಯಿ ಕಥಿಯಾವಾಡಿ ನಟಿ ಹಂಚಿಕೊಂಡಿರುವ ಫೋಟೋಗಳ ಪ್ರಕಾರ, ಈ ಫೇಮಸ್ ಕಪಲ್ ನ್ಯೂಯಾರ್ಕ್ನಲ್ಲಿ ಉತ್ತಮ ಸಮಯ ಕಳೆಯುತ್ತಿರುವಂತೆ ತೋರುತ್ತಿದೆ. ನ್ಯೂಯಾರ್ಕ್ ಪ್ರವಾಸ ಆನಂದಿಸುತ್ತಿರುವ ರಾಲಿಯಾ ಗಣ್ಯರನ್ನೂ ಸಹ ಭೇಟಿ ಆಗಿದ್ದಾರೆ. ಅಲ್ಲದೇ, ಅವರೊಂದಿಗೆ ಫೋಟೋಗಳನ್ನು ಕ್ಲಿಕ್ಕಿಸಿಕೊಂಡಿದ್ದಾರೆ. ಇತ್ತೀಚೆಗೆ ರಶೀದ್ ಖಾನ್ ಅವರನ್ನೂ ಭೇಟಿ ಆಗಿದ್ದು, ಅಫ್ಘಾನಿಸ್ತಾನ ಕ್ರಿಕೆಟಿಗ ಫೋಟೊಗಳನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ.
ಗುರುವಾರ ರಾತ್ರಿ ಅಂತಾರಾಷ್ಟ್ರೀಯ ಕ್ರಿಕೆಟಿಗ ರಶೀದ್ ಖಾನ್ ಅವರು ತಮ್ಮ ಅಧಿಕೃತ ಇನ್ಸ್ಟಾಗ್ರಾಮ್ ಅಕೌಂಟ್ನಲ್ಲಿ ಆಲಿಯಾ ಭಟ್ ಹಾಗೂ ರಣ್ಬೀರ್ ಕಪೂರ್ ಜೊತೆಗಿನ ಫೋಟೋವನ್ನು ಶೇರ್ ಮಾಡಿದ್ದಾರೆ. ಫೋಟೋ ಹಂಚಿಕೊಂಡ ಕ್ರಿಕೆಟಿಗ, ''ಬಾಲಿವುಡ್ನ ಗಣ್ಯರೊಂದಿಗೆ, ರಣ್ಬೀರ್ ಮತ್ತು ಆಲಿಯಾ ನಿಮ್ಮನ್ನು ಭೇಟಿಯಾಗಿದ್ದು ಸಂತೋಷವಾಯಿತು'' ಎಂದು ಬರೆದುಕೊಂಡಿದ್ದಾರೆ. ರಶೀದ್ ಖಾನ್ ಅವರು ರಾಲಿಯಾ ಕಪಲ್ ಜೊತೆ ನಿಂತು ನಗು ನಗುತ್ತಾ ಕ್ಯಾಮರಾಗೆ ಪೋಸ್ ಕೊಟ್ಟಿದ್ದಾರೆ. ಆಲಿಯಾ ಮತ್ತು ರಶೀದ್ ಬ್ಲ್ಯಾಕ್ ಡ್ರೆಸ್ನಲ್ಲಿ ಕಾಣಿಸಿಕೊಂಡರೆ, ರಣ್ಬೀರ್ ಗ್ರೇ ಕಲರ್ ಟೀ ಶರ್ಟ್ ಧರಿಸಿದ್ದರು.
ಇದನ್ನೂ ಓದಿ: 'ಭೀಮ'ನಾಗಿ ಗಮನ ಸೆಳೆಯುತ್ತಿರುವ ದುನಿಯಾ ವಿಜಯ್ 'ಬ್ಯಾಡ್ ಬಾಯ್ಸ್' ಜೊತೆ ಯಾವಾಗ ಬರ್ತಾರೆ?
ಇದಕ್ಕೂ ಮುನ್ನ ಆಲಿಯಾ ಭಟ್ ತಮ್ಮ ರಜಾ ದಿನದ ನೋಟ ಹಂಚಿಕೊಂಡಿದ್ದರು. ತಾವು ತಂಗಿರುವ ಹೋಟೆಲ್ನಲ್ಲಿ ಕ್ಲಿಕ್ಕಿಸಿಕೊಂಡಿರುವ ಫೋಟೋ ಶೇರ್ ಮಾಡಿದ್ದರು. ಸ್ವಿಮ್ಮಿಂಗ್ ಪೂಲ್ನಲ್ಲಿ ವಾಟರ್ ಬೇಬಿ ಆಗಿ ಬಾಲಿವುಡ್ ಬೆಡಗಿ ಕಾಣಿಸಿಕೊಂಡಿದ್ದರು.
ಇದನ್ನೂ ಓದಿ: ರಿಲಾಕ್ಸ್ ಮೂಡ್ನಲ್ಲಿ ನಟಿ ಆಲಿಯಾ ಭಟ್: ವಾಟರ್ ಬೇಬಿ ಫೋಟೋಗೆ ಅರ್ಜುನ್ ಕಪೂರ್ ಕಮೆಂಟ್
ಇತ್ತೀಚೆಗೆ ರಾಕಿ ಔರ್ ರಾಣಿ ಕಿ ಪ್ರೇಮ್ ಕಹಾನಿ ಚಿತ್ರದಲ್ಲಿ ಆಲಿಯಾ ನಟಿಸಿದ್ದರು. ಬಾಲಿವುಡ್ನ ಖ್ಯಾತ ಚಲನಚಿತ್ರ ನಿರ್ಮಾಪಕ ಕರಣ್ ಜೋಹರ್ ಈ ಚಿತ್ರವನ್ನು ನಿರ್ದೇಶಿಸಿ ನಿರ್ಮಾಣವನ್ನೂ ಮಾಡಿದ್ದರು. ರಣ್ವೀರ್ ಸಿಂಗ್ ಜೊತೆಗಿನ ಈ ಸಿನಿಮಾ ಸೂಪರ್ ಹಿಟ್ ಆಗಿದೆ. ಇನ್ನೂ ರಣ್ಬೀರ್ ಕಪೂರ್ ಅವರ ಅನಿಮಲ್ ಸಿನಿಮಾ ರಿಲೀಸ್ಗೆ ರೆಡಿ ಆಗುತ್ತಿದೆ. ಮೊದಲ ಬಾರಿಗೆ ಕನ್ನಡತಿ ರಶ್ಮಿಕಾ ಮಂದಣ್ಣ ಅವರು ರಣ್ಬೀರ್ ಕಪೂರ್ ಜೊತೆ ಸ್ಕ್ರೀನ್ ಶೇರ್ ಮಾಡಿದ್ದಾರೆ. ಬಹುನಿರೀಕ್ಷಿತ ಸಿನಿಮಾ ಡಿಸೆಂಬರ್ 1 ರಂದು ತೆರೆಕಾಣಲು ಸಜ್ಜಾಗಿದೆ.
