ಬೆಂಗಳೂರು: ಬಹು ನಿರೀಕ್ಷೆಯ ಪ್ಯಾನ್ ಇಂಡಿಯಾ ಸಿನಿಮಾ 'ಆದಿಪುರುಷ್' ಬಿಡುಗಡೆಗೆ ಕೌಂಟ್ ಡೌನ್ ಶುರುವಾಗಿದೆ. ನಟ ಪ್ರಭಾಸ್ ರಾಮನಾಗಿ ನಟಿ ಕೃತಿ ಸನೋನ್ ಸೀತೆಯಾಗಿ ಕಾಣಿಸಿಕೊಳ್ಳುತ್ತಿರುವ ಈ ಚಿತ್ರದ ಬಗ್ಗೆ ಈಗಾಗಲೇ ನಿರೀಕ್ಷೆಗಳು ಹೆಚ್ಚಿದ್ದು, ಮುಖಂಡರ ಟಿಕೆಟ್ ಖರೀದಿ ಆರಂಭವಾಗಿದೆ. ಚಿತ್ರ ಬಿಡುಗಡೆಗೂ ಎರಡು ದಿನ ಮೊದಲೇ ಟಿಕೆಟ್ಗಳು ದುಬಾರಿ ಬೆಲೆಯಲ್ಲಿ ಮಾರಾಟ ಆಗುತ್ತಿವೆ. ಇತ್ತೀಚಿನ ವರದಿ ಅನುಸಾರ, ದೆಹಲಿ ಮತ್ತು ಮುಂಬೈನಂತಹ ಪ್ರಮುಖ ನಗರಗಳಲ್ಲಿ ಈಗಾಗಲೇ 2000ರೂಗೆ ಒಂದರಂತೆ ಟಿಕೆಟ್ಗಳು ಮಾರಾಟ ಆಗುತ್ತಿದ್ದು, ಹೌಸ್ಫುಲ್ ಆಗುತ್ತಿವೆ.
ಓಂ ರಾವತ್ ನಿರ್ದೇಶದನ 'ಆದಿಪುರುಷ್' ಚಿತ್ರನ್ನು ದೊಡ್ಡ ಬಜೆಟ್ನಲ್ಲಿ ನಿರ್ಮಾಣ ಮಾಡಲಾಗುತ್ತಿದೆ. ಮಹಾಪುರಾಣವಾದ ರಾಮಾಯಣದ ಕಥೆಯಾಧಾರಿತ ಈ ಚಿತ್ರದ ಪ್ರಮುಖ ಹೈಲೈಟ್ ಗ್ರಾಫಿಕ್ಸ್ ಆಗಿದೆ. ನಟ ಸೈಫ್ ಆಲಿ ಖಾನ್, ಸನ್ನಿಸಿಂಗ್ ಮತ್ತು ದೇವದತ್ತ್ ನೇಗ್ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ಜೂನ್ 16ರಂದು ಈ ಚಿತ್ರ 3ಡಿ ರೂಪದಲ್ಲಿ ವಿಶ್ವಾದ್ಯಂತ ಬಿಡುಗಡೆ ಕಾಣುತ್ತಿದೆ.
ವರದಿ ಅನುಸಾರ, ಕೆಲವು ಥಿಯೇಟರ್ಗಳು ಚಿತ್ರದ ಮೊದಲ ದಿನದ ಟಿಕೆಟ್ಗಳನ್ನು 2 ಸಾವಿರ ರೂಗೆ ಮಾರಾಟ ಮಾಡುತ್ತಿದೆ. ದೆಹಲಿಯ ಪಿವಿಆರ್ ವೆಗಸ್ ಲುಕ್ಸ್, ದ್ವಾರಕಾ ದಲ್ಲಿ ಈಗಾಗಲೇ 2000ಕ್ಕೆ ಟಿಕೆಟ್ ಮಾರಾಟವಾಗುತ್ತಿದೆ. ಆಯ್ದ ನಗರಗಳಲ್ಲಿ ಪಿವಿಆರ್ ಗೋಲ್ಡ್ನಲ್ಲಿ 1800 ರೂ.ಗೆ ಟಿಕೆಟ್ ಮಾರಾಟ ಆಗುತ್ತಿದೆ. ನೋಯ್ಡಾದ ಪಿವಿಆರ್ ಗೋಲ್ಡ್ ಲೊಗಿಕ್ಸ್ನಲ್ಲಿ 1650 ರೂ.ಗೆ ಒಂದು ಟಿಕೆಟ್ ಮಾರಾಟ ಆಗುತ್ತಿದೆ. ಪಿವಿಆರ್ ಲೊಜಿಕ್ಸ್ ಸಿಟಿ ಸೆಂಟರ್ನಲ್ಲಿ ಫ್ಲಾಶ್ ಟಿಕೆಟ್ 1150 ರೂಗೆ ಮಾರಾಟವಾಗುತ್ತಿದೆ.
ಮುಂಬೈನ ಮೆಸೊನ್ ಪಿವಿಆರ್: ಲಿವಿಂಗ್ ರೂಂ, ಲುಕ್ಸ್, ಜಿಯೋ ವರ್ಲ್ಡ್ ಡ್ರೈವ್, ಬಿಕೆಸಿ, ಟಿಕೆಟ್ಗಳು 2000ರೂಗೆ ಟಿಕೆಟ್ ಮಾರಾಟವಾಗುತ್ತಿದೆ. ಕಲ್ಕತ್ತಾ ಮತ್ತು ಬೆಂಗಳೂರಿನದಲ್ಲೂ ಕೂಡ ದುಬಾರಿ ಬೆಲೆಗೆ ಟಿಕೆಟ್ ಮಾರಾಟವಾಗುತ್ತಿದ್ದು, ಚೆನ್ನೈ ಮತ್ತು ಹೈದರಾಬಾದ್ನಲ್ಲಿ ಕೈಗೆಟುಕುವ ದರದಲ್ಲಿ ಟಿಕೆಟ್ ಮಾರಾಟವಾಗುತ್ತಿದೆ. ಇನ್ನು ಚಿತ್ರದ ಕುರಿತು ಸಿನಿ ಮಂದಿ ಕೂಡ ಮೆಚ್ಚುಗೆ ಮಾತನಾಡಿದ್ದು, ಇದಕ್ಕೆ ಪ್ರೋತ್ಸಾಹ ನೋಡುತ್ತಿದ್ದಾರೆ. ಇತ್ತೀಚೆಗೆ ನಟ ರಣಬೀರ್ ಕೂಡ ಆದಿಪುರುಷ್ ಚಿತ್ರದ 10000 ಟಿಕೆಟ್ಗಳನ್ನು ಬಡ ಮಕ್ಕಳಿಗೆ ಚಿತ್ರ ವೀಕ್ಷಣೆಗೆ ನೀಡುತ್ತಿರುವುದಾಗಿ ತಿಳಿಸಿದ್ದರು.
ಇನ್ನು ಖ್ಯಾತ ಸಿನಿಮಾ ವಿಶ್ಲೇಷಕ ತರಣ್ ಆದರ್ಶ್ ಈ ಕುರಿತು ಟ್ವಿಟರ್ನಲ್ಲಿ ತಿಳಿಸಿದ್ದರು. ರಣಬೀರ್ ಕಪೂರ್ ಆದಿ ಪುರಷ್ ಸಿನಿಮಾದ 10 ಸಾವಿರ ಟಿಕೆಟ್ಗಳನ್ನು ಬಡ ಮಕ್ಕಳಿಗಾಗಿ ಬುಕ್ ಮಾಡಿದ್ದಾರೆ ಎಂದು ತಿಳಿಸಿದ್ದರು.
ರಣಬೀರ್ ಬೆನ್ನಲ್ಲೇ ಟಾಲಿವುಡ್ ನಿರ್ಮಾಪಕ ಅಭಿಷೇಕ್ ಅಗರ್ವಾಲ್ ಕೂಡ ಆದಿಪುರುಷ್ ಸಿನಿಮಾದ 10 ಸಾವಿರ ಟಿಕೆಟ್ಗಳನ್ನು ತೆಲಂಗಾಣದ ಸರ್ಕಾರಿ ಶಾಲೆ, ಅನಾಥಾಶ್ರಮ ಮತ್ತು ವೃದ್ಧಾಶ್ರಮಗಳಿಗೆ ನೀಡುವುದಾಗಿ ಘೋಷಿಸಿದರು. ಇನ್ನು ಜೂನ್ 16ರಂದು ಸಿನಿಮಾ ಬಿಡುಗಡೆಗೆ ಮುನ್ನವೇ ಈ ಚಿತ್ರ ಈಗಾಗಲೇ ಟ್ರಬೆಕಾ ಫಿಲ್ಮ್ ಫೆಸ್ಟಿವಲ್ನಲ್ಲಿ ಪ್ರದರ್ಶನ ಕಂಡಿದೆ. ಅದ್ಭುತ ಗ್ರಾಫಿಕ್ಸ್ ಮೂಲಕ ಮೂಡಿ ಬಂದಿರುವ ಚಿತ್ರದ ಕುರಿತು ಮೆಚ್ಚುಗೆ ಮಾತು ಕೇಳಿ ಬಂದಿದೆ.
ಇದನ್ನೂ ಓದಿ: Adipurush ಬಿಡುಗಡೆಗೆ ಎರಡೇ ದಿನ ಬಾಕಿ: ಮೊದಲ ದಿನದ ಕಲೆಕ್ಷನ್ ಬಗ್ಗೆ ಈಗ್ಲೇ ಲೆಕ್ಕಾಚಾರ ಶುರು!
