Adipurush: 'ಆದಿಪುರುಷ'ನಿಗೆ ಭಾರಿ ಆಕ್ಷೇಪ; ವಿವಾದಿತ ಸಂಭಾಷಣೆ​ ಬದಲಿಸಲು ಚಿತ್ರತಂಡ ನಿರ್ಧಾರ

ತೀವ್ರ ವಿರೋಧಕ್ಕೆ ಕಾರಣವಾದ ಡೈಲಾಗ್ಸ್ ಸರಿಪಡಿಸುತ್ತೇವೆ ಎಂದು ಆದಿಪುರುಷ್​ ಚಿತ್ರತಂಡ ಹೇಳಿದೆ.

ಬಿಗ್​​ ಬಜೆಟ್​​ ಚಿತ್ರ 'ಆದಿಪುರುಷ್​​' ಬಿಡುಗಡೆಯಾಗಿ ಕೇವಲ 2 ದಿನಗಳಾಗಿದ್ದು ಹಲವು ವಿರೋಧಗಳನ್ನು ಎದುರಿಸುತ್ತಿದೆ. ಗ್ರಾಫಿಕ್ಸ್​​ ಮಾತ್ರವಲ್ಲದೇ ಚಿತ್ರದ ಡೈಲಾಗ್ಸ್‌ಗೂ ಆಕ್ಷೇಪ ವ್ಯಕ್ತವಾಗಿದೆ. ಇದರ ಮಧ್ಯೆ ಚಿತ್ರದ ಸಂಭಾಷಣೆ ಬರಹಗಾರ ಮನೋಜ್ ಮುಂತಶಿರ್ ಶುಕ್ಲಾ ಅವರ ಟ್ವೀಟ್ ಮುನ್ನೆಲೆಗೆ ಬಂದಿದೆ. ಆಕ್ಷೇಪ ವ್ಯಕ್ತವಾಗುತ್ತಿರುವ ಚಿತ್ರದ ಡೈಲಾಗ್​​ಗಳನ್ನು ಬದಲಾಯಿಸುವ ಕುರಿತು ತಿಳಿಸಿದ್ದಾರೆ. ಅಲ್ಲದೇ ಈ ವಾರ ಚಿತ್ರವು ಪರಿಷ್ಕೃತ ಸಂಭಾಷಣೆಗಳೊಂದಿಗೆ ಬಿಡುಗಡೆ ಆಗಲಿದೆಯಂತೆ.

ಆದಿಪುರುಷ್​ ಸಿನಿಮಾ ಜೂನ್ 16ರಂದು ಚಿತ್ರಮಂದಿರಗಳಲ್ಲಿ ಬಿಡುಗಡೆ ಆಗಿದೆ. ಮೊದಲ ದಿನವೇ ಚಿತ್ರದ ಕೆಲವು ಡೈಲಾಗ್‌ಗಳಿಗೆ ಪ್ರೇಕ್ಷಕರು ತೀವ್ರ ಅಸಮಾಧಾನ ವ್ಯಕ್ತಪಡಿಸಿದ್ದರು. ಗ್ರಾಫಿಕ್​ ವಿಚಾರವಾಗಿಯೂ ಟೀಕೆ ವ್ಯಕ್ತವಾಗಿತ್ತು. ಇದಾದ ನಂತರ ಸಂಭಾಷಣೆ ಬರಹಗಾರ ಮನೋಜ್ ಮುಂತಶಿರ್ ಶುಕ್ಲಾ ಸಂದರ್ಶನವೊಂದರಲ್ಲಿ ಈ ಬಗ್ಗೆ ಸ್ಪಷ್ಟನೆ ನೀಡಿದ್ದರು. 'ನಾವು ರಾಮಾಯಣ ಮಾಡಿಲ್ಲ, ರಾಮಾಯಣದಿಂದ ಸ್ಫೂರ್ತಿ ಪಡೆದಿದ್ದೇವೆ' ಎಂದಿದ್ದರು. ಎರಡನೇ ದಿನವೂ ಆದಿಪುರುಷ್​ ಚಿತ್ರಕ್ಕೆ ಸಂಬಂಧಿಸಿದ ವಿವಾದ ಹೆಚ್ಚಾಯಿತು.

• रामकथा से पहला पाठ जो कोई सीख सकता है, वो है हर भावना का सम्मान करना.
  सही या ग़लत, समय के अनुसार बदल जाता है, भावना रह जाती है.
  आदिपुरुष में 4000 से भी ज़्यादा पंक्तियों के संवाद मैंने लिखे, 5 पंक्तियों पर कुछ भावनाएँ आहत हुईं.
  उन सैकड़ों पंक्तियों में जहाँ श्री राम का यशगान…

  — Manoj Muntashir Shukla (@manojmuntashir) June 18, 2023 " class="align-text-top noRightClick twitterSection" data="

  रामकथा से पहला पाठ जो कोई सीख सकता है, वो है हर भावना का सम्मान करना.
  सही या ग़लत, समय के अनुसार बदल जाता है, भावना रह जाती है.
  आदिपुरुष में 4000 से भी ज़्यादा पंक्तियों के संवाद मैंने लिखे, 5 पंक्तियों पर कुछ भावनाएँ आहत हुईं.
  उन सैकड़ों पंक्तियों में जहाँ श्री राम का यशगान…

  — Manoj Muntashir Shukla (@manojmuntashir) June 18, 2023

  ">

  रामकथा से पहला पाठ जो कोई सीख सकता है, वो है हर भावना का सम्मान करना.
  सही या ग़लत, समय के अनुसार बदल जाता है, भावना रह जाती है.
  आदिपुरुष में 4000 से भी ज़्यादा पंक्तियों के संवाद मैंने लिखे, 5 पंक्तियों पर कुछ भावनाएँ आहत हुईं.
  उन सैकड़ों पंक्तियों में जहाँ श्री राम का यशगान…

  — Manoj Muntashir Shukla (@manojmuntashir) June 18, 2023

ಈ ಬೆನ್ನಲ್ಲೇ ಇಂದು ಮನೋಜ್ ಮುಂತಶಿರ್ ಶುಕ್ಲಾ ಟ್ವೀಟ್​ ಮಾಡಿದ್ದಾರೆ. 'ನಾನು ಇಡೀ ಚಿತ್ರಕ್ಕೆ 4,000ಕ್ಕೂ ಹೆಚ್ಚು ಸಂಭಾಷಣೆಗಳನ್ನು ಬರೆದಿದ್ದೇನೆ, ಆದರೆ ಕೆಲ ಆಯ್ದ ಸಂಭಾಷಣೆಗಳಿಗೆ ಮಾತ್ರ ವಿರೋಧ ವ್ಯಕ್ತವಾಗುತ್ತಿದೆ. 3 ಗಂಟೆಗಳ ಚಲನಚಿತ್ರದಲ್ಲಿ, ನಾನು ನಿಮ್ಮ ಕಲ್ಪನೆಯ ಕೆಲ 3 ನಿಮಿಷಗಳನ್ನು ಪ್ರತ್ಯೇಕಿಸಿರಬಹುದು. ಡೈಲಾಗ್ಸ್​ ನಿಮಗೆ ಹಿಡಿಸದೇ ಇರಬಹುದು. ಅದಕ್ಕಾಗಿ ನೀವು ನನ್ನತ್ತ ಬೆರಳು ತೋರಿಸಲು ಪ್ರಾರಂಭಿಸಿದ್ದೀರಿ. ನನ್ನವರೇ ನನ್ನ ವಿರುದ್ಧ ಟೀಕೆ ಮಾಡಿದ್ದಾರೆ. ಆದಿಪುರುಷ್​ ಚಿತ್ರದ ಹಾಡುಗಳನ್ನೂ ನಾನೇ ಬರೆದಿದ್ದೇನೆ. ಆದರೆ ಯಾರೂ ಅದನ್ನು ಗಮನಿಸಲಿಲ್ಲ' ಎಂದು ಹೇಳಿದ್ದಾರೆ.

'ಇಷ್ಟೆಲ್ಲ ಆದರೂ ನನ್ನ ಮನಸ್ಸಿನಲ್ಲಿ ನಿಮ್ಮ ಬಗ್ಗೆ ಯಾವುದೇ ಕೆಟ್ಟ ಭಾವನೆ ಇಲ್ಲ. ನಿಮ್ಮ ಭಾವನೆಗಳು ನನಗೆ ಮುಖ್ಯ. ಹೀಗಾಗಿ ಎಲ್ಲರ ಭಾವನೆಗಳಿಗೆ ನೋವುಂಟು ಮಾಡಿರುವ ಆ ಡೈಲಾಗ್‌ಗಳನ್ನು ಚಿತ್ರದಲ್ಲಿ ಪರಿಷ್ಕರಿಸಲು ನಾನು ಮತ್ತು ಚಿತ್ರದ ನಿರ್ಮಾಪಕರು ನಿರ್ಧರಿಸಿದ್ದೇವೆ. ಈ ವಾರ ಸರಿಪಡಿಸುತ್ತೇವೆ' ಎಂದು ಭರವಸೆ ನೀಡಿದ್ದಾರೆ.

ಇದನ್ನೂ ಓದಿ: Adipurush Collection: ವಿವಾದಗಳ ಹೊರತಾಗಿಯೂ 2 ದಿನದಲ್ಲಿ ₹200 ಕೋಟಿ ಬಾಚಿದ ಆದಿಪುರುಷ್​

ಇದಕ್ಕೂ ಮುನ್ನ ಸ್ಪಷ್ಟನೆ ನೀಡಿದ್ದ ಮನೋಜ್ ಮುಂತಶಿರ್ ಶುಕ್ಲಾ, "ಹನುಮಂತನಿಗೆ ಸಂಬಂಧಿಸಿದ ಸಂಭಾಷಣೆಗಳನ್ನು ತಪ್ಪಾಗಿ ಬರೆದಿಲ್ಲ. ಬಹಳ ಕಾಳಜಿ ವಹಿಸಿಯೇ ಡೈಲಾಗ್​ಗಳನ್ನು ಬರೆದೆ. ಒಂದು ಸಿನಿಮಾ ಅಂದ್ಮೇಲೆ ಹಲವು ಪಾತ್ರಗಳಿರುತ್ತವೆ, ಸಂಭಾಷಣಾ ಶೈಲಿ ವಿಭಿನ್ನವಾಗಿರುತ್ತದೆ. ಈ ಹಿನ್ನೆಲೆಯಲ್ಲಿ ವ್ಯತ್ಯಾಸವನ್ನು ತೋರಿಸಲು ಡೈಲಾಗ್ಸ್​ಗಳನ್ನು ಸರಳ ಮಾಡಿದ್ದೇನೆ'' ಎಂದು ಹೇಳಿದ್ದರು.

ಇದನ್ನೂ ಓದಿ: 'ಆದಿಪುರುಷ್​' ಹನುಮಂತನ ಡೈಲಾಗ್ಸ್​ ಟ್ರೋಲ್​.. ಸಂಭಾಷಣೆ ಬರಹಗಾರರು ಹೇಳಿದ್ದೇನು?

ಆದಿಪುರುಷ್ ಕಲೆಕ್ಷನ್​: ಶುಕ್ರವಾರ ತೆರೆಕಂಡಿರುವ ಆದಿಪುರುಷ್ ಜಗತ್ತಿನಾದ್ಯಂತ ಮೊದಲ ದಿನ 140 ಕೋಟಿ ರೂಪಾಯಿ ಕಲೆಕ್ಷನ್ ಮಾಡಿದೆ. ಮೊದಲ ದಿನದ ದೇಶೀಯ ಬಾಕ್ಸ್​​ ಆಫೀಸ್​​ ಕಲೆಕ್ಷನ್​ ಸಂಖ್ಯೆ 86 ಕೋಟಿ ರೂ. ಇದ್ದರೆ ಎರಡನೇ ದಿನದ ಚಿತ್ರದ ಗಳಿಕೆ 65 ಕೋಟಿ ರೂ. ಆಗಿದೆ.