ಬೆಂಗಳೂರು: ಬಾಲಿವುಡ್ ನಟಿ ಸಾರಾ ಆಲಿ ಖಾನ್ ಫಿಟ್ನೆಸ್ ಎಂದರೆ ಬಲು ಇಷ್ಟ ಎಂಬುದು ಗೊತ್ತಿರುವ ಸಂಗತಿ. ಸಿನಿಮಾ ಪ್ರವೇಶಕ್ಕೂ ಮುನ್ನ ಇದೇ ಫಿಟ್ನೆಸ್ ಸಹಾಯದಿಂದ ತೂಕ ನಷ್ಟಕ್ಕೆ ಮುಂದಾಗಿದ್ದ ಸಾರಾ, ಇದೀಗ ಮತ್ತಷ್ಟು ಇದರ ಮೋಡಿಗೆ ಒಳಗಾಗಿದ್ದಾರೆ. ಇದರ ಫಲಿತಾಂಶವಾಗಿ ಅದ್ಬುತ ಬದಲಾವಣೆ ಗಮನಿಸಬಹುದಾಗಿದೆ. ತಮ್ಮ ಹೊಸ ವರ್ಕ್ಔಟ್ ವಿಡಿಯೋವನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿರುವ ಸಾರಾ ಅವರನ್ನು ನೋಡಿದ ಅಭಿಮಾನಿಗಳು ವಾಹ್ ಎನ್ನದೇ ಇರಲಾರರು. ಸೋಮವಾರದ ಪ್ರೇರಣಾದಾಯಕ ವಿಡಿಯೋ ಆಗಿ ತಮ್ಮ ಜಿಮ್ನ ಫೋಟೋವನ್ನು ಅವರು ಹಂಚಿಕೊಂಡಿದ್ದಾರೆ.
ಹೊಸ ವಿಡಿಯೋದಲ್ಲಿ ಜಿಮ್ನಲ್ಲಿ ಬೆವರು ಸುರಿಸುತ್ತಿರುವ ನಟಿ, ಹೊಸ ವಾರದ ಸಂಭ್ರಮ, ಮತ್ತಷ್ಟು ಇಂಚು ಕರಗಿಸುವ ಗುರಿ, ಮತ್ತಷ್ಟು ಪಂಚ್, ಕೆಲವು ಸ್ನಿಕ್ ಪಿಕ್ ಎಂದು ಸಣ್ಣ ವಿಡಿಯೋ ಹಂಚಿಕೊಂಡಿದ್ದಾರೆ. ಇದೇ ವೇಳೆ, ನನ್ನ ಮೊದಲ ಪ್ರೀತಿ ವರ್ಕ್ ಔಟ್ಗೆ ಇದೆ. ಇದು ನನ್ನ ದೇಹವನ್ನು ಮತ್ತಷ್ಟು ಹುರಿಗೊಳಿಸಲು ಸಹಾಯ ಮಾಡುತ್ತದೆ ಎಂದು ಬರೆದುಕೊಂಡಿದ್ದಾರೆ.
ಜಿಮ್ನಲ್ಲೂ ಮೇಕಪ್ನಲ್ಲಿ ಕಂಗೊಳಿಸಿದ ನಟಿ: ಇನ್ನು ನಟಿ ಸಾರಾ ಅವರು ತಮ್ಮ ಈ ಫಿಟ್ನೆಸ್ ವಿಡಿಯೋವನ್ನು ಇನ್ಸ್ಟಾಗ್ರಾಂನಲ್ಲಿ ಹಂಚಿಕೊಳ್ಳುತ್ತಿದ್ದಂತೆ, ಅಭಿಮಾನಿಗಳು ಅವರ ಫಿಟ್ನೆಸ್ ಪ್ರೀತಿ, ಸಮರ್ಪಣೆಗೆ ಮೆಚ್ಚುಗೆ ವ್ಯಕ್ತಪಡಿಸಿದ್ದು, ಭಾರಿ ಕಮೆಂಟ್ಗಳ ಸುರಿಮಳೆ ಮಾಡಿದ್ದಾರೆ. ಅನೇಕ ಮಂದಿ ಈಗಾಗಲೇ ಸಾರಾ ಅವರ ಜಿಮ್ ಲುಕ್ ನೋಡಲು ಕಾತರಾರಾಗಿದ್ದರು. ಈ ಕುರಿತು ಕೆಲವರು ಟ್ವೀಟ್ ಮಾಡಿದ್ದು, ಜಿಮ್ನಲ್ಲೂ ಸಂಪೂರ್ಣ ಮೇಕಪ್ನಲ್ಲಿದ್ದೀರಲ್ಲ ಎಂದು ಪ್ರಶ್ನಿಸಿದ್ದಾರೆ. ಇದಕ್ಕೆ ಮತ್ತೊಬ್ಬರು ಆಕೆ ನೇರವಾಗಿ ಸಿನಿಮಾ ಶೂಟ್ನಿಂದ ಜಿಮ್ಗೆ ಬಂದಿರಬೇಕು ಎಂದಿದ್ದಾರೆ.
ಸದ್ಯ ನಟಿ ಸಾರಾ ಅವರು ಏ ವತನ್ ಮೆರೆ ಏ ವತನ್ ಎಂಬ ದೇಶಭಕ್ತಿ ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ. ಇದರ ಜೊತೆಗೆ ರೋಮ್ಯಾಂಟಿಕ್ ಕಾಮಿಡಿ ಚಿತ್ರವಾದ ಜಾರ ಹಟ್ಕೆ ಜಾರ ಬಚ್ಕೆ ಶೂಟಿಂಗ್ನಲ್ಲೂ ಬ್ಯೂಸಿಯಾಗಿದ್ದಾರೆ. ಇದರ ಹೊರತಾಗಿ ಥ್ರಿಲ್ಲರ್ ಚಿತ್ರವಾದ ಮರ್ಡರ್ ಮುಬಾರಕ್ ಮತ್ತು ಜಗನ್ ಶಕ್ತಿ ಅವರ ಹೆಸರಿಡದ ಸಿನಿಮಾದಲ್ಲಿ ಅವರು ನಟಿಸುತ್ತಿದ್ದಾರೆ.
ಸುತ್ತಾಟ ಇಷ್ಟಪಡುವ ನಟಿ: ಸಿನಿಮಾ, ಫಿಟ್ನೆಸ್, ಫ್ಯಾಷನ್ ಸೆನ್ಸ್ ಹೊರತಾಗಿ ಸುತ್ತಾಟಗಳಿಂದಲೂ ನಟಿ ಸಾರಾ ಜನರ ಮನಸ್ಸು ಗೆಲ್ಲುತ್ತಿರುತ್ತಾರೆ. ಪ್ರವಾಸದ ಬಗ್ಗೆ ಹೆಚ್ಚಿನ ಕ್ರೇಜ್ ಹೊಂದಿರುವ ನಟಿ, ಆಗ್ಗಿಂದಾಗೆ ಹಲವು ಸ್ಥಳಗಳಿಗೆ ಭೇಟಿ ನೀಡಿ, ಅದರ ಫೋಟೋಗಳನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಳ್ಳುತ್ತಾರೆ. ಕಳೆದ ವರ್ಷ ಜಮ್ಮು - ಕಾಶ್ಮೀರ ಪ್ರವಾಸ ನಡೆಸಿದ್ದರು, ಅಲ್ಲದೇ ಸಹೋದರನೊಂದಿಗೆ ಇಂಗ್ಲೆಡ್ ಸುತ್ತಾಡಿದ್ದರು. ಆಸ್ಟ್ರೇಲಿಯಾ ಮತ್ತು ಕಾತಾರ್ ಪ್ರವಾಸವನ್ನು ಎಂಜಾಯ್ ಮಾಡಿದ್ದರು ಕೂಡ. ಇನ್ನು ಹಲವು ಬಾರಿ ಇವರ ಪ್ರವಾಸಕ್ಕೆ ನಟಿ ಜಾಹ್ನವಿ ಕಪೂರ್ ಕೂಡ ಜೊತೆಯಾಗಿದ್ದರು. ಬಾಲಿವುಡ್ನಲ್ಲಿ ಸಮಕಾಲೀನ ನಟಿಯರು ಉತ್ತಮ ಸ್ನೇಹಿತೆಯರು ಆಗಿರಲು ಸಾಧ್ಯವಿಲ್ಲ ಎಂಬ ಆಪಾದನೆಯನ್ನು ಇವರಿಬ್ಬರು ತೊಡೆದು ಹಾಕಿದ್ದರೂ ಕೂಡ.
ಇದನ್ನೂ ಓದಿ: ಲಕ್ಕಿ ಫ್ಯಾನ್: ಮನ್ನತ್ಗೆ ಆಹ್ವಾನ, ಪಿಜ್ಜಾ ಮಾಡಿಕೊಟ್ಟ ಶಾರುಖ್ ಖಾನ್
