ವಂಚಕ ಸುಕೇಶ್ ಚಂದ್ರಶೇಖರ್ಗೆ ಸಂಬಂಧಿಸಿದ 200 ಕೋಟಿ ರೂಪಾಯಿ ಅಕ್ರಮ ಹಣ ವರ್ಗಾವಣೆ ಪ್ರಕರಣದ ಆರೋಪಿಯಾಗಿರುವ ಬಾಲಿವುಡ್ ನಟಿ ಜಾಕ್ವೆಲಿನ್ ಫರ್ನಾಂಡಿಸ್‌ ಈಗಾಗಲೇ ವಿಚಾರಣೆ ಎದುರಿಸಿ ದೇಶಾದ್ಯಂತ ಸುದ್ದಿಯಾಗಿದ್ದಾರೆ. ಸಿನಿಮಾಗಳ ಸಕ್ಸಸ್ ಜೊತೆಗೆ ವಿವಾದಗಳ ವಿಚಾರವಾಗಿಯೂ ಪ್ರತಿದಿನ ಹೊಸ ಹೊಸ ಸುದ್ದಿ ಮೂಲಕ ಸದ್ದು ಮಾಡುತ್ತಿದ್ದಾರೆ. ಇದೀಗ ವಂಚಕ ಸುಕೇಶ್ ಚಂದ್ರಶೇಖರ್ನೊಂದಿಗೆ ಹೊಂದಿದ್ದ ಸಂಬಂಧದ ಬಗ್ಗೆ ಸುದ್ದಿಯಾಗಿದ್ದಾರೆ.
ಮೂಲಗಳ ಪ್ರಕಾರ, ನಟಿ ಜಾಕ್ವೆಲಿನ್ ಮತ್ತು ಡ್ಯಾನ್ಸರ್ ನೋರಾ ಫತೇಹಿ ವಿಚಾರಣೆ ನಡೆದಿದ್ದು, ಇಬ್ಬರೂ ಪ್ರಕರಣದಲ್ಲಿ ನೇರವಾಗಿ ಭಾಗಿಯಾಗಿಲ್ಲ ಎಂಬುದು ಬಹಿರಂಗವಾಗಿದೆ. ಆದರೆ ಸುಕೇಶ್-ಜಾಕ್ವೆಲಿನ್ ಅವರ ವೈಯಕ್ತಿಕ ವಿಷಯಗಳು ಬಹಿರಂಗವಾಗಿವೆ. ಜಾಕ್ವೆಲಿನ್ ಅವರು ಸುಕೇಶ್ನನ್ನು ಮದುವೆಯಾಗಲು ಮುಂದಾಗಿದ್ದರು. 'ಅವನು ತನ್ನ ಕನಸಿನ ಮನುಷ್ಯ' ಎಂದು ಭಾವಿಸಿದ್ದರು ಎಂದು ಮೂಲಗಳು ತಿಳಿಸಿವೆ.
ಸುಕೇಶ್ ಜಾಕ್ವೆಲಿನ್‌ಗೆ ಕೋಟ್ಯಂತರ ರೂಪಾಯಿ ಬೆಲೆಬಾಳುವ ಉಡುಗೊರೆಗಳು ಮತ್ತು ಅನೇಕ ದುಬಾರಿ ಆಭರಣ ಉಡುಗೊರೆಗಳನ್ನು ನೀಡಿದ್ದಾನೆ ಎಂದು ಇಡಿ ಆರೋಪಪಟ್ಟಿ ಬಹಿರಂಗಪಡಿಸಿದೆ. ಸುಕೇಶ್ನ ಕ್ರಿಮಿನಲ್ ಹಿನ್ನೆಲೆ ತಿಳಿದ ಬಳಿಕ ಜಾಕ್ವೆಲಿನ್ ಸುಕೇಶ್ನೊಂದಿಗಿದ್ದ ಸ್ನೇಹವನ್ನು ಮುಂದುವರಿಸಿದ್ದರು. ಆದರೆ ನೋರಾ ಫತೇಹಿ ಸಂಬಂಧವನ್ನು ಕಡಿತಗೊಳಿಸಿದ್ದರು ಎನ್ನಲಾಗ್ತಿದೆ.
ಇದನ್ನೂ ಓದಿ: ಸುಕೇಶ್ ಬಹುಕೋಟಿ ವಂಚನೆ ಕೇಸ್: ಜಾಕ್ವೆಲಿನ್, ನೋರಾ ಬಳಿಕ ನಿಕ್ಕಿ ತಂಬೋಲಿ ಹೆಸರು!
