ಕಳೆದ ವರ್ಷ ಬಾಯ್ಕಾಟ್ ಬಿಸಿ ನಡುವೆಯೂ ಬಾಕ್ಸ್ ಆಫೀಸ್ನಲ್ಲಿ ಸದ್ದು ಮಾಡಿದ್ದ ಬ್ರಹ್ಮಾಸ್ತ್ರ ಚಿತ್ರದ ನಾಯಕ ನಟ ರಣ್ಬೀರ್ ಕಪೂರ್ ಸದ್ಯ 'ತು ಜೂಠಿ ಮೆ ಮಕ್ಕರ್' ಸಿನಿಮಾ ಬಗ್ಗೆ ಚರ್ಚೆಯಲ್ಲಿದ್ದಾರೆ. ನಟ ರಣ್ಬೀರ್ ಕಪೂರ್ ಮೊದಲ ಬಾರಿಗೆ ನಟಿ ಶ್ರದ್ಧಾ ಕಪೂರ್ ಅವರೊಂದಿಗೆ ತೆರೆ ಕಂಚಿಕೊಂಡಿದ್ದು, ಮಾರ್ಚ್ 8 ರಂದು ಚಿತ್ರ ಬಿಡುಗಡೆ ಆಗಲು ಸಜ್ಜಾಗಿದೆ. ಈ ಹಿನ್ನೆಲೆ ಚಿತ್ರತಂಡವೀಗ ಪ್ರಚಾರ ಕಾರ್ಯದಲ್ಲಿ ಬ್ಯುಸಿಯಾಗಿದೆ.
- " class="align-text-top noRightClick twitterSection" data="
">
ಅಭಿಮಾನಿಯ ಮೊಬೈಲ್ ಎಸೆದ ನಟ: ಬಾಲಿವುಡ್ ಬಹುಬೇಡಿಕೆ ನಟ ರಣ್ಬೀರ್ ಕಪೂರ್ ಈಗಾಗಲೇ ಚಿತ್ರದ ಪ್ರಚಾರವನ್ನು ಪ್ರಾರಂಭಿಸಿದ್ದಾರೆ. ಪ್ರಚಾರದ ವೇಳೆ ಅಭಿಮಾನಿಯೋರ್ವರು ರಣ್ಬೀರ್ ಜೊತೆ ಸೆಲ್ಫಿ ತೆಗೆದುಕೊಳ್ಳಲು ಮುಂದಾಗಿದ್ದಾರೆ. ಸೆಲ್ಫಿ ತೆಗೆದುಕೊಳ್ಳುವ ವೇಳೆ ಅವರು ಅಭಿಮಾನಿಯ ಮೊಬೈಲ್ ತೆಗೆದುಕೊಂಡು ವಾಪಸ್ ಎಸೆದಿದ್ದಾರೆ. ರಣ್ಬೀರ್ ಕಪೂರ್ ಅವರ ಈ ವರ್ತನೆಯ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದ್ದು, ನೆಟ್ಟಿಗರು ತಮ್ಮ ಪ್ರತಿಕ್ರಿಯೆ ವ್ಯಕ್ತಪಡಿಸುತ್ತಿದ್ದಾರೆ.
ಸೆಲ್ಫಿಗೆ ಒಪ್ಪಿಗೆ ಕೊಟ್ಟ ನಟ: ಈ ವೈರಲ್ ವಿಡಿಯೋದಲ್ಲಿ, ರಣ್ಬೀರ್ ಕಪೂರ್ ಸಖತ್ ಹ್ಯಾಂಡ್ಸಂ ಆಗಿ ಕಾಣಿಸಿಕೊಂಡಿದ್ದಾರೆ. ರಣ್ಬೀರ್ ನೀಲಿ ಜೀನ್ಸ್, ಬಿಳಿ ಟೀ ಶರ್ಟ್ ಮತ್ತು ಅದರ ಮೇಲೆ ಬೂದು ಬಣ್ಣದ ಜಾಕೆಟ್ ಧರಿಸಿದ್ದಾರೆ. ರಣ್ಬೀರ್ ಅಭಿಮಾನಿಯೊಬ್ಬರು ಅವರೊಂದಿಗೆ ಸೆಲ್ಫಿಗೆ ಫೋಸ್ ಕೊಡಲು ಮನವಿ ಮಾಡಿದ್ದು, ರಣ್ಬೀರ್ ಒಪ್ಪಿಗೆ ಸೂಚಿಸಿರುವುದನ್ನು ವಿಡಿಯೋದಲ್ಲಿ ಕಾಣಬಹುದು.
- " class="align-text-top noRightClick twitterSection" data="">
ಅಭಿಮಾನಿಯ ವರ್ತನೆಗೆ ತಾಳ್ಮೆ ಕಳೆದುಕೊಂಡ ನಟ: ತಮ್ಮ ಮೆಚ್ಚಿನ ತಾರೆಯನ್ನು ಭೇಟಿ ಆದ ಹಿನ್ನೆಲೆ ಈ ಅಭಿಮಾನಿ ಸಾಕಷ್ಟು ಸಂಭ್ರಮಿಸಿದ್ದಾರೆ. ಆ ಯುವಕ ಎಷ್ಟು ಉತ್ಸುಕನಾಗಿದ್ದನೆಂದರೆ, ಒಂದಲ್ಲ ಎರಡಲ್ಲ ಮೂರು ಬಾರಿ ಮೊಬೈಲ್ ಅನ್ನು ಸೆಟ್ ಮಾಡಿದರೂ ರಣ್ಬೀರ್ ಜೊತೆ ಸೆಲ್ಫಿ ಕ್ಲಿಕ್ಕಿಸಿಕೊಳ್ಳಲು ಆಗಲಿಲ್ಲ. ಈ ಸೆಲ್ಫಿ ಸಲುವಾಗಿ ಪ್ರಚಾರಕ್ಕೆ ತಡಮಾಡುತ್ತಿದ್ದ ರಣ್ಬೀರ್ ಕಪೂರ್ ಅವರ ತಾಳ್ಮೆ ನಿಯಂತ್ರಣ ತಪ್ಪಿದೆ. ಅಭಿಮಾನಿಯ ಈ ವರ್ತನೆಯಿಂದ ಸಿಟ್ಟಿಗೆದ್ದು ಅವರ ಕೈಯಿಂದ ಫೋನ್ ತೆಗೆದುಕೊಂಡು ಅದನ್ನು ಹಿಂದಕ್ಕೆ ಎಸೆದಿದ್ದಾರೆ ನಟ ರಣ್ಬೀರ್.
ಇದನ್ನೂ ಓದಿ: ದುಬೈಗೆ ಪ್ರಯಾಣಿಸಲು ನಟಿ ಜಾಕ್ವೆಲಿನ್ಗೆ ಅನುಮತಿ ನೀಡಿದ ದೆಹಲಿ ನ್ಯಾಯಾಲಯ
ವಿಡಿಯೋ ವೈರಲ್, ನೆಟ್ಟಿಗರು ಏನಂದ್ರು? ಈ ವಿಡಿಯೋ ಸೋಷಿಯಲ್ ಮೀಡಿಯಾದಲ್ಲಿ ರೌಂಡ್ಸ್ ಒಡೆಯುತ್ತಿದೆ. ಇದನ್ನು ನೋಡಿದರೆ ರಣಬೀರ್ ಅವರದ್ದು ತಪ್ಪೇನೂ ಕಾಣುತ್ತಿಲ್ಲ. ಬಹಳ ಸಿಟ್ಟಿಗೆದ್ದಾಗ ಈ ರೀತಿಯ ವರ್ತನೆಗಳು ಸಹಜ. ಸ್ಟಾರ್ ಆಗಿರಲಿ ಅಥವಾ ಕಾಮನ್ ಮ್ಯಾನ್ ಆಗಿರಲಿ, ಇದು ಸಾಮಾನ್ಯ ವಿಚಾರ ಎಂದು ಅಭಿಮಾನಿಗಳು ತಮ್ಮ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ. ಇನ್ನೂ, ನಟ ತಮ್ಮ ಅಭಿಮಾನಿಯೊಂದಿಗೆ ಈ ರೀತಿ ವರ್ತಿಸಬಾರದಿತ್ತು ಎಂದು ಕೆಲ ಸಹ ಕೆಲ ನೆಟ್ಟಿಗರು ಹೇಳಿದ್ದಾರೆ.
ಮೊಬೈಲ್ ಕಂಪನಿಯ ಪ್ರಚಾರದ ವಿಡಿಯೋ?: ನಟ ರಣ್ಬೀರ್ ಕಪೂರ್ ಅವರು ಮೊಬೈಲ್ ಕಂಪನಿಯೊಂದರ ಜೊತೆ ಒಪ್ಪಂದ ಮಾಡಿಕೊಂಡಿದ್ದಾರೆ. ಆ ಬ್ರ್ಯಾಂಡ್ನ ಪ್ರಚಾರದ ಸಲುವಾಗಿ ಈ ರೀತಿಯ ಘಟನೆಯನ್ನು ಸೃಷ್ಟಿಸಲಾಗಿದೆ. ಇದು ಪ್ರಚಾರದ ಒಂದು ಭಾಗ ಎಂದು ಹೇಳಲಾಗುತ್ತಿದೆ.
ಇದನ್ನೂ ಓದಿ: ರಣಬೀರ್ ಜೊತೆ ಶ್ರದ್ಧಾ ಲಿಪ್ ಕಿಸ್: ಹುಡುಗರ ಎದೆಬಡಿತ ಹೆಚ್ಚಿಸುವ ಹಾಟ್ ಲುಕ್ನಲ್ಲಿ ಬಿಟೌನ್ ಬೆಡಗಿ
ತು ಜೂಠಿ ಮೆ ಮಕ್ಕರ್ ರೊಮ್ಯಾಂಟಿಕ್ ಕಾಮಿಡಿ ಸಿನಿಮಾ ಆಗಿದ್ದು ಇದರ ಅಧಿಕೃತ ಟ್ರೈಲರ್ ಜನವರಿ 23ರಂದು ಬಿಡುಗಡೆ ಆಗಿದೆ. ಲವ್ ರಂಜನ್ ಆ್ಯಕ್ಷನ್ ಕಟ್ ಹೇಳಿರುವ ಈ ಚಿತ್ರದಲ್ಲಿ ರಣ್ಬೀರ್ ಕಪೂರ್ ಮತ್ತು ಶ್ರದ್ಧಾ ಕಪೂರ್ ಮುಖ್ಯಭೂಮಿಕೆಯಲ್ಲಿ ನಟಿಸಿದ್ದಾರೆ. ಈ ಸ್ಟಾರ್ ನಟರು ಇದೇ ಮೊದಲ ಬಾರಿಗೆ ಸ್ಕ್ರೀನ್ ಶೇರ್ ಮಾಡಿಕೊಂಡಿರೋ ಸಿನಿಮಾವಿದು. ಬೋನಿ ಕಪೂರ್ ಮತ್ತು ಡಿಂಪಲ್ ಕಪಾಡಿಯಾ ಸಹ ಪ್ರಮುಖ ಪಾತ್ರಗಳಲ್ಲಿ ಅಭಿನಯ ಮಾಡಿದ್ದಾರೆ. ಮಾರ್ಚ್ 8ರಂದು ಸಿನಿಮಾ ತೆರೆ ಕಾಣಲಿದ್ದು, ಪ್ರಚಾರ ಕಾರ್ಯ ಬಿರುಸಿನಿಂದ ಸಾಗಿದೆ.
