ಗುಯ್ಯ ಗುಯ್ಯ... ಶಿವಮೊಗ್ಗ ಯುವಕರ ವಿಡಿಯೋ ಆಲ್ಬಮ್ ಸಾಂಗ್​ ಬಿಡುಗಡೆಗೆ ಸಿದ್ಧ

ಶಿವಮೊಗ್ಗದ ಯುವಕರ ಗುಂಪೊಂದು ಸೇರಿ ರಚಿಸಿರುವ 'ಗುಯ್ಯ ಗುಯ್ಯ' ಎಂಬ ಕನ್ನಡ ವಿಡಿಯೋ ಆಲ್ಬಮ್ ಸಾಂಗ್ ಬಿಡುಗಡೆಗೆ ಸಿದ್ಧವಾಗಿದೆ.

ಶಿವಮೊಗ್ಗ: ನಗರದ ಗೆಳೆಯರೇ ಸೇರಿಕೊಂಡು 'ಗುಯ್ಯ ಗುಯ್ಯ' ಎಂಬ ಕನ್ನಡ ವಿಡಿಯೋ ಆಲ್ಬಮ್ ಸಾಂಗ್ ರಚಿಸಿದ್ದು, ಆಗಸ್ಟ್ 31 ರ ಸಂಜೆ 5 ಗಂಟೆಗೆ ನಗರದ ಅಂಬೇಡ್ಕರ್ ಭವನದಲ್ಲಿ ಇದರ ಬಿಡುಗಡೆ ಕಾರ್ಯಕ್ರಮ ನಡೆಯಲಿದೆ ಎಂದು ಆಲ್ಬಮ್ ಸಾಂಗ್​ನ ನಿರ್ದೇಶಕ ಸೈಯದ್ ಅಹಮದ್ ತಿಳಿಸಿದರು.

ನಗರದಲ್ಲಿ ಸುದ್ದಿಗೋಷ್ಠಿ ನಡೆಸಿ ಮಾತನಾಡಿದ ಅವರು, ಇದೊಂದು ಮದ್ಯದ ಹಾಡಿಗೆ ಸಂಬಂಧಿಸಿದ್ದು, ಯುವಕರ ಸಂತೋಷ, ಸಂಭ್ರಮ ಚೆಲ್ಲಾಟಗಳನ್ನು ಈ ಹಾಡಿನಲ್ಲಿ ವ್ಯಕ್ತಪಡಿಸಲಾಗಿದೆ. 3 ನಿಮಿಷದ ವಿಡಿಯೋ ಆಲ್ಬಮ್ ಸಾಂಗ್​ನ ಚಿತ್ರೀಕರಣವನ್ನು ಶಿವಮೊಗ್ಗದ ಗಾಡಿಕೊಪ್ಪ ಸುತ್ತಮುತ್ತಲು ಚಿತ್ರೀಕರಿಸಲಾಗಿದೆ. ಇದರಲ್ಲಿ 100ಕ್ಕೂ ಹೆಚ್ಚು ಯುವಕರು ಭಾಗವಹಿಸಿದ್ದು, ತುಂಬಾ ಅದ್ಭುತವಾಗಿ ಮೂಡಿ ಬಂದಿದೆ ಎಂದರು.

ಯುವಕರ ಭಾವನೆಗಳೇ ಇಲ್ಲಿ ಪ್ರಮುಖವಾಗಿವೆ. ಹಾಗೆಯೇ ಮುಂದಿನ ದಿನಗಳಲ್ಲಿ ಉತ್ತಮ ಸಂದೇಶ ಸಾರುವ ವಿಡಿಯೋ ಸಾಂಗ್​​ಗಳನ್ನು ನಿರ್ಮಿಸಲಾಗುವುದು ಎಂದು ಸೈಯದ್ ಅಹಮದ್ ತಿಳಿಸಿದರು .