ಮಂಗಳೂರು: ಕೊರೊನಾ ಕರ್ಫ್ಯೂ ಹಿನ್ನೆಲೆಯಲ್ಲಿ ಮೊಬೈಲ್ ಶಾಪ್, ಬಟ್ಟೆ ಅಂಗಡಿ, ಟೈಲರ್ ಶಾಪ್ಗಳನ್ನು ಬಂದ್ ಮಾಡಲಾಗಿದೆ. ಹಾಗಾದರೆ ಅಮೆಜಾನ್ ಹಾಗು ಫ್ಲಿಪ್ಕಾರ್ಟ್ ಆನ್ಲೈನ್ ಸೇವೆಯನ್ನೂ ಸ್ಥಗಿತ‌ಗೊಳಿಸುವಂತೆ ರಾಜ್ಯಸರ್ಕಾರ ಆದೇಶಿಸಲಿ ಎಂದು ಶಾಸಕ ಯು.ಟಿ.ಖಾದರ್ ಆಗ್ರಹಿಸಿದ್ದಾರೆ.
ಮಾಧ್ಯಮಗಳೊಂದಿಗೆ ಮಾತನಾಡಿದ ಅವರು, ಅಮೆಜಾನ್ ಹಾಗು ಫ್ಲಿಪ್ಕಾರ್ಟ್ ಅಗತ್ಯ ವಸ್ತುಗಳ ವ್ಯಾಪ್ತಿಗೆ ಬರುತ್ತದೆಯೇ ಎಂದು ಪ್ರಶ್ನಿಸಿದರು. ಇಂದು ಎಲೆಕ್ಟ್ರಾನಿಕ್, ಬಟ್ಟೆ, ಮೊಬೈಲ್ ವ್ಯಾಪಾರಸ್ಥರು ಎಲ್ಲಾ ಬಂದ್ ಆಗಿರುವ ಹಿನ್ನೆಲೆಯಲ್ಲಿ ಮನೆಯಲ್ಲಿದ್ದಾರೆ. ಗ್ರಾಹಕರು ಅಮೆಜಾನ್ ಹಾಗು ಫ್ಲಿಪ್ಕಾರ್ಟ್ ಮೂಲಕ ಆನ್ಲೈನ್ ಶಾಪಿಂಗ್ ಮಾಡಿದ್ದಲ್ಲಿ, ಎಲ್ಲ ಸರಿಯಾದ ಬಳಿಕವೂ ಯಾರೂ ಅಂಗಡಿಗಳಿಗೆ ತೆರಳಿ ಖರೀದಿಸುವುದಿಲ್ಲ.
ಆದ್ದರಿಂದ ರಾಜ್ಯಸರ್ಕಾರ ಅಮೆಜಾನ್ ಹಾಗು ಫ್ಲಿಪ್ಕಾರ್ಟ್ ಆನ್ಲೈನ್ ಸೇವೆಯನ್ನು ತಕ್ಷಣದಿಂದಲೇ ಬಂದ್ ಮಾಡಿಸಲಿ. ಅದೆಲ್ಲವೂ ವಿದೇಶಿ ಕಂಪೆನಿಗಳಾಗಿದ್ದು, ಅವರಿಗೆ ಯಾಕೆ ಲಾಭ ಮಾಡಿಸಬೇಕು. ನಮ್ಮ ವ್ಯಾಪಾರಿಗಳು ಸಾಲ ಮಾಡಿ ಅಂಗಡಿಗಳನ್ನು ತೆರೆದಿದ್ದಾರೆ. ಎಲ್ಲವೂ ಸರಿಯಾದ ಬಳಿಕವಾದರೂ ವ್ಯಾಪಾರವಾಗಲಿ ಎಂದರು.
ಇದನ್ನೂ ಓದಿ: ಪಾಠ ಕಲಿಸಿದ ಆಕ್ಸಿಜನ್ ದುರಂತ: ಈಗಲಾದರೂ ಬದಲಾಗಬೇಕಿದೆ ಆಸ್ಪತ್ರೆ ಅವ್ಯವಸ್ಥೆ!
