ಹುಬ್ಬಳ್ಳಿ: ಕಿಮ್ಸ್ ಆಸ್ಪತ್ರೆಯಲ್ಲಿದ್ದ ನಿರುಪಯುಕ್ತ ಬೆಡ್, ಸ್ಟೆಚರ್ಸ್ ಹಾಗು ಕುರ್ಚಿಗಳನ್ನು ಮತ್ತೆ ಉಪಯೋಗಕ್ಕೆ ಬರುವ ಹಾಗೆ ಸಿದ್ಧಪಡಿಸಲಾಗಿದೆ.
ಒಟ್ಟು 4 ಜಿಲ್ಲೆಗಳಿಂದ ರೋಗಿಗಳು ಇಲ್ಲಿಗೆ ಚಿಕಿತ್ಸೆಗೆ ಅಗಮಿಸುತ್ತಾರೆ. ಆದ್ರೆ, ಇತ್ತೀಚೆಗೆ ಬೆಡ್ಗಳ ಕೊರತೆ ಹೆಚ್ಚಾಗಿ ಕಾಡಿತ್ತು. ಇದನ್ನರಿತ ಸಿಬ್ಬಂದಿ ಈಗಾಗಲೇ ಬಳಕೆಯಾಗಿದ್ದ ಗುಜರಿ ವಸ್ತುಗಳಿಗೆ ಹೊಸ ರೂಪ ಕೊಟ್ಟು ಬಳಕೆಯೋಗ್ಯ ಮಾಡಿದ್ದಾರೆ.
ಗುಜರಿ ವಸ್ತುಗಳಿಗೆ ಮರುಜೀವ
ಒಟ್ಟು 108 ಕಾಟ್ಗಳಲ್ಲಿ 78 ಕಾಟ್ಗಳನ್ನು ಮರು ಸಿದ್ಧಪಡಿಸಿದ್ದು, ಹಾಗೆಯೇ 17 ಸ್ಟ್ರೆಚರ್ಗಳು, 22 ಅಲ್ಮೇರಾ, ರೋಗಿಯ ಬಳಿ ಇಡಲು ಬೇಕಾದ ಸಣ್ಣ 26 ಲಾಕರ್‌ಗಳು ಸೇರಿದಂತೆ 5 ವ್ಹೀಲ್‌ಚೇರ್‌ಗಳು, 8 ಸೀಟಿಂಗ್ ಬೆಂಚ್ಗಳನ್ನು ಮತ್ತೆ ಬಳಸಬಹುದಾಗಿದೆ.
ಈ ಮೂಲಕ ಕಿಮ್ಸ್‌ಗೆ 25 ಲಕ್ಷ ರೂ ಹಣ ಉಳಿತಾಯವಾಗಿದ್ದು, ಅದೇ ಹಣವನ್ನು ಮತ್ತಷ್ಟು ಬೆಡ್ಗಳ ಕೊರತೆ ನೀಗಿಸಲು ಕಿಮ್ಸ್ ಆಡಳಿತ ಮಂಡಳಿ ತೀರ್ಮಾನಿಸಿದೆ.
