ಪುನೀತ್​ ರಾಜ್​ಕುಮಾರ್​ ನಿಧನ: ತಂದೆ ನೋಡಲು ಅಮೆರಿಕದಿಂದ ಧೃತಿ ಪಯಣ

ಪುನೀತ್ ರಾಜ್ ಕುಮಾರ್ ನಿಧನ ಹಿನ್ನೆಲೆ ತಂದೆಯ ಸಾವಿನ ಸುದ್ದಿ ತಿಳಿದು ನ್ಯೂಯಾರ್ಕ್​​ನಿಂದ ಧೃತಿ ಬೆಂಗಳೂರು ಕಡೆ ಪಯಣ ಬೆಳೆಸಿದ್ದಾರೆ. ನಾಳೆ ಸಾಯಂಕಾಲ 4 ಗಂಟೆ ವೇಳೆಗೆ ಅವರು ಬೆಂಗಳೂರು ತಲುಪುವ ಸಾಧ್ಯತೆ ಇದೆ ಎನ್ನಲಾಗಿದೆ.

ಬೆಂಗಳೂರು: ಹೃದಯಘಾತದಿಂದ ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ನಿಧನ ಹಿನ್ನೆಲೆ, ತಂದೆಯ ಸಾವಿನ ಸುದ್ದಿ ತಿಳಿದು ಅಮೆರಿಕದಿಂದ ಮಗಳು ಧೃತಿ ಬೆಂಗಳೂರು ಕಡೆ ಪಯಣ ಬೆಳೆಸಿದ್ದಾರೆ.

ವಿಶೇಷ ವಿಮಾನದ ಮೂಲಕ ಆಗಮಿಸುತ್ತಿರುವ ನಟ ಪುನೀತ್​ ರಾಜ್​ಕುಮಾರ್​​ ಪುತ್ರಿ, ನಾಳೆ ಸಾಯಂಕಾಲ 4 ಗಂಟೆ ವೇಳೆಗೆ ಬೆಂಗಳೂರು ತಲುಪುವ ಸಾಧ್ಯತೆ ಇದೆ ಎಂದು ಹೇಳಲಾಗುತ್ತಿದೆ.

ಒಂದು ವೇಳೆ ಧೃತಿ ನಾಲ್ಕು ಗಂಟೆಯ ವೇಳೆ ಸರಿಯಾಗಿ ಬಂದರೆ ನಾಳೆಯೇ ಪುನೀತ್ ಅವರ ಅಂತ್ಯಕ್ರಿಯೆ ಮಾಡುವ ಸಾಧ್ಯತೆಯೂ ಹೆಚ್ಚಾಗಿದೆ ಎಂದು ಮೂಲಗಳಿಂದ ತಿಳಿದು ಬಂದಿದೆ.